ਹੱਕ ਮੰਗਣ ‘ਤੇ ਕੁੱਟਮਾਰ ਦਾ ਸ਼ਿਕਾਰ ਹੋਏ ਪ੍ਰਵਾਸੀ ਪੰਜਾਬੀ ਨੇ ਭਾਈਚਾਰੇ ਨੂੰ ਕੀਤੀ ਮਦਦ ਦੀ ਅਪੀਲ !

ਜੁਲਾਈ ਮਹੀਨੇ ਦੀ ਸ਼ੁਰੂਆਤ ‘ਚ ਕਬਾਬ ਦੁਕਾਨ ‘ਤੇ ਕੰਮ ਕਰਦੇ ਆਕਲੈਂਡ ਦੇ ਇੱਕ ਪ੍ਰਵਾਸੀ ਪੰਜਾਬੀ ‘ਤੇ ਕਥਿਤ ਤੌਰ ‘ਤੇ ਹਮਲਾ ਕੀਤਾ ਗਿਆ ਸੀ। ਹਮਲੇ ‘ਚ 27 ਸਾਲਾ ਸਤਨਾਮ ਸਿੰਘ ਗੰਭੀਰ ਰੂਪ ‘ਚ ਜ਼ਖਮੀ ਹੋ ਗਿਆ ਸੀ ਜਿਸ ਨੂੰ ਫਿਰ ਆਕਲੈਂਡ ਸਿਟੀ ਹਸਪਤਾਲ ਦਾਖਲ ਕਰਵਾਇਆ ਗਿਆ ਸੀ। ਸਤਨਾਮ ਸਿੰਘ ਦੀ ਲੱਤ ਵਿੱਚ ਤਿੰਨ ਫ੍ਰੈਕਚਰ ਹੋਏ ਸਨ, ਉਸਦੀ ਛਾਤੀ ਅਤੇ ਚਿਹਰੇ ‘ਤੇ “ਬਹੁਤ ਸਾਰੀਆਂ” ਸੱਟਾਂ ਲੱਗੀਆਂ ਸਨ, ਉਸਦੀ ਸੱਜੀ ਅੱਖ ਦੇ ਹੇਠਾਂ ਇੱਕ ਕੱਟ ਲੱਗਿਆ ਸੀ ਅਤੇ ਉਸਦੀ ਇੱਕ ਉਂਗਲੀ ਵੀ ਟੁੱਟ ਗਈ ਸੀ।

ਅਜਿਹੀ ਹਾਲਤ ‘ਚ ਖੁਦ ਨੂੰ ਬੇਵੱਸ ਮਹਿਸੂਸ ਕਰ ਰਹੇ ਸਤਨਾਮ ਨੇ ਭਾਈਚਾਰੇ ਸਣੇ NZ ਵਾਸੀਆਂ ਨੂੰ ਮਦਦ ਦੀ ਅਪੀਲ ਕੀਤੀ ਹੈ। ਸਤਨਾਮ ਦੀ ਮਦਦ ਲਈ Givealittle ‘ਤੇ ਮਦਦ ਇਕੱਠੀ ਕੀਤੀ ਜਾ ਰਹੀ ਹੈ। ਸੱਟਾਂ ਕਾਰਨ ਫਿਲਹਾਲ ਸਤਨਾਮ ਕੰਮ ਕਾਰ ਨਹੀਂ ਕਰ ਸਕੇਗਾ ਇਸ ਲਈ ਲੋਕਾਂ ਵੱਲੋਂ ਦਿੱਤਾ ਇਹ ਪੈਸਾ ਸਤਨਾਮ ਨੂੰ ਸੱਟਾਂ ਤੋਂ ਠੀਕ ਹੋਣ ਦੌਰਾਨ ਕਿਰਾਇਆ ਭਰਨ ਅਤੇ ਕਰਿਆਨੇ ਦਾ ਸਾਮਾਨ ਲੈਣ ਵਿੱਚ ਮਦਦ ਕਰੇਗਾ। ਜੇਕਰ ਤੁਸੀਂ ਵੀ ਸਤਨਾਮ ਦੀ ਕੋਈ ਮਦਦ ਕਰਨਾ ਚਾਹੁੰਦੇ ਹੋ ਤਾਂ ਅੱਗੇ ਦਿੱਤੇ ਪੇਜ ‘ਤੇ ਪਹੁੰਚ ਕਰ ਸਹਾਇਤਾ ਕਰ ਸਕਦੇ ਹੋ।
https://givealittle.co.nz/cause/brutal-beating-leaving-me-disable?fbclid=IwQ0xDSwLc9fdleHRuA2FlbQIxMQABHv5JNdfcxZ-Bw2Hz-I4q_mdggfuoWiVpOxA-VmcwrczbJXvHlfyOT-erHy4u_aem_dMT3di5XHLo8mLxLG20a7w

ਇਸ ਮਾਮਲੇ ਬਾਰੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ Migrant Workers’ Association ਦੇ ਪ੍ਰਧਾਨ ਐਨੂ ਕਲੋਟੀ ਨੇ ਕਿਹਾ ਸੀ ਕਿ ਅਤੇ ਉਸਦੀ ਟੀਮ ਸਤਨਾਮ ਸਿੰਘ ਦਾ ਸਮਰਥਨ ਕਰ ਰਹੀ ਹੈ। ਕਲੋਟੀ ਨੇ ਦਾਅਵਾ ਕੀਤਾ ਕਿ ਉਸ ਤੋਂ ਕਥਿਤ ਤੌਰ ‘ਤੇ 10 ਹਫ਼ਤੇ ਬਿਨਾਂ ਤਨਖਾਹ ਦੇ ਕੰਮ ਕਰਵਾਇਆ ਸੀ। ਇੱਕ ਹੋਰ ਰਿਪੋਰਟ ਮੁਤਾਬਿਕ ਉਸਨੇ ਆਪਣੇ ਕਬਾਬ ਦੁਕਾਨਦਾਰ ਤੋਂ ਉਸਦੀ ਤਨਖਾਹ ਮੰਗੀ ਸੀ, ਜਿਸ ਲਈ ਉਸਨੂੰ ਛੇ ਆਦਮੀਆਂ ਦੇ ਇੱਕ ਸਮੂਹ ਨੇ ਕਥਿਤ ਤੌਰ ‘ਤੇ ਕੁੱਟਿਆ ਸੀ।