ਡੁਨੇਡਿਨ ਵਿੱਚ ਇੱਕ ਨਵ-ਵਿਆਹੇ ਪ੍ਰਵਾਸੀ ਪੰਜਾਬੀ ਦੇ ਕਤਲ ਦੇ ਦੋਸ਼ੀ ਵਿਅਕਤੀ ਖਿਲਾਫ ਮੁਕੱਦਮਾ ਸੋਮਵਾਰ ਤੋਂ ਸ਼ੁਰੂ ਹੋ ਗਿਆ ਹੈ। 27 ਸਾਲਾ ਗੁਰਜੀਤ ਸਿੰਘ ਦੀ ਲਾਸ਼ ਪਿਛਲੇ ਸਾਲ ਜਨਵਰੀ ਵਿੱਚ ਲਿਬਰਟਨ ਵਿੱਚ ਉਸ ਦੇ ਘਰ ਤੋਂ ਥੋੜੀ ਦੂਰ ਜ਼ਖਮਾਂ ਤੇ ਖੂਨ ਨਾਲ ਲੱਥਪੱਥ ਮਿਲੀ ਸੀ। ਪਰ ਅਦਾਲਤ ਨੇ ਵੱਡਾ ਖੁਲਾਸਾ ਕੀਤਾ ਹੈ ਕਿ ਗੁਰਜੀਤ ਸਿੰਘ ਦੀ ਪਤਨੀ ਨੂੰ ਪਹਿਲਾਂ ਉਸ ਵਿਅਕਤੀ ਦੇ ਪਰਿਵਾਰ ਨੇ ਵਿਆਹ ਲਈ ਸੰਪਰਕ ਕੀਤਾ ਸੀ ਜਿਸ ‘ਤੇ ਉਸਦੇ ਪਤੀ ਦੀ ਹੱਤਿਆ ਦਾ ਦੋਸ਼ ਹੈ। ਗੁਰਜੀਤ ਨੂੰ ਉਸਦੇ ਦੋਸਤ ਨੇ 28 ਜਨਵਰੀ, 2024 ਨੂੰ ਉਸਦੇ ਲਿਬਰਟਨ ਘਰ ਦੇ ਬਾਹਰ ਬੇਹੋਸ਼ ਅਤੇ ਖੂਨ ਨਾਲ ਲੱਥਪੱਥ ਦੇਖਿਆ ਸੀ।
ਕ੍ਰਾਊਨ ਦਾ ਦੋਸ਼ ਹੈ ਕਿ ਗੁਰਜੀਤ ਸਿੰਘ ਨੂੰ ਉਸਦੇ ਸਾਬਕਾ ਮਾਲਕ ਦੁਆਰਾ 47 ਵਾਰ ਚਾਕੂ ਮਾਰਿਆ ਗਿਆ ਸੀ ਅਤੇ ਅੰਸ਼ਕ ਤੌਰ ‘ਤੇ ਸਿਰ ਵੱਢ ਦਿੱਤਾ ਗਿਆ ਸੀ, ਜਿਸਦਾ ਨਾਮ ਅਦਾਲਤੀ ਦਸਤਾਵੇਜ਼ਾਂ ਵਿੱਚ ਸਿਰਫ ਰਾਜਿੰਦਰ ਦੱਸਿਆ ਗਿਆ ਹੈ। ਇਸ ਮਾਮਲੇ ਵਿੱਚ 35 ਸਾਲਾ ਟੈਕਨੀਸ਼ੀਅਨ, ਰਾਜਿੰਦਰ ਨੂੰ ਘਟਨਾ ਸਥਾਨ ਨਾਲ ਜੋੜਨ ਵਾਲੇ ਡੀਐਨਏ ਸਬੂਤ ਹਨ, ਨਾਲ ਹੀ ਉਸ ਦੇ ਦਸਤਾਨੇ, ਇੱਕ ਚਾਕੂ ਅਤੇ ਇੱਕ ਸਕਾਰਫ਼ ਖਰੀਦਣ ਦਾ ਸੀਸੀਟੀਵੀ ਫੁਟੇਜ ਵੀ ਸ਼ਾਮਿਲ ਹੈ। ਹਾਲਾਂਕਿ ਬਚਾਅ ਪੱਖ ਦਾ ਤਰਕ ਹੈ ਕਿ ਰਾਜਿੰਦਰ ਦੀ ਆਪਣੇ ਸਾਬਕਾ ਕਰਮਚਾਰੀ ਨਾਲ ਕੋਈ ਦੁਸ਼ਮਣੀ ਨਹੀਂ ਸੀ, ਅਤੇ ਨਾ ਹੀ ਉਹ ਕਾਤਲ ਹੈ।
ਦੱਸ ਦੇਈਏ ਗੁਰਜੀਤ ਸਿੰਘ ਦੀ ਵਿਧਵਾ ਪਤਨੀ ਕਮਲਜੀਤ ਕੌਰ, ਡੁਨੇਡਿਨ ਹਾਈ ਕੋਰਟ ਵਿੱਚ ਕਤਲ ਦੇ ਮੁਕੱਦਮੇ ਲਈ ਨਿਊਜ਼ੀਲੈਂਡ ਪਹੁੰਚੀ ਹੋਈ ਹੈ ਅਤੇ ਮੰਗਲਵਾਰ ਸਵੇਰੇ ਉਨ੍ਹਾਂ ਵੱਲੋਂ ਵੀ ਆਪਣਾ ਪੱਖ ਰੱਖਿਆ ਗਿਆ ਹੈ। ਜਦੋਂ ਕਿ ਕੌਰ ਮੁਲਜ਼ਮ ਨੂੰ ਨਹੀਂ ਜਾਣਦੀ ਸੀ, ਉਸਨੇ ਅਦਾਲਤ ਨੂੰ ਦੱਸਿਆ ਕਿ ਉਸਦੀ ਭੈਣ ਦਾ ਵਿਆਹ ਰਜਿੰਦਰ ਦੇ ਪਰਿਵਾਰ (wider family) ਵਿੱਚ ਹੋਇਆ ਸੀ। ਉਸਨੂੰ ਪੁੱਛਿਆ ਗਿਆ ਕਿ ਕੀ ਉਸਦੇ ਪਰਿਵਾਰ ਨੂੰ ਕਦੇ ਕਿਸੇ ਤੀਜੀ ਧਿਰ ਦੇ ਮੈਚਮੇਕਰ ਰਾਹੀਂ ਰਾਜਿੰਦਰ ਦੇ ਪਰਿਵਾਰ ਵਿੱਚ ਵਿਆਹ ਲਈ ਸੰਪਰਕ ਕੀਤਾ ਗਿਆ ਸੀ।
ਕੌਰ ਨੇ ਅਦਾਲਤ ਨੂੰ ਦੱਸਿਆ ਕਿ ਉਸਦੇ ਪਰਿਵਾਰ ਨੂੰ 2022 ਵਿੱਚ ਇੱਕ ਸੰਪਰਕ ਮਿਲਿਆ ਸੀ। ਰਾਜਿੰਦਰ ਦੇ ਪਿਤਾ ਨੇ ਆਪਣੇ ਪੁੱਤਰ ਲਈ ਦੁਲਹਨ ਲੱਭਣ ਦੀ ਉਮੀਦ ਵਿੱਚ ਆਪਣੇ ਪੁੱਤਰ ਦੀ ਪ੍ਰੋਫਾਈਲ ਭੇਜੀ ਸੀ, ਪਰ ਉਸਨੇ ਉਸ ਪ੍ਰਸਤਾਵ ਨੂੰ ਠੁਕਰਾ ਦਿੱਤਾ ਸੀ। ਕੌਰ ਨੇ ਕਿਹਾ ਕਿ, “ਮੈਂ ਪ੍ਰਭਾਵਿਤ ਨਹੀਂ ਹੋਈ ਸੀ।” ਉਸਨੇ ਅਦਾਲਤ ਨੂੰ ਦੱਸਿਆ ਕਿ ਉਹ ਵਿਆਹ ਦੀਆਂ ਸਾਰੀਆਂ ਪੇਸ਼ਕਸ਼ਾਂ ਨੂੰ ਠੁਕਰਾ ਰਹੀ ਚੁੱਕੀ ਸੀ। ਬਾਅਦ ਵਿੱਚ ਉਸਨੇ 29 ਮਈ 2023 ਨੂੰ ਭਾਰਤ ਵਿੱਚ ਡੁਨੇਡਿਨ ਰਹਿੰਦੇ ਗੁਰਜੀਤ ਸਿੰਘ ਨਾਲ ਵਿਆਹ ਕਰਵਾ ਲਿਆ ਸੀ। ਉਸਨੂੰ ਪੁੱਛਿਆ ਗਿਆ ਕਿ ਕੀ ਉਸਨੂੰ ਗੁਰਜੀਤ ਸਿੰਘ ਅਤੇ ਰਾਜਿੰਦਰ ਵਿਚਕਾਰ ਕਿਸੇ ਦੁਸ਼ਮਣੀ ਬਾਰੇ ਪਤਾ ਸੀ। ਜਵਾਬ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਰਾਜਿੰਦਰ ਇੱਕ ਵੈਨ ਵਾਪਿਸ ਚਾਹੁੰਦਾ ਸੀ, ਜੋ ਉਸਦੇ ਪਤੀ ਨੇ ਖਰੀਦੀ ਸੀ।