ਨਿਊਜ਼ੀਲੈਂਡ ਵਿੱਚ ਹੁਣ ਹਵਾਈ ਅੱਡੇ ਤੇ ਆਪਣੇ ਸਮਾਨ ਵਿੱਚ ਸੇਬ ਜਾਂ ਹੋਰ ਤਾਜ਼ਾ ਫਲ ਲਿਆਉਣਾ ਤੁਹਾਨੂੰ ਕਾਫੀ ਮਹਿੰਗਾ ਪੈ ਸਕਦਾ ਹੈ। ਦਰਅਸਲ ਸਰਕਾਰ ਨੇ ਬਾਇਓਸਿਕਿਉਰਟੀ ਕਨੂੰਨਾਂ ਦੇ ਵਿੱਚ ਵੱਡੇ ਬਦਲਾਅ ਦਾ ਐਲਾਨ ਕੀਤਾ ਹੈ ਤੇ ਜੁਰਮਾਨਾ ਵੀ ਦੁਗਣਾ ਕਰਨ ਦੀ ਤਜਵੀਜ਼ ਰਖੀ ਹੈ। ਜੇ ਕੋਈ ਯਾਤਰੀ ਆਪਣੇ ਲਗਜ਼ ਦੇ ਵਿੱਚ ਤਾਜ਼ਾ ਫਲ ਜਾਂ ਮਾਸ ਵਰਗੀਆਂ ਚੀਜ਼ਾਂ ਨੂੰ ਡਿਕਲੇਅਰ ਨਾ ਕਰੇ ਤਾਂ ਪਹਿਲਾਂ 400 ਡਾਲਰ ਦਾ ਜੁਰਮਾਨਾ ਲੱਗਦਾ ਸੀ ਪਰ ਹੁਣ ਇਸ ਨੂੰ ਵਧਾ ਕੇ 800 ਡਾਲਰ ਕਰਨ ਦੀ ਯੋਜਨਾ ਬਣਾਈ ਜਾ ਰਹੀ ਹੈ। ਬਾਇਓ ਸਿਕਿਉਰਟੀ ਮੰਤਰੀ ਐਂਡਰੋ ਹੋਗਾਰਡ ਦਾ ਕਹਿਣਾ ਹੈ ਕਿ ਇਸ ਨਿਯਮ ਦਾ ਮਕਸਦ ਕੀੜਿਆਂ ਅਤੇ ਬਿਮਾਰੀਆਂ ਨੂੰ ਦੇਸ਼ ਵਿੱਚ ਦਾਖਲ ਹੋਣ ਤੋਂ ਰੋਕਣਾ ਹੈ ਜੋ ਨਿਊਜ਼ੀਲੈਂਡ ਦੀ ਅਰਥਵਸਥਾ ਲਈ ਬੇਹਦ ਜਰੂਰੀ ਹੈ। ਉਹਨਾਂ ਨੇ ਕਿਹਾ ਹੈ ਕਿ ਸਾਡੀ ਪ੍ਰਾਈਮਰੀ ਇੰਡਸਟਰੀ ਦੀ ਇਸ ਦੀ ਰੀੜ ਦੀ ਹੱਡੀ ਹੈ ਕਿਸੇ ਦੀ ਬਿਮਾਰੀ ਦਾ ਫਲਾਹ ਬਿਲੀਅਨ ਡਾਲਰ ਦਾ ਨੁਕਸਾਨ ਕਰ ਸਕਦਾ ਹੈ। ਨਵੇਂ ਬਿੱਲ ਵਿੱਚ ਕੁਝ ਹੋਰ ਸਖਤ ਕਦਮ ਵੀ ਸ਼ਾਮਿਲ ਹਨ ਜਿਵੇਂ ਕਿ ਨਿਰਧਾਰਤ ਖੇਤਰ ਦੀ ਉਲੰਘਣਾ ਤੇ ਅੱਧਾ ਮਿਲੀਅਨ ਡਾਲਰ ਤੱਕ ਜੁਰਮਾਨਾ ਤੇ ਸਰਚ ਵਾਰੰਟ ਦੌਰਾਨ ਰੋਕਣ ਕਰਕੇ ਗਿਰਫਤਾਰੀ, ਸਰਕਾਰ ਦਾ ਕਹਿਣਾ ਹੈ ਕਿ ਸਾਰੇ ਕਦਮ ਇਸ ਲਈ ਹਨ ਤਾਂ ਜੋ ਕਿਸੇ ਵੀ ਵਿਦੇਸ਼ੀ ਪੇਸਟ ਜਾਂ ਬਿਮਾਰੀ ਤੋਂ ਨਿਊਜ਼ੀਲੈਂਡ ਨੂੰ ਬਚਾਇਆ ਜਾ ਸਕੇ। ਬਿੱਲ ਅਗਲੇ ਸਾਲ ਸੰਸਦ ਵਿੱਚ ਆਉਣ ਦੀ ਉਮੀਦ ਹੈ।
