ਪੁਲਿਸ ਨੇ ਪਿਛਲੇ ਹਫ਼ਤੇ ਕ੍ਰਾਈਸਟਚਰਚ ਅਗਵਾ ਦੀਆਂ ਦੋ ਕੋਸ਼ਿਸ਼ਾਂ ਦੇ ਸਬੰਧ ‘ਚ ਦੋਸ਼ੀ ਵਿਅਕਤੀ ਦੀ ਅੱਜ ਨਵੀਂ ਵੀਡੀਓ ਜਾਰੀ ਕੀਤੀ ਹੈ। ਪੁਲਿਸ ਦੇ ਅਨੁਸਾਰ, ਦੋ ਕੋਸ਼ਿਸ਼ਾਂ ਪਿਛਲੇ ਸੋਮਵਾਰ ਫੈਂਡਲਟਨ ਵਿੱਚ ਹੋਈਆਂ ਸਨ। ਪੁਲਿਸ ਨੇ ਕਿਹਾ, “ਸੋਮਵਾਰ, 3 ਅਕਤੂਬਰ ਨੂੰ ਸਵੇਰੇ 6.20 ਵਜੇ ਦੇ ਕਰੀਬ, ਇੱਕ ਅਣਪਛਾਤਾ ਵਿਅਕਤੀ ਕੋਟਾਰੇ ਸਟਰੀਟ ‘ਤੇ ਜਾਗਿੰਗ ਕਰ ਰਹੀ ਇੱਕ ਔਰਤ ਦੇ ਕੋਲ ਪਹੁੰਚਿਆ ਸੀ।” “ਪੁਲਿਸ ਸਮਝਦੀ ਹੈ ਕਿ ਉਹੀ ਆਦਮੀ ਫੈਂਡਲਟਨ ਰੋਡ ‘ਤੇ ਸਵੇਰੇ 6.55 ਵਜੇ ਕਲਾਈਡ ਅਤੇ ਫੈਂਡਲਟਨ ਦੇ ਇੰਟਰਸੈਕਸ਼ਨ ‘ਤੇ ਇੱਕ ਹੋਰ ਔਰਤ ਕੋਲ ਵੀ ਆਇਆ ਸੀ।” ਅੱਜ ਵਾਰਦਾਤਾਂ ਲਈ ਲੋੜੀਂਦੇ ਵਿਅਕਤੀ ਦੀ ਸਪਸ਼ਟ ਸੀਸੀਟੀਵੀ ਫੁਟੇਜ ਜਾਰੀ ਕੀਤੀ ਗਈ ਹੈ। ਜਾਰੀ ਵੀਡੀਓ ‘ਚ ਉਸੇ ਦਿਨ ਸਵੇਰੇ 5 ਵਜੇ, ਸੁਵਾ ਸਟ੍ਰੀਟ ਦੇ ਚੌਰਾਹੇ ਦੇ ਨੇੜੇ, ਮਿਡਲਟਨ ਰੋਡ ‘ਤੇ ਪੈਦਲ ਜਾ ਰਿਹਾ ਵਿਅਕਤੀ ਦਿਖਾਈ ਦੇ ਰਿਹਾ ਹੈ।
ਪੁਲਿਸ ਨੇ ਪਹਿਲਾਂ ਡੈਸ਼ਕੈਮ ਫੁਟੇਜ ਅਤੇ ਵਿਅਕਤੀ ਦੀ ਸੀਸੀਟੀਵੀ ਤਸਵੀਰ ਜਾਰੀ ਕੀਤੀ ਹੈ। “ਛੋਟੇ ਕਾਲੇ ਵਾਲਾਂ ਅਤੇ ਛੋਟੀ ਦਾੜ੍ਹੀ ਦੇ ਨਾਲ, “ਇਸ ਆਦਮੀ ਨੂੰ ਮੱਧਮ-ਬਿਲਟ, ਲਗਭਗ 176cm ਤੋਂ 179cm ਲੰਬਾ (5’8″-5’9″) ਦੱਸਿਆ ਗਿਆ ਹੈ। ਮੰਨਿਆ ਜਾਂਦਾ ਹੈ ਕਿ ਉਸਦੀ ਉਮਰ 25 ਤੋਂ 33 ਸਾਲ ਦੇ ਵਿਚਕਾਰ ਹੈ। ” ਜੇਕਰ ਕਿਸੇ ਨੂੰ ਵੀ ਇਸ ਵਿਅਕਤੀ ਬਾਰੇ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨਾਲ ਸੰਪਰਕ ਕਰਨ ਦੀ ਅਪੀਲ ਕੀਤੀ ਗਈ ਹੈ।