ਜੇਕਰ ਤੁਸੀ ਨਿਊਜ਼ੀਲੈਂਡ ਦੇ ਵਾਸੀ ਹੋ ਅਤੇ ਆਂਡੇ ਖਾਣ ਦੇ ਸ਼ੌਕੀਨ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਬਹੁਤ ਖਾਸ ਹੈ, ਦਰਅਸਲ ਪੂਰੇ ਨਿਊਜੀਲੈਂਡ ਦੀਆ ਸੁਪਰਮਾਰਕੀਟਾਂ ‘ਚ ਇਸ ਵੇਲੇ ਫਾਰਮੀ ਆਂਡਿਆਂ ਦੀ ਭਾਰੀ ਕਮੀ ਚੱਲ ਰਹੀ ਹੈ। ਕਾਉਂਟਡਾਊਨ ਤੇ ਫੂਡਸਟੱਫ ਦੇ ਸਟੋਰਾਂ ਵਿੱਚ ਆਂਡਿਆਂ ਦੀ ਭਾਰੀ ਕਮੀ ਦੇ ਕਾਰਨ ਸੁਪਰਮਾਰਕੀਟਾਂ ਨੇ ਆਂਡੇ ਖ੍ਰੀਦਣ ਦੀ ਸੀਮਾ ਵੀ ਨਿਰਧਾਰਿਤ ਕਰ ਦਿੱਤੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾ ਨਿਊਜੀਲੈਂਡ ਸਰਕਾਰ ਨੇ 2023 ਤੋਂ 2027 ਤੱਕ ਫਾਰਮੀ ਆਂਡਿਆਂ ਦੀ ਪੈਦਾਵਾਰ ਬਿਲਕੁਲ ਖਤਮ ਕਰਨ ਦਾ ਫੈਸਲਾ ਵੀ ਲਿਆ ਸੀ। ਜਿਸ ਕਾਰਨ ਦੇਸ਼ ਵਿੱਚ ਸਿਰਫ ਦੇਸੀ ਆਂਡੇ ਹੀ ਮਿਲਿਆ ਕਰਨਗੇ।
ਨਿਊਜੀਲੈਂਡ ਭਰ ਵਿੱਚ ਇਸ ਵੇਲੇ ਸੁਪਰਮਾਰਕੀਟਾਂ ਵਿੱਚ ਫਾਰਮੀ ਆਂਡਿਆਂ ਦੀ ਸ਼ਾਰਟੇਜ ਚੱਲ ਰਹੀ ਹੈ। ਆਂਡਿਆਂ ਦੀ ਸ਼ਾਰਟੇਜ ਕਾਉਂਟਡਾਊਨ ਤੇ ਫੂਡਸਟੱਫ ਦੇ ਸਟੋਰਾਂ ਵਿੱਚ ਦੇਖਣ ਨੂੰ ਮਿਲ ਰਹੀ ਹੈ ਤੇ ਇਸ ਕਾਰਨ ਸੁਪਰਮਾਰਕੀਟਾਂ ਨੇ ਆਂਡੇ ਖ੍ਰੀਦਣ ਦੀ ਸੀਮਾ ਨਿਰਧਾਰਿਤ ਕਰ ਦਿੱਤੀ ਹੈ। ਸੁਪਰਮਾਰਕੀਟਾਂ ਅਨੁਸਾਰ ਇਹ ਸ਼ਾਰਟੇਜ ਸਰਕਾਰ ਦੇ ਉਸ ਫੈਸਲੇ ਦਾ ਨਤੀਜਾ ਹੈ ਜਿਸ ਤਹਿਤ ਸਰਕਾਰ ਨੇ ਨਿਊਜੀਲੈਂਡ ਵਾਸੀਆਂ ਦੀ ਸਿਹਤ ਨੂੰ ਧਿਆਨ ਵਿੱਚ ਰੱਖਦਿਆਂ ਫਾਰਮੀ ਆਂਡਿਆਂ ਦੀ ਪੈਦਾਵਾਰ 2023 ਤੋਂ 2027 ਤੱਕ ਬਿਲਕੁਲ ਖਤਮ ਕਰਨ ਦਾ ਫੈਸਲਾ ਲਿਆ ਸੀ ਤੇ ਹੁਣ ਨਿਊਜੀਲੈਂਡ ਵਾਸੀ ਦੇਸੀ ਆਂਡਿਆਂ ਦੀ ਪੈਦਾਵਾਰ ਕਰਨਗੇ, ਜੋ ਕਿ ਸਿਹਤ ਲਈ ਵਧੇਰੇ ਲਾਭਦਾਇਕ ਸਾਬਿਤ ਹੁੰਦੇ ਹਨ।