MetService ਨੇ ਸ਼ਨੀਵਾਰ ਦੁਪਹਿਰ ਗਿਸਬੋਰਨ ਦੇ ਕੁੱਝ ਹਿੱਸਿਆਂ ਲਈ ਇੱਕ ਗੰਭੀਰ ਤੂਫ਼ਾਨ ਦੀ ਚਿਤਾਵਨੀ ਜਾਰੀ ਕੀਤੀ ਹੈ। ਮੈਟਸਰਵਿਸ ਨੇ ਦੱਸਿਆ ਕਿ ਦੁਪਹਿਰ 2.30 ਵਜੇ ਦੇ ਆਸਪਾਸ ਮਤਵਾਈ ਦੇ ਨੇੜੇ ਤੇਜ਼ ਗਰਜਾਂ ਦੀ ਜਾਣਕਾਰੀ ਸਾਹਮਣੇ ਆਈ ਹੈ। ਅੱਜ ਬੇਅ ਆਫ਼ ਪਲੈਂਟੀ, ਟੌਪੋ, ਗਿਸਬੋਰਨ ਅਤੇ ਹਾਕਸ ਬੇਅ ਲਈ ਵੀ ਥੰਡਰਸਟਰਮ ਵਾਚ ਜਾਰੀ ਕੀਤੀ ਗਈ ਹੈ। MetService ਨੇ ਕਿਹਾ, “ਅੱਜ ਦੁਪਹਿਰ ਅਤੇ ਸ਼ਾਮ ਨੂੰ ਉੱਤਰੀ ਟਾਪੂ ਦੇ ਮੱਧ ਅਤੇ ਪੂਰਬੀ ਹਿੱਸਿਆਂ ਲਈ ਗਰਜ਼-ਤੂਫ਼ਾਨ ਦਾ ਇੱਕ ਮੱਧਮ ਖਤਰਾ ਹੈ। ਇਹ ਗਰਜਾਂ ਨਾਲ ਸਥਾਨਕ ਤੌਰ ‘ਤੇ ਭਾਰੀ ਮੀਂਹ ਅਤੇ ਛੋਟੇ ਗੜੇ ਹੋਣਗੇ।”
