ਸਰਕਾਰ ਦੁਆਰਾ ਹੁਨਰਮੰਦ ਪ੍ਰਵਾਸੀਆਂ ਲਈ ਰਿਹਾਇਸ਼ ਲਈ ਦੋ ਨਵੇਂ ਮਾਰਗਾਂ ਦਾ ਐਲਾਨ ਕੀਤਾ ਗਿਆ ਹੈ, ਜਿਸਦਾ ਉਦੇਸ਼ ਕਾਰਜਬਲ ਵਿੱਚ ਪਾੜੇ ਨੂੰ ਪੂਰਾ ਕਰਨਾ ਅਤੇ ਕਾਰੋਬਾਰਾਂ ਨੂੰ ਕਰਮਚਾਰੀਆਂ ਨੂੰ ਬਣਾਈ ਰੱਖਣ ਵਿੱਚ ਮਦਦ ਕਰਨਾ ਹੈ। ਹਾਲਾਂਕਿ ਇਸ ਐਲਾਨ ਮਗਰੋਂ ਗੱਠਜੋੜ ਪਾਰਟੀ NZ First ਨੇ “agree to disagree” ਧਾਰਾ ਨੂੰ ਲਾਗੂ ਕੀਤਾ ਹੈ। ਦੱਸ ਦੇਈਏ ਸਰਕਾਰ ਨੇ ਦੋ ਨਵੇਂ ਮਾਰਗ, ਇੱਕ ਹੁਨਰਮੰਦ ਕੰਮ ਦਾ ਤਜਰਬਾ ਮਾਰਗ ਅਤੇ ਇੱਕ ਵਪਾਰ ਅਤੇ ਟੈਕਨੀਸ਼ੀਅਨ ਮਾਰਗ ਨੂੰ 2026 ਦੇ ਮੱਧ ਵਿੱਚ ਲਾਗੂ ਕਰਨ ਦਾ ਫੈਸਲਾ ਕੀਤਾ ਹੈ। ਆਰਥਿਕ ਵਿਕਾਸ ਮੰਤਰੀ ਨਿਕੋਲਾ ਵਿਲਿਸ ਨੇ ਕਿਹਾ ਕਿ, “ਕਾਰੋਬਾਰਾਂ ਨੇ ਸਾਨੂੰ ਦੱਸਿਆ ਕਿ ਕੁਝ ਪ੍ਰਵਾਸੀਆਂ ਲਈ ਰਿਹਾਇਸ਼ ਪ੍ਰਾਪਤ ਕਰਨਾ ਬਹੁਤ ਮੁਸ਼ਕਿਲ ਸੀ, ਭਾਵੇਂ ਉਨ੍ਹਾਂ ਕੋਲ ਮਹੱਤਵਪੂਰਨ ਹੁਨਰ ਅਤੇ ਮਹੱਤਵਪੂਰਨ ਤਜਰਬਾ ਸੀ ਜੋ ਮੌਜੂਦਾ ਕਾਰਜਬਲ ਵਿੱਚ ਉਪਲਬਧ ਨਹੀਂ ਸੀ। ਉਨ੍ਹਾਂ ਕਿਹਾ ਕਿ ਅਸੀਂ ਇਸਨੂੰ ਠੀਕ ਕਰ ਰਹੇ ਹਾਂ।”
ਸਕਿਲਡ ਵਰਕ ਐਕਸਪੀਰੀਅੰਸ ਪਾਥਵੇ ( ਇੱਕ ਹੁਨਰਮੰਦ ਕੰਮ ਦਾ ਤਜਰਬਾ ਮਾਰਗ ) ਦੀਆਂ ਸ਼ਰਤਾਂ ਹਨ ਕਿ ANZSCO ਸਕਿਲ ਲੈਵਲ 1 ਤੋਂ 3 ਵਾਲੇ ਰੋਲਾਂ ਵਿੱਚ ਮਾਈਗ੍ਰੈਂਟਾਂ ਲਈ। ਘੱਟੋ-ਘੱਟ 5 ਸਾਲ ਦਾ ਸਿੱਧਾ ਸਬੰਧਤ ਅਨੁਭਵ ਲਾਜ਼ਮੀ। ਜਿਸ ਵਿੱਚੋਂ ਘੱਟੋ-ਘੱਟ 2 ਸਾਲ ਨਿਊਜ਼ੀਲੈਂਡ ਵਿੱਚ ਕੰਮ ਕੀਤਾ ਹੋਵੇ। ਕਮਾਈ ਘੱਟੋ-ਘੱਟ ਮੀਡਿਅਨ ਵੇਤਨ ਦਾ 1.1 ਗੁਣਾ ਹੋਣੀ ਚਾਹੀਦੀ ਹੈ।
ਟ੍ਰੇਡਜ਼ ਅਤੇ ਟੈਕਨੀਸ਼ੀਅਨ ਪਾਥਵੇ ( ਵਪਾਰ ਅਤੇ ਟੈਕਨੀਸ਼ੀਅਨ ਮਾਰਗ )
ਨਿਰਧਾਰਤ ਟ੍ਰੇਡਜ਼ ਜਾਂ ਟੈਕਨੀਸ਼ੀਅਨ ਰੋਲਾਂ ਵਿੱਚ ਕੰਮ ਕਰਨ ਵਾਲੇ ਮਾਈਗ੍ਰੈਂਟਾਂ ਲਈ। ਲੈਵਲ 4 ਜਾਂ ਇਸ ਤੋਂ ਉੱਚੀ ਕੁਆਲੀਫਿਕੇਸ਼ਨ ਲਾਜ਼ਮੀ। ਘੱਟੋ-ਘੱਟ 4 ਸਾਲ ਦਾ ਪੋਸਟ-ਕੁਆਲੀਫਿਕੇਸ਼ਨ ਅਨੁਭਵ ਲੋੜੀਂਦਾ। ਜਿਸ ਵਿੱਚੋਂ ਘੱਟੋ-ਘੱਟ 18 ਮਹੀਨੇ ਨਿਊਜ਼ੀਲੈਂਡ ਵਿੱਚ ਮੀਡਿਅਨ ਵੇਤਨ ਜਾਂ ਇਸ ਤੋਂ ਵੱਧ ’ਤੇ ਕੰਮ ਕੀਤਾ ਹੋਵੇ।
ਇਸ ਤੋਂ ਇਲਾਵਾ ਨਿਊਜ਼ੀਲੈਂਡ ਯੂਨੀਵਰਸਿਟੀਆਂ ਤੋਂ ਮਿਲਣ ਵਾਲੀਆਂ ਡਿਗਰੀਆਂ ਨੂੰ ਵਧੇਰੇ ਪੌਇੰਟਸ ਮਿਲਣਗੇ, ਜਿਸ ਨਾਲ ਇੱਥੇ ਪੜ੍ਹਨ ਵਾਲੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਲਈ ਰਿਹਾਇਸ਼ ਵੱਲ ਦਾ ਰਸਤਾ ਆਸਾਨ ਹੋਵੇਗਾ। ਬਹੁਤ ਸਾਰੀਆਂ ਮੌਜੂਦਾ ਸ਼੍ਰੇਣੀਆਂ ਲਈ ਨਿਊਜ਼ੀਲੈਂਡ ਵਰਕ ਐਕਸਪੀਰੀਅੰਸ ਦੀ ਲੋੜ ਘਟਾ ਕੇ 3 ਸਾਲ ਤੋਂ 2 ਸਾਲ ਕਰ ਦਿੱਤੀ ਗਈ ਹੈ। ਰਿਹਾਇਸ਼ ਲਈ ਅਰਜ਼ੀ ਦੇਣ ਸਮੇਂ ਹੁਣ ਵਧੇਰੇ ਵੇਤਨ ਦੀ ਸ਼ਰਤ ਨਹੀਂ ਹੋਵੇਗੀ, ਸਗੋਂ ਮਾਈਗ੍ਰੈਂਟਾਂ ਨੂੰ ਸਿਰਫ਼ ਆਪਣੀ ਲੋੜੀਂਦੀ ਨਿਊਜ਼ੀਲੈਂਡ ਵਰਕ ਐਕਸਪੀਰੀਅੰਸ ਦੌਰਾਨ ਮੀਡਿਅਨ ਵੇਤਨ ਬਰਕਰਾਰ ਰੱਖਣਾ ਪਏਗਾ ।
ਸਰਕਾਰੀ ਪ੍ਰੋਗਰਾਮ ਦਾ ਹਿੱਸਾ
ਇਹ ਸਾਰੇ ਬਦਲਾਅ ਸਰਕਾਰ ਦੇ Going for Growth ਪ੍ਰੋਗਰਾਮ ਦਾ ਹਿੱਸਾ ਹਨ, ਜਿਸ ਵਿੱਚ Accredited Employer Work Visa ਨੂੰ ਹੋਰ ਸੁਧਾਰਨਾ, ਸਿੱਖਿਆ ਦੇ ਨਤੀਜਿਆਂ ਨੂੰ ਬਿਹਤਰ ਕਰਨਾ ਅਤੇ ਨੌਜਵਾਨਾਂ ਨੂੰ ਰੋਜ਼ਗਾਰ ਜਾਂ ਟ੍ਰੇਨਿੰਗ ਵੱਲ ਪ੍ਰੇਰਿਤ ਕਰਨਾ ਸ਼ਾਮਿਲ ਹੈ।