Te Whatu Ora ਲਈ ਕੰਮ ਕਰ ਰਹੇ ਨਿਊਜ਼ੀਲੈਂਡ ਨਰਸ ਆਰਗੇਨਾਈਜੇਸ਼ਨ (NZNO) ਦੇ ਮੈਂਬਰ ਪਬਲਿਕ ਹੈਲਥ ਅਥਾਰਟੀ ਦੇ ਪ੍ਰਸਤਾਵ ਤੋਂ ਬਾਅਦ ਆਪਣੇ ਅਗਲੇ ਕਦਮਾਂ ‘ਤੇ ਚਰਚਾ ਕਰਨ ਲਈ ਅਗਲੇ ਹਫ਼ਤੇ ਸਟਾਪ-ਵਰਕ ਮੀਟਿੰਗਾਂ ਵਿੱਚ ਸ਼ਾਮਿਲ ਹੋਣਗੇ। 29 ਮਈ ਤੋਂ 2 ਜੂਨ ਤੱਕ, ਨਰਸਾਂ, ਮਿਡਵਾਈਵਜ਼, ਹੈਲਥਕੇਅਰ ਅਸਿਸਟੈਂਟ ਅਤੇ ਕੈਮਾਹੀ ਹੌਓਰਾ ਸੌਦੇਬਾਜ਼ੀ ਪ੍ਰਕਿਰਿਆ ਵਿੱਚ ਆਪਣੇ ਅਗਲੇ ਕਦਮਾਂ ਬਾਰੇ ਚਰਚਾ ਕਰਨ ਲਈ ਦੇਸ਼ ਭਰ ਦੀਆਂ 57 ਮੀਟਿੰਗਾਂ ਵਿੱਚੋਂ ਇੱਕ ਵਿੱਚ ਸ਼ਾਮਿਲ ਹੋਣਗੇ। ਦੱਸ ਦੇਈਏ ਕਿ NZNO ਦੇ ਮੈਂਬਰ ਵਰਤਮਾਨ ਵਿੱਚ ਤਨਖ਼ਾਹ ਵਿੱਚ ਵਾਧੇ ਦੀ ਮੰਗ ਕਰ ਰਹੇ ਹਨ ਜੋ ਮੌਜੂਦਾ 6.7% ਮਹਿੰਗਾਈ ਦੇ ਅਨੁਸਾਰ ਹੈ। ਪਰ ਇੱਕ NZNO ਦੇ ਬੁਲਾਰੇ ਨੇ ਕਿਹਾ ਕਿ “ਟੇ ਵੱਟੂ ਓਰਾ ਦੀ ਇਸ ਸਾਲ ਸਾਰੀਆਂ ਦਰਾਂ ਵਿੱਚ $4000 ਦੀ ਪੇਸ਼ਕਸ਼ ਅਤੇ ਅਗਲੇ ਸਾਲ ਹੋਰ 3% ਦੀ ਪੇਸ਼ਕਸ਼ ਇਸ ਅੰਕੜੇ ਤੋਂ ਬਹੁਤ ਘੱਟ ਹੈ।”
