ਨਿਊਜ਼ੀਲੈਂਡ ਦੇ ਸੁਪਰੀਮ ਕੋਰਟ ਨੇ Uber ਨੂੰ ਇੱਕ ਵੱਡਾ ਝਟਕਾ ਦਿੱਤਾ ਹੈ। ਦਰਅਸਲ ਸੁਪਰੀਮ ਕੋਰਟ ਨੇ Uber ਦੀ ਉਹ ਅਪੀਲ ਰੱਦ ਕਰ ਦਿੱਤੀ ਹੈ ਜਿਸ ਵਿੱਚ ਕੰਪਨੀ ਨੇ ਆਪਣੇ ਡਰਾਈਵਰਾਂ ਨੂੰ “ਕਰਮਚਾਰੀ ਨਹੀਂ, ਬਲਕਿ contractor” ਦੱਸਣ ਦੀ ਲੜਾਈ ਲੜੀ ਸੀ। ਇਹ ਕੇਸ 2022 ਵਿੱਚ ਸ਼ੁਰੂ ਹੋਇਆ ਸੀ। ਉਸ ਵੇਲੇ ਚਾਰ Uber ਡਰਾਈਵਰਾਂ ਨੇ Employment Court ‘ਚ ਦਲੀਲ ਦਿੱਤੀ ਸੀ ਕਿ ਉਨ੍ਹਾਂ ਨੂੰ contractor ਨਹੀਂ, ਬਲਕਿ employees ਵਾਂਗ ਕਾਨੂੰਨੀ ਹੱਕ ਦਿੱਤੇ ਜਾਣ ਚਾਹੀਦੇ ਹਨ। ਯਾਨੀ ਕਿ ਛੁੱਟੀਆਂ, ਸਲਾਨਾ leave, holiday pay ਅਤੇ minimum wage। ਉਸ ਵੇਲੇ Employment Court ਨੇ ਵੀ ਡਰਾਈਵਰਾਂ ਦੇ ਹੱਕ ਵਿੱਚ ਫੈਸਲਾ ਸੁਣਾਇਆ ਸੀ। ਪਰ ਹੁਣ ਅਦਾਲਤ ਨੇ Uber ਵੱਲੋਂ ਇਸ ਫੈਸਲੇ ਨੂੰ ਚਣੌਤੀ ਦੇਣ ਵਾਲੀ ਪਟੀਸ਼ਨ ਖਾਰਜ ਕਰ ਦਿੱਤੀ ਹੈ। ਅਦਾਲਤ ਨੇ ਆਪਣੇ ਲਿਖਤੀ ਫ਼ੈਸਲੇ ਵਿੱਚ ਕਿਹਾ: “Uber ਸਫ਼ਰ ਦੀ ਕੀਮਤ rider ਨੂੰ ਆਫਰ ਕਰਦੀ ਹੈ, ਡਰਾਈਵਰ ਅਤੇ ਰਾਈਡਰ ਇੱਕ-ਦੂਜੇ ਨੂੰ ਚੁਣ ਨਹੀਂ ਸਕਦੇ, ਅਤੇ ਪੂਰਾ ਲੈਣਦੈਨ ਬੇਨਾਮੀ ਤਰੀਕੇ ਨਾਲ ਹੁੰਦਾ ਹੈ। ਕੋਈ ਵੀ ਯਾਤਰੀ ਇਹ ਨਹੀਂ ਸੋਚ ਸਕਦਾ ਕਿ ਉਹ ਡਰਾਈਵਰ ਨਾਲ ਸੌਦਾ ਕਰ ਰਿਹਾ ਹੈ—ਉਹ Uber ਨਾਲ ਹੀ ਕਰਦਾ ਹੈ।”
