ਬੁੱਧਵਾਰ ਰਾਤ ਨੂੰ ਮੱਧ ਆਕਲੈਂਡ ਦੇ ਇੱਕ ਹੋਟਲ ‘ਚ ਅੱਗ ਲੱਗਣ ਤੋਂ ਬਾਅਦ ਦਰਜਨਾਂ ਮਹਿਮਾਨਾਂ ਅਤੇ ਸਟਾਫ ਮੈਂਬਰਾਂ ਨੂੰ ਬਾਹਰ ਕੱਢਿਆ ਜਾ ਰਿਹਾ ਹੈ। ਫਾਇਰ ਅਤੇ ਐਮਰਜੈਂਸੀ ਵਿਭਾਗ ਦਾ ਕਹਿਣਾ ਹੈ ਕਿ ਅੱਗ ਕੋਰਡਿਸ ਹੋਟਲ ਦੇ laundry ਵਾਲੇ ਖੇਤਰ ਵਿੱਚ ਲੱਗੀ ਸੀ ਅਤੇ ਸਪ੍ਰਿੰਕਲਰ ਸਿਸਟਮ ਦੁਆਰਾ ਇਸਨੂੰ ਕਾਬੂ ਕਰ ਲਿਆ ਗਿਆ ਹੈ। ਫਾਇਰਫਾਈਟਰ ਸਾਈਮੰਡਸ ਸਟਰੀਟ ‘ਤੇ ਬਹੁ-ਪੱਧਰੀ ਇਮਾਰਤ ਵਿੱਚੋਂ ਲੋਕਾਂ ਦੀ ਮਦਦ ਕਰ ਰਹੇ ਹਨ। ਰਾਹਤ ਵਾਲੀ ਗੱਲ ਹੈ ਕਿ ਅਜੇ ਤੱਕ ਕਿਸੇ ਦੇ ਜ਼ਖਮੀ ਹੋਣ ਦੀ ਕੋਈ ਰਿਪੋਰਟ ਨਹੀਂ ਹੈ। ਪਾਰਨੇਲ, ਬਾਲਮੋਰਲ, ਗ੍ਰੇ ਲਿਨ, ਆਕਲੈਂਡ ਸਿਟੀ ਅਤੇ ਐਲਰਸਲੀ ਤੋਂ ਫਾਇਰ ਬ੍ਰਿਗੇਡ ਕਰਮਚਾਰੀ ਘਟਨਾ ਸਥਾਨ ‘ਤੇ ਪਹੁੰਚੇ ਹਨ।
