ਕ੍ਰਾਈਸਟਚਰਚ ਕੈਥੇਡ੍ਰਲ ਸਕੁਏਅਰ ਵਿੱਚ ਸ਼ੁੱਕਰਵਾਰ ਨੂੰ ਸੈਂਕੜੇ ਲੋਕ ਰਾਇਲ ਹਾਈਨੈਸ ਰਾਜਕੁਮਾਰੀ ਐਨੀ ਨੂੰ ਦੇਖਣ ਲਈ ਇਕੱਠੇ ਹੋਏ। ਰਾਜਕੁਮਾਰੀ ਐਨੀ ਰਾਇਲ ਨਿਊਜ਼ੀਲੈਂਡ ਕੋਰ ਆਫ ਸਿਗਨਲ ਦੀ ਕਰਨਲ ਇਨ ਚੀਫ ਹੈ, ਅਤੇ ਲਿੰਟਨ ਮਿਲਟਰੀ ਵਿਖੇ ਇਸਦੀ 100ਵੀਂ ਵਰ੍ਹੇਗੰਢ ਦੇ ਜਸ਼ਨਾਂ ਵਿੱਚ ਸ਼ਾਮਿਲ ਹੋਣ ਲਈ ਇੱਥੇ ਪਹੁੰਚੇ ਹਨ। ਰਾਇਲ ਹਾਈਨੈਸ ਨੇ ਕ੍ਰਾਈਸਟਚਰਚ ਦੇ ਮੇਅਰ ਫਿਲ ਮੌਗਰ ਨਾਲ ਮੁਲਾਕਾਤ ਕੀਤੀ, ਕੈਥੇਡ੍ਰਲ ਸਾਈਟ ਦਾ ਦੌਰਾ ਕੀਤਾ ਅਤੇ ਸਿਟੀਜ਼ਨਜ਼ ਵਾਰ ਮੈਮੋਰੀਅਲ ਨੂੰ ਮੁੜ ਸਮਰਪਿਤ ਕੀਤਾ। ਉਨ੍ਹਾਂ ਦੇ ਨਿਊਜ਼ੀਲੈਂਡ ਦੌਰੇ ਦੇ ਆਖਰੀ ਦਿਨ ਉਨ੍ਹਾਂ ਦੇ ਪਤੀ ਵਾਈਸ-ਐਡਮਿਰਲ ਸਰ ਟਿਮ ਲਾਰੇਂਸ ਵੀ ਉਨ੍ਹਾਂ ਦੇ ਨਾਲ ਸਨ।
