ਸ਼ਨੀਵਾਰ ਦੁਪਹਿਰ ਵੇਲੇ ਦੱਖਣੀ ਆਕਲੈਂਡ ‘ਚ ਇੱਕ ਚੋਰੀ ਹੋਈ ਗੱਡੀ ਵੱਲੋਂ ਦੂਜੀ ਗੱਡੀ ਨੂੰ ਟੱਕਰ ਮਾਰੇ ਜਾਣ ਮਗਰੋਂ ਚਾਰ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇੱਕ ਪੁਲਿਸ patrol ਕਾਰ ਨੇ ਦੁਪਹਿਰ 3 ਵਜੇ ਤੋਂ ਥੋੜ੍ਹੀ ਦੇਰ ਪਹਿਲਾਂ ਓਟਾਹੁਹੂ ਵਿੱਚ ਪੋਰਟੇਜ ਰੋਡ ‘ਤੇ ਚੋਰੀ ਹੋਈ ਗੱਡੀ ਵੇਖੀ ਸੀ। ਪੁਲਿਸ ਹੈਲੀਕਾਪਟਰ ਨੇ ਗੱਡੀ ਨੂੰ ਦੇਖਿਆ ਸੀ ਜਦੋਂ ਇਹ ਮੈਨੂਕਾਊ ਵੱਲ ਦੱਖਣ ਵੱਲ ਜਾ ਰਹੀ ਸੀ। ਇੰਸਪੈਕਟਰ ਡੈਨੀ ਮੀਡੇ ਨੇ ਕਿਹਾ ਕਿ ਇਸ ਤੋਂ ਬਾਅਦ ਇਸਨੂੰ ਰੀਗਨ ਸਟ੍ਰੀਟ ਦੇ ਨੇੜੇ ਗ੍ਰੇਟ ਸਾਊਥ ਰੋਡ ‘ਤੇ ਸਪਾਈਕ ਕੀਤਾ ਗਿਆ, ਪਰ ਇਹ ਗੱਡੀ ਨਹੀਂ ਰੁਕੀ। ਫਿਰ ਦੁਪਹਿਰ 3.20 ਵਜੇ, ਗੱਡੀ ਦੀ ਗ੍ਰੇਟ ਸਾਊਥ ਰੋਡ ਅਤੇ ਕੈਵੇਂਡਿਸ਼ ਡਾ. ਦੇ ਚੌਰਾਹੇ ‘ਤੇ ਇੱਕ ਵਾਹਨ ਨਾਲ ਟੱਕਰ ਹੋ ਗਈ ਸੀ। ਫਿਰ ਗੱਡੀ ‘ਚ ਸਵਾਰ ਪੈਦਲ ਭੱਜ ਗਏ ਸੀ। ਜਿਸ ਮਗਰੋਂ ਪੁਲਿਸ ਨੇ 4 ਵਿਕਅਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ।
