ਵੈਤਾਰਾ ਦੇ ਇੱਕ ਇਲਾਕੇ ਵਿੱਚ ਬੀਤੀ ਰਾਤ ਆਏ ਤੂਫ਼ਾਨ ਕਾਰਨ ਗਿਆਰਾਂ ਘਰਾਂ ਨੂੰ ਕਾਫੀ ਨੁਕਸਾਨ ਪਹੁੰਚਿਆ ਹੈ। ਮੈਟਸਰਵਿਸ ਨੇ ਤਰਾਨਾਕੀ ਖੇਤਰਾਂ ਵਿੱਚ ਤੇਜ਼ ਹਵਾਵਾਂ ਰਿਕਾਰਡ ਕੀਤੀਆਂ, ਜੋ ਲਗਭਗ 130 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਚੱਲੀਆਂ, ਨਾਲ ਹੀ 20-30 ਮਿਲੀਮੀਟਰ ਪ੍ਰਤੀ ਘੰਟਾ ਦੀ ਤੇਜ਼ ਬਾਰਿਸ਼ ਵੀ ਹੋਈ। ਸੇਬੇਸਟੀਅਨ ਅਤੇ ਜੈਸਿਕਾ ਮੁਰੀਹੀ ਆਪਣੇ ਤਿੰਨ ਬੱਚਿਆਂ (ਤਿੰਨ, ਛੇ ਅਤੇ ਅੱਠ ਸਾਲ) ਦੇ, ਨਾਲ ਘਰ ਵਿੱਚ ਸਨ ਜਦੋਂ ਅੱਧੀ ਰਾਤ ਨੂੰ ਤੂਫ਼ਾਨ ਆਇਆ। ਉਨ੍ਹਾਂ ਕਿਹਾ ਕਿ “ਇਹ ਇੱਕ ਬਹੁਤ ਵੱਡਾ ਸ਼ੋਰ ਸੀ,” ਜੈਸਿਕਾ ਨੇ ਕਿਹਾ ਕਿ, ਇਹ ਤੇਜ਼ ਗਰਜ ਵਰਗਾ ਲੱਗਿਆ, ਸਿਵਾਏ “ਜ਼ਿਆਦਾ ਭਿਆਨਕ, ਇਹ ਮਹਿਸੂਸ ਹੋਇਆ ਜਿਵੇਂ ਘਰ ਹਿੱਲ ਰਿਹਾ ਹੋਵੇ”। ਉਹ ਟ੍ਰੈਂਪੋਲਿਨ ਦੀ ਜਾਂਚ ਕਰਨ ਲਈ ਉੱਠੇ, ਅਤੇ ਸੇਬੇਸਟੀਅਨ ਨੇ ਕਿਹਾ ਕਿ ਉਸਨੇ ਖਿੜਕੀ ਤੋਂ ਬਾਹਰ ਦੇਖਿਆ ਤਾਂ ਉਨ੍ਹਾਂ ਦੀ ਵਾੜ ਪੂਰੀ ਤਰ੍ਹਾਂ ਟੁੱਟ ਗਈ ਸੀ।
ਉਨ੍ਹਾਂ ਕਿਹਾ ਕਿ “ਮੈਂ ਜਦੋਂ ਗੁਆਂਢੀ ਨਾਲ ਗੱਲ ਕਰਨ ਲਈ ਬਾਹਰ ਆਈ ਤਾਂ ਉਸਨੇ ਦੱਸਿਆ ਕਿ, ਤੁਹਾਡੀ ਘਰ ਦੀ ਛੱਤ ਵੀ ਉੱਡ ਗਈ ਹੈ। ਅਸੀਂ [ਘਰ ਦੇ] ਦੂਜੇ ਪਾਸੇ ਭੱਜੇ ਅਤੇ ਇੱਕ ਬਹੁਤ ਵੱਡਾ ਛੇਕ ਦੇਖਿਆ ਅਤੇ ਮਹਿਸੂਸ ਕੀਤਾ ਕਿ ਇਹ ਬੱਚੇ ਦੇ ਬੈੱਡਰੂਮ ਦੇ ਉੱਪਰ ਸੀ ਅਤੇ ਸੋਚਿਆ ਕਿ ਸਾਨੂੰ ਉਨ੍ਹਾਂ ਨੂੰ ਬਾਹਰ ਕੱਢਣ ਦੀ ਲੋੜ ਹੈ।” ਇੰਨਾਂ ਹੀ ਨਹੀਂ ਘਰਾਂ ਬਾਹਰ ਖੜ੍ਹੀਆਂ ਕਾਰਾਂ ਵੀ ਨੁਕਸਾਨੀਆਂ ਗਈਆਂ ਹਨ।