ਪੁਲਿਸ ਦਾ ਕਹਿਣਾ ਹੈ ਕਿ ਪੋਰੀਰੂਆ ਸਟੋਰ ਤੋਂ 12,000 ਡਾਲਰ ਦਾ ਤੰਬਾਕੂ ਚੋਰੀ ਹੋਣ ਤੋਂ ਬਾਅਦ ਤਿੰਨ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਵੀਰਵਾਰ ਰਾਤ 10.40 ਵਜੇ ਦੇ ਕਰੀਬ ਟੀਟਾਹੀ ਬੇਅ ਦੇ ਮੇਨ ਰੋਡ ‘ਤੇ ਇੱਕ ਕਥਿਤ ਚੋਰੀ ਹੋਈ ਸੀ ਜਦੋਂ ਅਪਰਾਧੀ ਇੱਕ ਵਾਹਨ ਵਿੱਚ ਸਿਗਰਟਾਂ ਦਾ ਸੂਟਕੇਸ ਲੈ ਕੇ ਭੱਜ ਗਏ ਸਨ। ਕਪਿਟੀ ਮਾਨਾ ਏਰੀਆ ਕਮਾਂਡਰ ਇੰਸਪੈਕਟਰ ਰੇਨੀ ਪਰਕਿਨਸ ਨੇ ਕਿਹਾ ਕਿ ਪੁਲਿਸ ਨੇ ਭਾਈਚਾਰੇ ਦੇ ਮੈਂਬਰਾਂ ਦੀ ਮਦਦ ਨਾਲ ਤਿੰਨ ਸ਼ੱਕੀ ਲੋਕਾਂ ਦਾ ਪਤਾ ਲਗਾਇਆ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ, “ਉਨ੍ਹਾਂ ਲੋਕਾਂ ਦਾ ਧੰਨਵਾਦ ਜਿਨ੍ਹਾਂ ਨੇ ਉਸ ਸ਼ੱਕੀ ਵਿਵਹਾਰ ਦੀ ਰਿਪੋਰਟ ਕੀਤੀ, ਅਸੀਂ ਇੱਕ ਸਥਾਨਕ ਕਾਰੋਬਾਰ ਨੂੰ ਹੋਣ ਵਾਲੇ ਮਹੱਤਵਪੂਰਨ ਨੁਕਸਾਨ ਨੂੰ ਰੋਕਣ ਦੇ ਯੋਗ ਹੋ ਗਏ।” 19 ਸਾਲਾ ਪੋਰੀਰੂਆ ਨੌਜਵਾਨ ਅਤੇ ਦੋ ਕਿਸ਼ੋਰ ਮੁੰਡਿਆਂ ‘ਤੇ ਦੋਸ਼ ਲਗਾਇਆ ਗਿਆ ਹੈ ਅਤੇ ਉਨ੍ਹਾਂ ਨੂੰ 11 ਸਤੰਬਰ ਨੂੰ ਪੋਰੀਰੂਆ ਯੂਥ ਕੋਰਟ ਵਿੱਚ ਦੁਬਾਰਾ ਪੇਸ਼ ਕੀਤਾ ਜਾਵੇਗਾ।
