ਮੰਗਲਵਾਰ ਸਵੇਰੇ ਹੇਸਟਿੰਗਜ਼ ਵਿੱਚ ਇੱਕ ਕਾਰ ਚੋਰੀ ਹੋਣ ਤੋਂ ਬਾਅਦ ਇੱਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ, ਜੋ ਦੂਜੇ ਵਾਹਨਾਂ ਨੂੰ ਟੱਕਰ ਮਾਰਨ ਤੋਂ ਬਾਅਦ ਸੜਕ ਦੇ ਗਲਤ ਪਾਸੇ ਜਾ ਰਿਹਾ ਸੀ। ਇੰਸਪੈਕਟਰ ਐਂਜੇਲਾ ਹੈਲੇਟ ਨੇ ਕਿਹਾ ਕਿ ਉਸ ਵਿਅਕਤੀ ਨੇ ਕਥਿਤ ਤੌਰ ‘ਤੇ ਸਵੇਰੇ 8.30 ਵਜੇ ਦੇ ਕਰੀਬ ਟੈਰਾਡੇਲ ਰੋਡ ‘ਤੇ ਇੱਕ ਕਾਰੋਬਾਰ ਦੇ ਬਾਹਰੋਂ ਕਾਰ ਚੋਰੀ ਕੀਤੀ ਸੀ। ਪੁਲਿਸ ਨੂੰ “ਖ਼ਤਰਨਾਕ ਡਰਾਈਵਿੰਗ ਸਬੰਧੀ ਰਿਪੋਰਟ ਦੀਆਂ 111 ‘ਤੇ ਕਈ ਕਾਲਾਂ” ਆਈਆਂ ਸਨ ਅਤੇ ਨਾਲ ਹੀ ਹੋਰ ਵਾਹਨਾਂ ਨਾਲ “ਹੋਈ” ਟੱਕਰਾਂ ਦੀ ਜਾਣਕਾਰੀ ਵੀ ਦਿੱਤੀ ਗਈ ਸੀ। ਚੋਰੀ ਹੋਈ ਗੱਡੀ ਨੂੰ ਫਿਰ ਓਮਾਹੂ ਰੋਡ ‘ਤੇ ਇੱਕ ਅਧਿਕਾਰੀ ਨੇ ਦੇਖਿਆ, ਜਿਸਨੂੰ ਸੜਕ ਦੇ ਗਲਤ ਪਾਸੇ ਚਲਾਇਆ ਜਾ ਰਿਹਾ ਸੀ। ਫਿਰ ਇਸ ਦੌਰਾਨ ਇਸ ਨੇ ਕਿਸੇ ਹੋਰ ਵਾਹਨ ਨੂੰ ਟੱਕਰ ਮਾਰ ਦਿੱਤੀ। ਹੈਲੇਟ ਨੇ ਕਿਹਾ ਕਿ ਇੱਕ 31 ਸਾਲਾ ਵਿਅਕਤੀ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ ਸੀ ਅਤੇ ਉਸ ‘ਤੇ ਕਈ ਦੋਸ਼ ਲਗਾਏ ਜਾਣਗੇ। ਉਨ੍ਹਾਂ ਅੱਗੇ ਕਿਹਾ ਕਿ, “ਅਸੀਂ ਉਨ੍ਹਾਂ ਲੋਕਾਂ ਦਾ ਧੰਨਵਾਦ ਕਰਨਾ ਚਾਹੁੰਦੇ ਹਾਂ ਜਿਨ੍ਹਾਂ ਨੇ ਇਸ ਭਿਆਨਕ ਡਰਾਈਵਿੰਗ ਨੂੰ ਦੇਖ ਕੇ 111 ‘ਤੇ ਕਾਲ ਕੀਤੀ – ਉਹ ਕਾਲਾਂ ਸਾਨੂੰ ਕਥਿਤ ਡਰਾਈਵਰ ਨੂੰ ਲੱਭਣ ਅਤੇ ਉਸਨੂੰ ਗ੍ਰਿਫਤਾਰ ਕਰਨ ਵਿੱਚ ਮਦਦ ਕਰਨ ਲਈ ਮਹੱਤਵਪੂਰਨ ਸਨ।”
