ਸ਼ਨੀਵਾਰ ਨੂੰ ਨੌਰਥਲੈਂਡ ਦੇ ਰੁਆਕਾਕਾ ਬੀਚ ‘ਤੇ ਇੱਕ ਹਜ਼ਾਰ ਤੋਂ ਵੱਧ ਲੋਕ ਇਕੱਠੇ ਹੋ ਰਹੇ ਹਨ, ਇਸ ਉਮੀਦ ਵਿੱਚ ਕਿ ਉਹ ਇੱਕੋ ਸਮੇਂ ਸਭ ਤੋਂ ਵੱਧ ਲੋਕਾਂ ਦੁਆਰਾ ਰੇਤ ਦੀਆਂ ਮੂਰਤੀਆਂ ਬਣਾਉਣ ਦਾ ਵਿਸ਼ਵ ਰਿਕਾਰਡ ਤੋੜਨਗੇ। ਗਿਨੀਜ਼ ਵਰਲਡ ਰਿਕਾਰਡ ਬਣਾਉਣ ਦੀ ਕੋਸ਼ਿਸ਼ ਮੈਕੈਲਮ ਬ੍ਰਦਰਜ਼ ਦੁਆਰਾ ਬ੍ਰੀਮ ਬੇ ਤੋਂ ਰੇਤ ਦੀ ਖੁਦਾਈ ਲਈ ਇੱਕ ਤੇਜ਼-ਟਰੈਕ ਪ੍ਰਸਤਾਵ ਦੇ ਵਿਰੁੱਧ ਇੱਕ ਬਿਆਨ ਵੀ ਹੈ। ਹਾਲਾਂਕਿ ਆਯੋਜਕ ਮੇਰੀ ਸਿੰਕਲੇਅਰ, ਜੋ ਕਿ ਬ੍ਰੀਮ ਬੇ ਗਾਰਡੀਅਨਜ਼ ਦੀ ਪ੍ਰਵਕਤਾ ਹਨ, ਨੇ ਕਿਹਾ ਕਿ ਇਹ ਵਿਰੋਧ ਪ੍ਰਦਰਸ਼ਨ ਨਹੀਂ ਹੈ।
ਉਨ੍ਹਾਂ ਕਿਹਾ ਕਿ“ਸ਼ਨੀਵਾਰ ਨੂੰ ਸਾਡਾ ਧਿਆਨ ਵਿਰੋਧ ਤੇ ਨਹੀਂ, ਸਗੋਂ ਨੌਜਵਾਨਾਂ ਨੂੰ ਸਮੁੰਦਰ ਦੀ ਸਿਹਤ ਤੇ ਗੱਲਬਾਤ ਲਈ ਪ੍ਰੇਰਿਤ ਕਰਨ ‘ਤੇ ਹੈ। ਅਸੀਂ ਚਾਹੁੰਦੇ ਹਾਂ ਕਿ ਇਹ ਬੱਚੇ ਭਵਿੱਖ ਵਿੱਚ ਬ੍ਰੀਮ ਬੇ ਦੇ ਰੱਖਿਅਕ ਬਣਨ।” ਦੱਸ ਦੇਈਏ ਮੌਜੂਦਾ ਰਿਕਾਰਡ ਬੈਲਜੀਅਮ ਦੇ ਮਿਡਲਕੇਰਕੇ ਕੋਲ ਹੈ, ਜਿੱਥੇ 2019 ਵਿੱਚ 396 ਲੋਕਾਂ ਨੇ ਇਕੱਠੇ ਰੇਤ ਦੇ ਬੁੱਤ ਬਣਾਏ ਸਨ।