ਨਿਊ ਪਲਾਈਮਾਊਥ ਵਿੱਚ ਬੀਤੀ ਰਾਤ ਇੱਕ ਘਰ ਵਿੱਚ ਅੱਗ ਲੱਗਣ ਕਾਰਨ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ। ਬੁੱਧਵਾਰ ਰਾਤ 11 ਵਜੇ ਤੋਂ ਠੀਕ ਪਹਿਲਾਂ ਓਰੰਗਾ ਸਟਰੀਟ ‘ਤੇ ਸਥਿਤ ਇੱਕ ਮੰਜ਼ਿਲਾ ਘਰ ਵਿੱਚ ਐਮਰਜੈਂਸੀ ਸੇਵਾਵਾਂ ਨੂੰ ਬੁਲਾਇਆ ਗਿਆ ਸੀ। ਫਾਇਰ ਅਤੇ ਐਮਰਜੈਂਸੀ ਸ਼ਿਫਟ ਮੈਨੇਜਰ ਬੇਲਿੰਡਾ ਬੀਟਸ ਨੇ ਕਿਹਾ ਕਿ ਅੱਗ ਸ਼ੁਰੂ ਵਿੱਚ ਬੈੱਡਰੂਮ ਦੀ ਅੱਗ ਵੱਜੋਂ ਦੱਸੀ ਗਈ ਸੀ, ਹਾਲਾਂਕਿ, ਫਾਇਰਫਾਈਟਰਾਂ ਦੇ ਪਹੁੰਚਣ ਤੱਕ ਇਹ “ਪੂਰੇ ਘਰ ‘ਚ ਫੈਲ ਗਈ ” ਸੀ। ਬੀਟਸ ਨੇ ਕਿਹਾ ਕਿ ਇਹ ਸਪੱਸ਼ਟ ਨਹੀਂ ਸੀ ਕਿ ਕੀ ਹੋਰ ਕੋਈ ਅੱਗ ਕਾਰਨ ਜ਼ਖਮੀ ਹੋਇਆ ਹੈ ਜਾਂ ਨਹੀਂ ਕਿਉਂਕਿ “ਲੋਕ ਘਰ ਵਿੱਚ ਵਾਪਸ ਜਾਂਦੇ ਰਹੇ, ਇਸ ਲਈ ਸਾਨੂੰ ਯਕੀਨ ਨਹੀਂ ਸੀ ਕਿ ਸਾਰੇ ਬਾਹਰ ਸੀ ਜਾਂ ਨਹੀਂ”। ਇੱਕ ਬੱਚਾ (ਉਮਰ ਅਣਜਾਣ) ਹੱਥ ਸੜਨ ਕਾਰਨ ਜ਼ਖਮੀ ਹੋ ਗਿਆ ਹੈ।
