ਜੇਕਰ ਤੁਸੀ ਵੀ ਨਿਊਜ਼ੀਲੈਂਡ ਦੀ ਯਾਤਰਾ ਕਰਨੀ ਹੈ ਤਾਂ ਇਹ ਖਬਰ ਤੁਹਾਡੇ ਲਈ ਖਾਸ ਹੈ। ਕਿਉਂਕ ਅੱਜ ਅਸੀਂ ਤੁਹਾਨੂੰ ਏਅਰਪੋਰਟ ਸਬੰਧੀ ਅਹਿਮ ਜਾਣਕਾਰੀ ਦੇਣ ਜਾ ਰਹੇ ਹਾਂ ਜਿਸ ਕਾਰਨ ਤੁਸੀ ਸੈਂਕੜੇ ਡਾਲਰਾਂ ਦੇ ਜੁਰਮਾਨੇ ਤੋਂ ਬੱਚ ਸਕਦੇ ਹੋ। ਅਸੀਂ ਅਕਸਰ ਦੇਖਿਆ ਹੈ ਕਿ ਜਦੋਂ ਵੀ ਕੋਈ ਵਿਦੇਸ਼ ਜਾਂਦਾ ਹੈ ਤਾਂ ਲੋਕ ਆਪਣੇ ਨਾਲ ਕਾਫੀ ਸਮਾਨ ਲੈ ਕੇ ਜਾਂਦੇ ਹਨ। ਪਰ ਅੱਜ ਅਸੀਂ ਤੁਹਾਨੂੰ ਇਸ ਖਬਰ ਜ਼ਰੀਏ ਇਹ ਦੱਸਾਗੇ ਕਿ ਤੁਸੀ ਨਿਊਜ਼ੀਲੈਂਡ ਕਿਹੜੀਆਂ ਚੀਜ਼ਾਂ ਨਹੀਂ ਲਿਜਾ ਸਕਦੇ ਤੇ ਕਿਹੜੀਆਂ ਗਲਤੀਆਂ ਕਰਨ ਤੋਂ ਬੱਚਣਾ ਹੈ। ਦਰਅਸਲ ਸਭ ਤੋਂ ਪਹਿਲੀ ਗਲਤੀ ਹੁੰਦੀ ਹੈ ਕਿਸੇ ਯਾਤਰੀ ਦੇ ਵੱਲੋਂ ਆਪਣੇ ਸਮਾਨ ਦੀ ਸਹੀ ਜਾਣਕਾਰੀ ਨਾ ਦੇਣਾ ਇਸ ਤੋਂ ਇਲਾਵਾ ਕੋਈ ਵੀ ਅਜਿਹਾ ਫਲ, ਬੂਟਾ, ਬੀਜ, ਭੋਜਨ ਨਿਊਜੀਲੈਂਡ ਲਿਆਉਣ ਦੀ ਕੋਸ਼ਿਸ਼ ਕਰਨਾ, ਜੋ ਨਿਊਜੀਲੈਂਡ ਦੀ ਜਲਵਾਯੂ ਲਈ ਇੱਕ ਖਤਰਾ ਸਾਬਿਤ ਹੋ ਸਕਦਾ ਹੈ, ਜੇਕਰ ਤੁਸੀ ਨਿਊਜ਼ੀਲੈਂਡ ਆ ਰਹੇ ਹੋ ਤਾਂ ਤੁਹਾਨੂੰ ਇੰਨ੍ਹਾਂ ਚੀਜ਼ਾਂ ਦੀ ਜਾਣਕਾਰੀ ਜਰੂਰ ਦੇਣੀ ਪਏਗੀ।
ਇਸ ਤੋਂ ਇਲਾਵਾ ਤੁਸੀ ਆਪਣਾ ਫੋਨ ਚਲਾਉਣ ‘ਤੇ ਵੀ ਫਸ ਸਕਦੇ ਹੋ। ਤਕ ਸੋਚ ਰਹੇ ਹੋਵੇਗੇ ਉਹ ਕਿਵੇਂ ਦਰਅਸਲ ਏਅਰਪੋਰਟ ਦੇ ਕੁੱਝ ਵਰਜਿਤ ਇਲਾਕਿਆਂ ਵਿੱਚ ਮੋਬਾਇਲ ਫੋਨ ਦੀ ਵਰਤੋਂ ‘ਤੇ ਪਬੰਦੀ ਹੈ। ਇਨ੍ਹਾਂ ਥਾਵਾਂ ਵਿੱਚ ਕਸਟਮ ਹਾਲ ਸ਼ਾਮਿਲ ਹੈ, ਜਿੱਥੇ ਸਮਾਰਟ ਗੇਟ ਤੇ ਕਸਟਮ ਅਧਿਕਾਰੀ ਡਿਊਟੀ ਕਰਦੇ ਹਨ। ਲੋਕਾਂ ਵੱਲੋਂ ਅਕਸਰ ਇਹ ਗਲਤੀ ਓਦੋਂ ਕੀਤੀ ਜਾਂਦੀ ਹੈ, ਜਦੋ ਉਹ ਚੈਕਿੰਗ ਲਈ ਲਾਈਨ ਵਿੱਚ ਖੜ੍ਹੇ ਹੁੰਦੇ ਹਨ। ਇਸ ਤੋਂ ਇਲਾਵਾ ਸਮਾਨ ਦਾ ਸਕਰੀਨਿੰਗ ਵਾਲੀ ਥਾਂ ‘ਤੇ ਵੀ ਫੋਨ ਦੀ ਵਰਤੋਂ ਨਹੀਂ ਕੀਤੀ ਜਾ ਸਕਦੀ। ਜੇਕਰ ਤੁਸੀ ਇਹ ਗਲਤੀਆਂ ਕਰਦੇ ਹੋ ਤਾਂ ਤੁਹਾਨੂੰ ਹਰ ਗਲਤੀ ਦੇ ਲਈ $400 ਦਾ ਜੁਰਮਾਨਾ ਹੋ ਸਕਦਾ ਹੈ।