ਨਿਊਜੀਲੈਂਡ ਸਰਕਾਰ ਨੇ ਬੁੱਧਵਾਰ ਦੁਪਹਿਰ ਨੂੰ ਘੋਸ਼ਣਾ ਕੀਤੀ ਕਿ ਇਸ ਅਪ੍ਰੈਲ ਤੋਂ ਘੰਟਾਵਾਰ ਘੱਟੋ-ਘੱਟ ਉਜਰਤ $22.70 ਹੋ ਜਾਵੇਗੀ ਜਿਸ ਇੱਚ 7% ਵਾਧਾ ਕੀਤਾ ਜਾਵੇਗਾ। ਇਹ $1.50 ਦਾ ਵਾਧਾ ਹੈ। ਮੌਜੂਦਾ ਘੱਟੋ-ਘੱਟ ਉਜਰਤ $21.20 ਹੈ। ਇਹ ਵਾਧਾ ਮਹਿੰਗਾਈ ਦੇ ਅਨੁਰੂਪ ਕੀਤਾ ਗਿਆ ਹੈ ਅਤੇ ਇਸ ਦਾ ਮਤਲਬ ਹੈ ਕਿ ਘੱਟੋ-ਘੱਟ ਉਜਰਤ ‘ਤੇ ਪੂਰਾ ਸਮਾਂ ਕੰਮ ਕਰਨ ਵਾਲਾ ਵਿਅਕਤੀ ਜੋ ਇਸ ਵੇਲੇ ਹਫ਼ਤੇ ਵਿੱਚ $715 ਕਮਾ ਰਿਹਾ ਹੈ, ਹੁਣ $756 ਕਮਾਏਗਾ। ਪ੍ਰਧਾਨ ਮੰਤਰੀ ਕ੍ਰਿਸ ਹਿਪਕਿਨਜ਼ ਨੇ ਬੁੱਧਵਾਰ ਨੂੰ ਕੈਬਨਿਟ ਤੋਂ ਬਾਅਦ ਦੀ ਪ੍ਰੈਸ ਕਾਨਫਰੰਸ ਵਿੱਚ ਇਹ ਐਲਾਨ ਕੀਤਾ ਸੀ।
ਮੰਤਰੀ ਮੰਡਲ ਨੇ ਘੱਟੋ-ਘੱਟ ਉਜਰਤ ਨੂੰ $1.50 ਵਧਾ ਕੇ $22.70 ਪ੍ਰਤੀ ਘੰਟਾ ਕਰਨ ਲਈ ਸਹਿਮਤੀ ਦਿੱਤੀ ਹੈ। ਇਹ 1 ਅਪ੍ਰੈਲ, 2023 ਤੋਂ ਲਾਗੂ ਹੋਵੇਗਾ। ਸ਼ੁਰੂਆਤੀ-ਬਾਹਰ ਅਤੇ ਸਿਖਲਾਈ ਦੀ ਘੱਟੋ-ਘੱਟ ਉਜਰਤ ਦਰਾਂ ਬਾਲਗ ਘੱਟੋ-ਘੱਟ ਉਜਰਤ ਦੇ 80% ‘ਤੇ ਬਣਾਈਆਂ ਜਾਣਗੀਆਂ। ਜ਼ਿਕਰਯੋਗ ਹੈ ਕਿ ਨਿਊਜ਼ੀਲੈਂਡ ਸਰਕਾਰ ਨੇ ਲਗਾਤਾਰ ਮਹਿੰਗਾਈ ਦਾ ਸਾਹਮਣਾ ਕਰ ਰਹੇ ਨਿਊਜੀਲੈਂਡ ਵਾਸੀਆਂ ਨੂੰ ਵੱਡੀ ਰਾਹਤ ਦਿੱਤੀ ਹੈ।