ਨਿਊਜ਼ੀਲੈਂਡ ਦੇ ਵਿੱਚ ਪਿਛਲੇ ਦੋ ਸਾਲਾਂ ਦੇ ਵਿੱਚ Political Asylum ਅਪਲਾਈ ਕਰਨ ਵਾਲੇ ਭਾਰਤੀਆਂ ਦੀ ਗਿਣਤੀ ‘ਚ ਰਿਕਾਰਡ ਵਾਧੇ ਤੋਂ ਬਾਅਦ ਇਮੀਗ੍ਰੇਸ਼ਨ ਡਿਪਾਰਟਮੈਂਟ ਨੇ ਭਾਰਤੀਆਂ ਨੂੰ ਖਾਸ ਸੁਨੇਹਾ ਦਿੱਤਾ ਹੈ। ਉਹਨਾਂ ਨੇ ਆਪਣੀ ਸੁਨੇਹੇ ਦੇ ਵਿੱਚ ਸਖ਼ਤ ਰਵੱਈਆ ਅਪਣਾਉਂਦਿਆਂ ਕਿਹਾ ਹੈ ਕਿ ਪ੍ਰਵਾਸੀਆਂ ਨੂੰ ਦੇਸ਼ ਵਿੱਚ ਦਾਖਲ ਹੋਣ ਲਈ ਸਹੀ ਅਤੇ ਕਾਨੂੰਨੀ ਰਸਤੇ ਨੂੰ ਹੀ ਚੁਣਨਾ ਚਾਹੀਦਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਭਾਰਤ ਤੋਂ ਅਸਾਇਲਮ ਅਤੇ ਰਿਫਿਊਜੀ ਕਲੇਮ ਦੀ ਕੁੱਲ ਗਿਣਤੀ 2022 ਦੇ 69 ਮਾਮਲਿਆਂ ਤੋਂ ਵੱਧ ਕੇ 2024 ਦੇ ਵਿੱਚ 1079 ਹੋ ਗਈ ਹੈ। ਇਸ ਦੇ ਮੁਕਾਬਲੇ 2024 ਵਿੱਚ ਇਹ ਇਮੀਗਰੇਸ਼ਨ ਨਿਊਜ਼ੀਲੈਂਡ ਨੂੰ ਕਈ ਦੇਸ਼ਾਂ ਤੋਂ ਪ੍ਰਾਪਤ ਹੋਏ ਸ਼ਰਣ ਅਤੇ ਸ਼ਰਣਾਰਥੀ ਦਾਵਿਆਂ ਦੀ ਕੁਲ ਗਿਣਤੀ 1996 ਹੋ ਗਈ ਹੈ ਜੋ ਕਿ 2022 ਦੇ ਵਿੱਚ 358 ਸੀ।
17 ਜੂਨ 2025 ਨੂੰ ਸਿੱਖਿਆ ਤੇ ਕਾਰਜਪਾਲ ਕਮੇਟੀ ਦੀ ਹਾਲੀ ਵਿੱਚ ਹੀ ਮੀਟਿੰਗ ਦੇ ਵਿੱਚ ਦੂਜੇ ਸੈਸ਼ਨ ਦੌਰਾਨ ਜਿਸ ਵਿੱਚ ਐਮਬੀਆਈ ਦੇ ਮੁੱਖ ਕਾਰਜਕਾਰੀ ਕੈਰੋਲੀਨ ਰਿਮੇਨ ਅਤੇ ਐਸੋਸੀਏਟ ਇਮੀਗ੍ਰੇਸ਼ਨ ਮੰਤਰੀ ਕੈਸੀ ਕੋਸਟ ਸ਼ਾਮਿਲ ਸਨ। ਕੈਰੋਲੀਨ ਨੇ ਦੱਸਿਆ ਕਿ ਹੁਣ ਏਅਰਪੋਰਟਾਂ ‘ਤੇ ਉਡਾਣ ਤੋਂ ਪਹਿਲਾਂ ਹੀ ਨਿਗਰਾਨੀ ਰਾਹੀਂ ਐਸੇ ਲੋਕਾਂ ਨੂੰ ਰੋਕਿਆ ਜਾ ਰਿਹਾ ਹੈ ਜੋ ਗਲਤ ਰਸਤੇ ਰਾਹੀਂ ਨਿਊਜ਼ੀਲੈਂਡ ਆਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਅਰਜੀਆਂ ਵਿੱਚ ਸਭ ਤੋਂ ਵੱਧ ਵਾਧਾ ਦੱਖਣੀ ਏਸ਼ੀਆ ਤੋਂ ਹੋਇਆ ਹੈ। ਉਹਨਾਂ ਨੇ ਦੱਸਿਆ ਹੈ ਕਿ ਇਹ ਵਾਧਾ ਮੁੱਖ ਤੌਰ ‘ਤੇ ਭਾਰਤ, ਪਾਕਿਸਤਾਨ ਅਤੇ ਬੰਗਲਾਦੇਸ਼ ਵਰਗੇ ਦੱਖਣੀ ਏਸ਼ੀਆਈ ਦੇਸ਼ਾਂ ਤੋਂ ਹੋ ਰਿਹਾ ਹੈ। ਫਿਲ ਟਵਾਈਫਰਡ (ਲੇਬਰ ਪਾਰਟੀ) ਵੱਲੋਂ ਇਹ ਸਵਾਲ ਚੁੱਕਿਆ ਗਿਆ ਕਿ ਜਦ ਦੱਖਣੀ ਏਸ਼ੀਆ ਵਿੱਚ ਨਾ ਤਾਂ ਜੰਗ ਹੈ, ਨਾ ਹੀ ਨਸਲੀ ਕਤਲੇਆਮ ਜਾਂ ਅਸਥਿਰਤਾ, ਤਾਂ ਇੰਨਾ ਵੱਡਾ ਵਾਧਾ ਕਿਉਂ ਹੋ ਰਿਹਾ ਹੈ? ਇਸ ‘ਤੇ ਕੋਸਟੇਲੋ ਨੇ ਕਿਹਾ ਕਿ ਨਿਊਜ਼ੀਲੈਂਡ ਸਰਕਾਰ ਇਨ੍ਹਾਂ ਦੇਸ਼ਾਂ ਨਾਲ ਮਿਲ ਕੇ ਲੋਕਾਂ ਨੂੰ ਸਹੀ ਇਮੀਗ੍ਰੇਸ਼ਨ ਪ੍ਰਕਿਰਿਆ ਬਾਰੇ ਜਾਣੂ ਕਰਵਾ ਰਹੀ ਹੈ ਅਤੇ ਉਹਨਾਂ ਦੀ ਵੀ ਪਰਖ ਕੀਤੀ ਜਾ ਰਹੀ ਹੈ ਜੋ ਆਰਥਿਕ ਰਿਫਿਊਜੀ ਹੋ ਸਕਦੇ ਹਨ।