ਪੁਆਇੰਟ ਹਾਵਰਡ ਦੇ ਲੋਅਰ ਹੱਟ ਉਪਨਗਰ ਵਿੱਚ ਕੁੱਝ ਘਰਾਂ ਨੂੰ ਖਾਲੀ ਕਰਵਾਇਆ ਗਿਆ ਹੈ ਅਤੇ ਖੇਤਰ ਵਿੱਚ large slip ਤੋਂ ਬਾਅਦ 75 ਘਰਾਂ ਦੀ ਬਿਜਲੀ ਬੰਦ ਕੀਤੀ ਗਈ ਹੈ। ਹਾਵਰਡ ਰੋਡ ‘ਤੇ ਮੰਗਲਵਾਰ ਦੁਪਹਿਰ ਨੂੰ ਘੇਰਾਬੰਦੀ ਕੀਤੀ ਗਈ ਸੀ, ਅਤੇ 10 ਘਰਾਂ ਨੂੰ slip moving ਦੇ ਖਤਰੇ ਕਾਰਨ ਖਾਲੀ ਕਰ ਦਿੱਤਾ ਗਿਆ ਸੀ। ਵੈਲਿੰਗਟਨ ਵਾਟਰ ਨੇ ਕਿਹਾ ਕਿ ਇੱਕ ਪਾਈਪ ਦੇ ਫੱਟਣ ਕਾਰਨ ਇਹ ਦਿੱਕਤ ਆਈ ਹੈ ਅਤੇ ਚਿਤਾਵਨੀ ਜਾਰੀ ਕੀਤੀ ਗਈ ਹੈ ਕਿ ਇਹ ਪੁਆਇੰਟ ਹਾਵਰਡ ਨੂੰ ਪਾਣੀ ਦੀ ਸਾਰੀ ਸਪਲਾਈ ਨੂੰ ਕੱਟ ਰਿਹਾ ਹੈ ਜਦਕਿ ਸੇਵਾਵਾਂ ਨੂੰ ਬਹਾਲ ਕਰਨ ਲਈ ਕੰਮ ਕੀਤਾ ਜਾ ਰਿਹਾ ਹੈ।
ਹੱਟ ਸਿਟੀ ਕੌਂਸਲ ਨੇ ਕਿਹਾ ਕਿ ਇਹ ਯਕੀਨੀ ਨਹੀਂ ਹੈ ਕਿ ਪਾਣੀ ਦੀ ਸਪਲਾਈ ਕਦੋਂ ਤੱਕ ਬੰਦ ਰਹੇਗੀ, ਅਤੇ ਟੁੱਟੇ ਹੋਏ ਪਾਈਪ ਨੂੰ ਅਲੱਗ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਇਸ ਦੌਰਾਨ ਮਰੀਨ ਡਰਾਈਵ ’ਤੇ ਪਾਣੀ ਦੇ ਦੋ ਟੈਂਕਰ ਲਾਏ ਗਏ ਹਨ। ਵੈਲਿੰਗਟਨ ਵਾਟਰ ਨੇ ਕਿਹਾ ਕਿ ਉਹ ਉਦੋਂ ਤੱਕ ਨੁਕਸਾਨ ਦਾ ਮੁਲਾਂਕਣ ਨਹੀਂ ਕਰ ਸਕਦਾ ਜਦੋਂ ਤੱਕ ਬਿਜਲੀ ਅਤੇ ਗੈਸ ਸਪਲਾਈ ਬਹਾਲ ਨਹੀਂ ਹੋ ਜਾਂਦੀ ਅਤੇ ਭੂ-ਤਕਨੀਕੀ ਮੁਲਾਂਕਣ ਪੂਰਾ ਨਹੀਂ ਹੋ ਜਾਂਦਾ। ਵਸਨੀਕਾਂ ਨੂੰ ਪਾਣੀ ਦੀ ਸੰਭਾਲ ਕਰਨ ਅਤੇ ਬੋਤਲਾਂ ਭਰਨ ਲਈ ਕਿਹਾ ਗਿਆ ਸੀ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਉਨ੍ਹਾਂ ਕੋਲ ਲੋੜ ਅਨੁਸਾਰ ਪਾਣੀ ਹੈ।
ਵੈਲਿੰਗਟਨ ਇਲੈਕਟ੍ਰੀਸਿਟੀ ਨੇ ਕਿਹਾ ਕਿ ਬਿਜਲੀ ਦੀਆਂ ਤਾਰਾਂ ਟੁੱਟਣ ਕਾਰਨ 75 ਘਰਾਂ ਵਿੱਚ ਬਿਜਲੀ ਨਹੀਂ ਸੀ। ਇਸ ਨੇ ਇੱਕ ਗੈਸ ਲਾਈਨ ਵੀ ਕੱਟ ਦਿੱਤੀ ਅਤੇ ਫਾਇਰ ਐਂਡ ਐਮਰਜੈਂਸੀ (FENZ) ਸਟਾਫ ਨੇ ਪੁਆਇੰਟ ਹਾਵਰਡ ਨਿਵਾਸੀਆਂ ਨੂੰ ਆਪਣੇ ਘਰਾਂ ਵਿੱਚ ਰਹਿਣ ਲਈ ਕਿਹਾ ਹੈ। FENZ ਸ਼ਿਫਟ ਮੈਨੇਜਰ ਕ੍ਰਿਸ ਡਾਲਟਨ ਨੇ ਕਿਹਾ ਕਿ ਉਹ ਸੇਵਾਵਾਂ ਨੂੰ ਸੁਰੱਖਿਅਤ ਬਣਾਉਣ ਅਤੇ ਨੁਕਸਾਨ ਦੀ ਹੱਦ ਦਾ ਮੁਲਾਂਕਣ ਕਰਨ ਲਈ ਹੱਟ ਸਿਟੀ ਕੌਂਸਲ ਅਤੇ ਪਾਵਰ ਅਤੇ ਗੈਸ ਕੰਪਨੀਆਂ ਨਾਲ ਕੰਮ ਕਰ ਰਹੇ ਹਨ।
ਸੋਸ਼ਲ ਮੀਡੀਆ ‘ਤੇ ਇੱਕ ਪੋਸਟ ਵਿੱਚ, ਹੱਟ ਸਿਟੀ ਕੌਂਸਲ ਨੇ ਕਿਹਾ ਕਿ ਵਿਆਪਕ ਖੇਤਰ ਦੇ ਵਸਨੀਕਾਂ ਨੂੰ ਵੀ ਰੁਕਾਵਟਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। “ਅਸੀਂ ਵਸਨੀਕਾਂ ਨੂੰ ਪਾਣੀ ਦੀ ਬਚਤ ਕਰਨ, ਪਖਾਨੇ ਨੂੰ ਫਲੱਸ਼ ਕਰਨ ਤੋਂ ਬਚਣ ਅਤੇ ਖੇਤਰ ਵਿੱਚ ਪਾਣੀ ਦੀ ਰੁਕਾਵਟ ਦੇ ਪ੍ਰਭਾਵਾਂ ਨੂੰ ਘੱਟ ਕਰਨ ਲਈ ਬੇਲੋੜੀ ਪਾਣੀ ਦੀ ਵਰਤੋਂ ਤੋਂ ਬਚਣ ਲਈ ਵੀ ਕਹਿ ਰਹੇ ਹਾਂ। ਜੇਕਰ ਕਿਸੇ ਵਸਨੀਕ ਨੂੰ ਸੁਰੱਖਿਆ ਸੰਬੰਧੀ ਚਿੰਤਾਵਾਂ ਹਨ ਜਾਂ ਵਿਸ਼ਵਾਸ ਹੈ ਕਿ ਉਹ ਖ਼ਤਰੇ ਵਿੱਚ ਹਨ, ਤਾਂ ਕਿਰਪਾ ਕਰਕੇ 111 ‘ਤੇ ਕਾਲ ਕਰੋ। ਅਸੀਂ ਅੱਪਡੇਟ ਪੋਸਟ ਕਰਾਂਗੇ ਕਿਉਂਕਿ ਉਹ ਸਾਡੇ ਲਈ ਉਪਲਬਧ ਹੋਣਗੇ।”
FENZ ਦੇ ਸਹਾਇਕ ਕਮਾਂਡਰ ਗੈਰੇਥ ਹਿਊਜ਼ ਨੇ ਕਿਹਾ ਕਿ ਖੇਤਰ ਨੂੰ ਆਮ ਵਾਂਗ ਕਰਨ ਲਈ ਕੁਝ ਸਮਾਂ ਲੱਗੇਗਾ ਪਰ ਉਹ ਜਿੰਨੀ ਜਲਦੀ ਹੋ ਸਕੇ ਸੇਵਾਵਾਂ ਨੂੰ ਚਾਲੂ ਕਰਨ ਅਤੇ ਚਲਾਉਣ ਦਾ ਟੀਚਾ ਰੱਖ ਰਹੇ ਹਨ। ਘੇਰਾਬੰਦੀ ਵਾਲੇ ਖੇਤਰ ਦੇ ਕੁਝ ਵਸਨੀਕ ਸਿਰਫ਼ ਪੈਦਲ ਹੀ ਆਪਣੇ ਘਰਾਂ ਤੋਂ ਬਾਹਰ ਜਾ ਸਕਦੇ ਹਨ।