ਹਾਕਸ ਬੇਅ ਦੇ ਇੱਕ ਹੋਟਲ ਵਿੱਚ ਰਾਤੋ ਰਾਤ ਚੋਰਾਂ ਵੱਲੋਂ ਏ.ਟੀ.ਐਮ ਮਸ਼ੀਨ ਦੀ ਭੰਨਤੋੜ ਕੀਤੀ ਗਈ ਹੈ। ਪੁਲਿਸ ਨੇ ਦੱਸਿਆ ਕਿ ਮੰਗਲਵਾਰ ਸਵੇਰੇ 5.30 ਵਜੇ ਇੱਕ ਚੋਰੀ ਦੀ ਗੱਡੀ Meeanee ਹੋਟਲ ਦੇ ਐਂਟਰੀ ਦਰਵਾਜ਼ੇ ‘ਚ ਮਾਰੀ ਗਈ ਸੀ। ਯਾਨੀ ਕਿ ਏਟੀਐਮ ਨੂੰ ਚੋਰੀ ਕਰਨ ਲਈ ਇੱਕ ਚੋਰੀ ਹੋਏ ਵਾਹਨ ਦੀ ਵਰਤੋਂ ਕੀਤੀ ਗਈ ਸੀ। ਵਾਰਦਾਤ ਮਗਰੋਂ ਅਪਰਾਧੀ ਘਟਨਾ ਸਥਾਨ ਤੋਂ ਵਿਲੋਬੈਂਕ ਰੋਡ ਤੋਂ ਉੱਤਰ ਵੱਲ ਨੇਪੀਅਰ ਵੱਲ ਚਲੇ ਗਏ। ਪੁਲਿਸ ਨੇ ਦੱਸਿਆ ਕਿ ਗੱਡੀ, ਰਜਿਸਟ੍ਰੇਸ਼ਨ BJT604, ਰਾਤ ਨੂੰ ਤਾਰਾਡੇਲ ਤੋਂ ਚੋਰੀ ਹੋ ਗਈ ਸੀ। ਉੱਥੇ ਹੀ ਪੁਲਿਸ ਕਿਸੇ ਵੀ ਚਸ਼ਮਦੀਦ ਤੋਂ ਜਾਣਕਾਰੀ ਲੈਣਾ ਚਾਹੁੰਦੀ ਹੈ ਜੋ ਵਾਰਦਾਤ ਵੇਲੇ ਹੋਟਲ ਦੇ ਆਸਪਾਸ ਹੋਵੇ ਜਿਸ ਨੇ ਉਸ ਸਮੇਂ ਵਾਹਨ ਨੂੰ ਦੇਖਿਆ ਹੋਵੇ।
