NZ ਪੁਲਿਸ ਨੇ ਸ਼ਲਾਂਘਾ ਯੋਗ ਕੰਮ ਕਰਦਿਆਂ ਇੱਕ ਜਰਮਨ ਸੈਲਾਨੀ ਨੂੰ ਉਸ ਦਾ ਚੋਰੀ ਹੋਇਆ ਸਮਾਨ ਲੱਭ ਕੇ ਦਿੱਤਾ ਹੈ। ਜਦੋਂ ਉਹ ਨਿਊਜ਼ੀਲੈਂਡ ਤੋਂ ਵਾਪਸੀ ਲਈ ਆਪਣੀ ਉਡਾਣ ਲਈ ਆਕਲੈਂਡ ਹਵਾਈ ਅੱਡੇ ‘ਤੇ ਉਡੀਕ ਕਰ ਰਿਹਾ ਸੀ। ਆਕਲੈਂਡ ਸੈਂਟਰਲ ਏਰੀਆ ਕਮਾਂਡਰ ਇੰਸਪੈਕਟਰ ਗ੍ਰੇ ਐਂਡਰਸਨ ਨੇ ਕਿਹਾ ਕਿ ਇਸ ਹਫ਼ਤੇ ਦੇ ਸ਼ੁਰੂ ਵਿੱਚ ਗ੍ਰੇ ਲਿਨ ਦੇ ਕਰਮਰ ਰੋਡ ‘ਤੇ ਉਸ ਵਿਅਕਤੀ ਦੀ ਕਿਰਾਏ ਦੀ ਕਾਰ ਨੂੰ ਭੰਨ ਕੇ ਉਸ ਵਿੱਚ ਪਿਆ “ਉਸਦਾ ਬੈਕਪੈਕ ਚੋਰੀ ਕੀਤਾ ਗਿਆ ਸੀ, ਜਿਸ ਵਿੱਚ ਕਈ ਕੀਮਤੀ ਇਲੈਕਟ੍ਰਾਨਿਕਸ, ਉਸਦਾ ਪਾਸਪੋਰਟ ਅਤੇ ਜਰਮਨ ਬੈਂਕ ਕਾਰਡ ਸਨ।” ਉਸ ਸੈਲਾਨੀ ਨੇ 19 ਨਵੰਬਰ ਨੂੰ ਚੋਰੀ ਦੀ ਰਿਪੋਰਟ ਦਿੱਤੀ ਸੀ।
ਪੁਲਿਸ ਨੂੰ ਪਤਾ ਲੱਗਾ ਕਿ ਉਸਦੀ ਜਾਇਦਾਦ ਦੇ ਨਾਲ ਇੱਕ ਐਪਲ ਏਅਰਟੈਗ ਸੀ, ਅਤੇ ਪੁੱਛਗਿੱਛ ਤੋਂ ਬਾਅਦ ਵਿਰੀ ਵਿੱਚ ਇੱਕ ਪਤਾ ਮਿਲਿਆ। ਪਤੇ ਦੀ ਤਲਾਸ਼ੀ ਲੈਣ ‘ਤੇ ਸੈਲਾਨੀ ਦਾ ਲਗਭਗ ਸਾਰਾ ਸਮਾਨ, ਨਾਲ ਹੀ ਵੱਡੀ ਮਾਤਰਾ ਵਿੱਚ “ਅਣ-ਸੰਬੰਧਿਤ” ਨਕਦੀ ਅਤੇ ਗੋਲਾ ਬਾਰੂਦ ਬਰਾਮਦ ਹੋਇਆ। ਫਿਰ ਪੁਲਿਸ ਨੂੰ ਨੇੜਲੇ ਮੈਨੂਕਾਊ ਸਰਵਿਸ ਸਟੇਸ਼ਨ ‘ਤੇ ਇੱਕ ਸਕਿੱਪ ਬਿਨ ਵਿੱਚ ਸੈਲਾਨੀ ਦਾ ਬੈਕਪੈਕ, ਨਾਲ ਹੀ ਹੋਰ ਸੂਟਕੇਸ ਅਤੇ ਯਾਤਰਾ ਬੈਗ ਮਿਲੇ ਜਿਨ੍ਹਾਂ ਨੂੰ ਉਹ ਉਨ੍ਹਾਂ ਸਹੀ ਮਾਲਕਾਂ ਨੂੰ ਵਾਪਿਸ ਕਰਨ ਲਈ ਕੰਮ ਕਰ ਰਹੇ ਸਨ।
ਬਰਾਮਦ ਕੀਤਾ ਗਿਆ ਸਮਾਨ ਪੁਲਿਸ ਦੁਆਰਾ ਜਰਮਨ ਸੈਲਾਨੀ ਨੂੰ ਵਾਪਿਸ ਦੇ ਦਿੱਤਾ ਗਿਆ ਜਦੋਂ ਉਹ ਨਿਊਜ਼ੀਲੈਂਡ ਤੋਂ ਆਪਣੀ ਉਡਾਣ ਦੀ ਉਡੀਕ ਕਰ ਰਿਹਾ ਸੀ। ਐਂਡਰਸਨ ਨੇ ਕਿਹਾ ਕਿ, “ਸਾਨੂੰ ਖੁਸ਼ੀ ਹੈ ਕਿ ਅਸੀਂ ਉਸ ਸੈਲਾਨੀ ਦੇ ਦੇਸ਼ ਛੱਡਣ ਤੋਂ ਪਹਿਲਾਂ ਉਸਦਾ ਸਮਾਨ ਵਾਪਸ ਪ੍ਰਾਪਤ ਕਰ ਸਕੇ ਹਾਂ। ਉਸਦਾ ਬੁਰਾ ਅਨੁਭਵ ਹੋ ਸਕਦਾ ਹੈ ਪਰ ਇਸ ਨੂੰ ਸਹੀ ਕਰਨ ਦੇ ਯੋਗ ਹੋਣਾ ਸਾਡੇ ਸਟਾਫ ਲਈ ਖੁਸ਼ੀ ਦੀ ਗੱਲ ਹੈ ਅਤੇ ਮੈਨੂੰ ਉਸ ਦਾ ਸਮਾਨ ਵਾਪਿਸ ਪ੍ਰਾਪਤ ਕਰਨ ਲਈ ਕੀਤੇ ਗਏ ਸਾਂਝੇ ਯਤਨਾਂ ‘ਤੇ ਮਾਣ ਹੈ।”
ਇੱਕ 41 ਸਾਲਾ ਵਿਅਕਤੀ 20 ਨਵੰਬਰ ਨੂੰ ਆਕਲੈਂਡ ਜ਼ਿਲ੍ਹਾ ਅਦਾਲਤ ਵਿੱਚ ਚੋਰੀ ਦੀ ਕਾਰ ਅਤੇ ਗੈਰ-ਕਾਨੂੰਨੀ ਤੌਰ ‘ਤੇ ਗੋਲਾ ਬਾਰੂਦ ਰੱਖਣ ਦੇ ਦੋਸ਼ਾਂ ਵਿੱਚ ਪੇਸ਼ ਕੀਤਾ ਗਿਆ ਸੀ। ਉਸਨੂੰ 11 ਦਸੰਬਰ ਨੂੰ ਦੁਬਾਰਾ ਪੇਸ਼ ਹੋਣ ਲਈ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਸੀ।