Murchison ਇਲਾਕੇ ਵਿੱਚ ਇੱਕ ਛੋਟਾ ਜਹਾਜ਼ ਹਾਦਸਾਗ੍ਰਸਤ ਹੋਣ ਕਾਰਨ ਦੋ ਲੋਕ ਜ਼ਖ਼ਮੀ ਹੋ ਗਏ ਹਨ। ਮੀਡੀਆ ਰਿਪੋਰਟਾਂ ਅਨੁਸਾਰ ਸ਼ਨੀਵਾਰ ਨੂੰ ਦੁਪਹਿਰ 3.30 ਵਜੇ ਦੇ ਕਰੀਬ ਇੱਕ ਮੇਡੇ ਕਾਲ ਆਇਆ ਜਦੋਂ ਜਹਾਜ਼ ਇੱਕ ਨਿੱਜੀ ਰਨਵੇਅ ਦੇ ਅੰਤ ਤੋਂ ਕ੍ਰੈਸ਼ ਹੋ ਗਿਆ। ਜਹਾਜ਼ ‘ਚ ਸਵਾਰ ਦੋਵਾਂ ਯਾਤਰੀਆਂ ਨੂੰ ਨੈਲਸਨ ਹਸਪਤਾਲ ਲਿਜਾਇਆ ਗਿਆ ਹੈ। ਇੱਕ ਨੂੰ ਗੰਭੀਰ ਸੱਟਾਂ ਅਤੇ ਦੂਜੇ ਨੂੰ ਦਰਮਿਆਨੀਆਂ ਸੱਟਾਂ ਲੱਗੀਆਂ ਹਨ। ਸੇਂਟ ਜੌਹਨ ਨੇ ਕਿਹਾ ਕਿ ਉਨ੍ਹਾਂ ਨੇ ਘਟਨਾ ਵਾਲੀ ਥਾਂ ‘ਤੇ ਦੋ ਹੈਲੀਕਾਪਟਰ ਭੇਜੇ ਹਨ। ਹੁਣ ਇਹ ਮਾਮਲਾ ਸਿਵਲ ਏਵੀਏਸ਼ਨ ਅਥਾਰਟੀ ਨੂੰ ਭੇਜ ਦਿੱਤਾ ਗਿਆ ਹੈ।
