ਰੋਜ਼ੀ ਰੋਟੀ ਖਾਤਿਰ ਵਿਦੇਸ਼ਾ ਜਾ ਵੱਸੇ ਭਾਰਤੀਆਂ ਦੀ ਦੂਜੀ ਪੀੜ੍ਹੀ ਹਰ ਖੇਤਰਾਂ ਵਿੱਚ ਵੱਡੀਆਂ ਮੱਲਾਂ ਮਾਰ ਰਹੀ ਹੈ। ਭਾਵੇਂ ਭਾਰਤ ਹੋਵੇ ਜਾ ਭਾਰਤ ਤੋਂ ਬਾਹਰ ਦੀ ਗੱਲ ਹਰ ਖੇਤਰ ਦੇ ਵਿੱਚ ਭਾਰਤੀਆਂ ਨੇ ਆਪਣਾ ਨਾਮ ਚਮਕਾਇਆ ਹੈ। ਜੇਕਰ ਦੁਨੀਆ ਦੇ ਅਮਰੀਕਾ, ਕੈਨੇਡਾ, ਇੰਗਲੈਂਡ ਜਾ ਨਿਊਜ਼ੀਲੈਂਡ ਆਦਿ ਵਰਗੇ ਵੱਡੇ ਦੇਸ਼ਾ ਦੀ ਗੱਲ ਕੀਤੀ ਜਾਵੇ ਤਾਂ ਹਰ ਦੇਸ਼ ਵਿੱਚ ਭਾਰਤੀ ਪ੍ਰਮੁੱਖ ਅਹੁਦਿਆਂ ‘ਤੇ ਹਨ। ਜਿਨ੍ਹਾਂ ਦੀ ਪੂਰੀ ਦੁਨੀਆ ਦੇ ਵਿੱਚ ਚਰਚਾ ਕੀਤੀ ਜਾਂਦੀ ਹੈ। ਪਿਛਲੇ ਕੁੱਝ ਦਿਨਾਂ ਵਿੱਚ ਵੀ ਬਹੁਤ ਸਾਰੀਆਂ ਅਜਿਹੀਆਂ ਖਬਰਾਂ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ ਨੇ ਪੂਰੇ ਵਿਸ਼ਵ ਵਿੱਚ ਭਾਰਤੀਆਂ ਅਤੇ ਪੰਜਾਬੀਆਂ ਦਾ ਮਾਣ ਵਧਾਇਆ ਹੈ। ਅਜਿਹੀ ਹੀ ਇੱਕ ਹੋਰ ਮਿਸਾਲ ਨਿਊਜ਼ੀਲੈਂਡ ਤੋਂ ਸਾਹਮਣੇ ਆਈ ਹੈ, ਜਿਸ ਨੇ ਪੂਰੀ ਦੁਨੀਆ ਵਿੱਚ ਵੱਸਦੇ ਭਾਰਤੀ ਭਾਈਚਾਰੇ ਦੇ ਲੋਕਾਂ ਦਾ ਮਾਣ ਵਧਾਇਆ ਹੈ।
ਦਰਅਸਲ 7 ਭਾਰਤੀ ਨੌਜਵਾਨਾਂ ਨੇ ਇਕੱਠਿਆਂ ਨਿਊਜ਼ੀਲੈਂਡ ਪੁਲਿਸ ‘ਚ ਭਰਤੀ ਹੋ ਕਿ ਭਾਈਚਾਰੇ ਦਾ ਮਾਣ ਵਧਾਇਆ ਹੈ। ਇਹ 7 ਨਵੇਂ ਭਰਤੀ ਅਧਿਕਾਰੀ ਪਿਛਲੇ ਹਫ਼ਤੇ ਰੌਇਲ ਨਿਊਜ਼ੀਲੈਂਡ ਪੁਲਿਸ ਕਾਲਜ ਤੋਂ ਗ੍ਰੈਜੂਏਟ ਹੋਏ ਹਨ। ਇਹ ਸਾਰੇ ਨਵੇਂ ਪੁਲਿਸ ਅਧਿਕਾਰੀ ਵਿੰਗ 386 ਦਾ ਹਿੱਸਾ ਹਨ ਅਤੇ ਉਹ ਸੋਮਵਾਰ 11 ਅਗਸਤ ਤੋਂ ਆਪਣੇ ਜਿਿਲ੍ਹਆਂ ਵਿੱਚ ਕਾਰਜ ਸੰਭਾਲਣਗੇ।
ਜੋ ਤਸਵੀਰ ਤੁਸੀਂ ਆਪਣੀ ਸਕਰੀਨ ‘ਤੇ ਦੇਖ ਰਹੇ ਹੋ ਇਸ ਦੇ ਵਿੱਚ (ਖੱਬੇ ਤੋਂ ਸੱਜੇ) ਦਿਲਸ਼ੇਰ ਸਿੰਘ (ਤਾਉਮਾਰੁਨੂਈ), ਭਾਨੂ ਯਾਦਵ (ਕੁਇਨਸਟਾਊਨ), ਪਵਨੀਤ ਸਿੰਘ (ਪਾਲਮਰਸਟਨ ਨੌਰਥ), ਅਤੇ ਸਹਜਪ੍ਰੀਤ ਸਿੱਧੂ (ਕਾਊਂਟੀਜ ਮੈਨੂਕਾਊ) ਨਜ਼ਰ ਆ ਰਹੇ ਹਨ। ਇੱਕ ਸਥਾਨਕ ਰਿਪੋਰਟ ਦੇ ਅਨੁਸਾਰ ਕੁੱਲ 87 ਨਵੀਆਂ ਭਰਤੀਆਂ ਵਿੱਚੋਂ 33 ਵਿਦੇਸ਼ਾਂ ਦੇ ਜੰਮਪਲ ਹਨ ਅਤੇ ਇਨ੍ਹਾਂ ਵਿੱਚੋਂ 7 ਭਾਰਤੀ ਮੂਲ ਦੇ ਹਨ।