ਬੇਰੁਜ਼ਗਾਰੀ ਤੇ ਨੌਕਰੀਆਂ ਦੀ ਘਾਟ ਵਿਚਾਲੇ ਨਿਊਜ਼ੀਲੈਂਡ ਦੇ ਨੌਜਵਾਨਾਂ ਲਈ ਇੱਕ ਸੁਨਹਿਰੀ ਮੌਕਾ ਆਇਆ ਹੈ। ਦਰਅਸਲ ਸੀਕ ‘ਤੇ ਸਾਂਝੇ ਕੀਤੇ ਇੱਕ ਨੌਕਰੀ ਦੇ ਇਸ਼ਤਿਹਾਰ ਨੇ ਲੋਕਾਂ ਦੇ ਵਿੱਚ ਨਵੀ ਚਰਚਾ ਛੇੜ ਦਿੱਤੀ ਹੈ। ਇਸ਼ਤਿਹਾਰ ਮੁਤਾਬਿਕ ਇਸ ਨੌਕਰੀ ਲਈ ਕਿਸੇ ਤਜਰਬੇ ਦੀ ਲੋੜ ਨਹੀਂ, ਇਕਰਾਰਨਾਮਾ ਜਾਂ ਅਸਥਾਈ ਕੰਮ ਅਤੇ $166,000 ਪ੍ਰਤੀ ਸਾਲ ਦਾ ਸੰਭਾਵੀ ਤਨਖਾਹ ਪੈਕੇਜ ਹੈ। ਰੋਟੁਰੂਆ ਲੇਕਸ ਕੌਂਸਲ ਨੇ ਨੌਕਰੀ ਭਰਨ ਲਈ ਇੱਕ ਅਨੋਖਾ ਢੰਗ ਅਪਣਾਇਆ ਹੈ, ਜਿਸ ਦੀ ਵਿਸਥਾਰਿਤ ਜਾਣਕਾਰੀ ਅਜੇ ਸਾਹਮਣੇ ਆਉਣੀ ਬਾਕੀ ਹੈ। ਇਹ ਨੌਕਰੀ ਕੌਂਸਲ ਨਾਲ ਜੁੜੇ ਕਿਸੇ ਵਿਸ਼ੇਸ਼ ਪ੍ਰੋਜੈਕਟ ਜਾਂ ਵਿਅਕਤੀਗਤ ਕਰਾਰ ‘ਤੇ ਆਧਾਰਿਤ ਹੋ ਸਕਦੀ ਹੈ। ਹਾਲਾਂਕਿ ਇਹ ਕੋਈ ਰੋਜ਼ਾਨਾ ਵਾਲਾ ਮੌਕਾ ਨਹੀਂ ਹੈ।
ਰੋਟੋਰੂਆ ਲੇਕਸ ਕੌਂਸਲ ਨੇ ਅਕਤੂਬਰ ਦੀਆਂ ਸਥਾਨਕ ਸਰਕਾਰਾਂ ਦੀਆਂ ਚੋਣਾਂ ਦੌਰਾਨ ਭਰੀਆਂ ਜਾਣ ਵਾਲੀਆਂ ਆਪਣੀਆਂ 19 ਅਸਾਮੀਆਂ ਦਾ ਇਸ਼ਤਿਹਾਰ ਔਨਲਾਈਨ ਨੌਕਰੀ ਬੋਰਡ ‘ਤੇ ਦੇਣ ਦਾ ਨਵਾਂ ਤਰੀਕਾ ਅਪਣਾਇਆ ਹੈ। ਇਹ ਮੌਕਾ ਉਨ੍ਹਾਂ ਲੋਕਾਂ ਲਈ ਬਹੁਤ ਸ਼ਾਨਦਾਰ ਹੈ ਜੋ ਬਿਨਾਂ ਕਿਸੇ ਤਜਰਬੇ ਦੇ ਉੱਚ ਤਨਖਾਹ ਵਾਲੀ ਨੌਕਰੀ ਲੱਭ ਰਹੇ ਹਨ। ਹਾਲਾਂਕਿ ਇਹ ਸ਼ਰਤ ਵੀ ਹੈ ਕਿ ਤੁਸੀਂ ਨਿਊਜ਼ੀਲੈਂਡ ਦਾ ਨਾਗਰਿਕ ਹੋਣੇਚਾਹੀਦੇ ਹੋ ਅਤੇ 18 ਸਾਲ ਤੋਂ ਵੱਧ ਉਮਰ ਦੇ ਅਤੇ ਵੋਟਰ ਸੂਚੀ ਵਿੱਚ ਤੁਹਾਡਾ ਨਾਮ ਹੋਣਾ ਚਾਹੀਦਾ ਹੈ, ਅਤੇ ਮੀਟਿੰਗਾਂ ਅਤੇ ਹੋਰ ਸਮਾਗਮਾਂ ਲਈ ਤੁਹਨੂੰ ਸਮਾਂ ਕੱਢਣਾ ਪਏਗਾ।