ਕ੍ਰਾਈਸਚਰਚ ਤੋਂ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ ਦਰਅਸਲ ਇੱਥੇ ਨਫੀਜ਼ਾ ਸ਼ਰੀਨ ਨਾਮ ਦੀ ਇੱਕ ਭਰੋਸੇਮੰਦ ਕਰਮਚਾਰੀ ਨੂੰ ਕੰਮ ਦੌਰਾਨ ਚੋਰੀ ਕੀਤੇ ਹਜ਼ਾਰਾਂ ਡਾਲਰ ਦੇ ਮਾਮਲੇ ਚ ਸਜ਼ਾ ਸੁਣਾਈ ਗਈ ਹੈ। ਨਫੀਜ਼ਾ ਨੂੰ ਕ੍ਰਾਈਸਚਰਚ ਜ਼ਿਲ੍ਹਾ ਅਦਾਲਤ ਨੇ ਮੰਗਲਵਾਰ ਨੂੰ ਜੁਲਾਈ 2022 ਤੋਂ ਮਾਰਚ 2025 ਤੱਕ ਆਪਣੇ ਮਾਲਕ ਤੋਂ ਲਗਭਗ $66,000 ਚੋਰੀ ਕਰਨ ਦੇ ਮਾਮਲੇ ‘ਚ 10 ਮਹੀਨੇ ਘਰ ‘ਚ ਕੈਦ ਦੀ ਸਜ਼ਾ ਸੁਣਾਈ ਹੈ। ਨਫੀਜ਼ਾ ਨੇ ਕੰਪਨੀ ਦੇ ਕੰਪਿਊਟਰ ਸਿਸਟਮ ਦਾ ਦੁਰਪਯੋਗ ਕਰਕੇ ਫੰਡ ਆਪਣੇ ਡੈਬਿਟ ਕਾਰਡ ‘ਚ ਟਰਾਂਸਫਰ ਕੀਤੇ ਅਤੇ ਕੁਝ ਮਾਮਲਿਆਂ ‘ਚ ਨਕਦ ਰਕਮ ਵੀ ਚੋਰੀ ਕੀਤੀ। ਜੱਜ Raoul Neave ਨੇ ਚੋਰੀ ਦੇ ਤਰੀਕੇ ਨੂੰ ਗੁਪਤ ਰੱਖਿਆ ਤਾਂ ਜੋ ਹੋਰ ਕੋਈ ਇਸ ਦੀ ਨਕਲ ਨਾ ਕਰੇ। ਜੱਜ ਨੇ ਕਿਹਾ, “ਇਹ ਚੋਰੀ ਪੱਕੀ ਯੋਜਨਾ ਅਤੇ ਲਗਾਤਾਰ ਕੀਤੀ ਗਈ ਸੀ।” ਫਿਜੀ ਤੋਂ ਆਈ ਨਫੀਜ਼ਾ ਕੈਂਟਰਬਰੀ ਦੇ ਥਰਮਲ ਪੂਲ ਅਤੇ ਸਪਾ ‘ਚ ਰਿਸੈਪਸ਼ਨਿਸਟ ਵਜੋਂ ਕੰਮ ਕਰ ਰਹੀ ਸੀ।