ਮੋਂਗਾਕੀਕੀ ਤੋਂ ਨੈਸ਼ਨਲ ਪਾਰਟੀ ਦੇ ਸਾਂਸਦ ਮੈਂਬਰ ਗ੍ਰੇਗ ਫਲੇਮਿੰਗ ਜੋ ਕਿ ਯੁਨਾਇਟੇਡ ਨੈਸ਼ਨਜ਼ ਦੇ ਵਿਸ਼ੇਸ਼ ਦੌਰੇ ਲਈ 8 ਮੈਂਬਰਾਂ ਸਮੇਤ ਇੰਡੀਆ ਗਏ ਹੋਏ ਸਨ। ਗ੍ਰੇਗ ਬੀਤੇ ਕੱਲ ਵਿਸ਼ੇਸ਼ ਤੌਰ ‘ਤੇ ਅਮ੍ਰਿਤਸਰ ਸਾਹਿਬ ਪੁੱਜੇ, ਜਿੱਥੇ ਅੱਜ ਉਹ ਦਰਬਾਰ ਸਾਹਿਬ ਨਤਮਸਤਕ ਹੋਏ। ਅਹਿਮ ਗੱਲ ਹੈ ਕਿ ਇਸ ਦੌਰਾਨ ਉਨ੍ਹਾਂ ਗੁਰੂ ਰਾਮਦਾਸ ਲੰਗਰ ਹਾਲ ਵਿੱਚ ਜਾਕੇ ਸੇਵਾ ਨਿਭਾਈ, ਵੱਡੀਆਂ-ਵੱਡੀਆਂ ਦੇਗਾਂ ਵਿੱਚ ਬਣ ਰਹੇ ਲੰਗਰ ਦੇਖ ਉਹ ਬਹੁਤ ਹੈਰਾਨ ਹੋਏ ਤੇ ਆਪਣੀ ਖੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਉਨ੍ਹਾਂ ਆਪ ਵੀ ਇਸ ਮੌਕੇ ਸੇਵਾ ਨਿਭਾਈ। ਸਿੱਖ ਭਾਈਚਾਰੇ ਦੀ ਨੁਮਾਇੰਦਿਗੀ ਗੱਲ ਕਬੂਲਦਿਆਂ ਉਨ੍ਹਾਂ ਕਿਹਾ ਕਿ ਇੰਡੀਆ ਫੇਰੀ ਦੌਰਾਨ ਵਿਸ਼ੇਸ਼ ਤੌੌਰ ‘ਤੇ ਦਰਬਾਰ ਸਾਹਿਬ ਆਉਣਾ ਉਨ੍ਹਾਂ ਵਲੋਂ ਇਸ ਗੱਲ ਦੀ ਹਾਮੀ ਭਰਦਾ ਹੈ ਕਿ ਉੁਹ ਨਿਊਜੀਲੈਂਡ ਵੱਸਦੇ ਸਿੱਖ ਭਾਈਚਾਰੇ ਦੇ ਅਸਲ ਨੁਮਾਇੰਦੇ ਹਨ। ਦੱਸ ਦੇਈਏ ਦਰਬਾਰ ਸਾਹਿਬ ਦੇ ਦਰਸ਼ਨ ਦੀਦਾਰੇ ਅਤੇ ਵਾਘਾ ਬਾਰਡਰ ਪਰੇਡ ਦਾ ਸਾਰਾ ਪ੍ਰਬੰਧ ਦਲਜੀਤ ਸਿੰਘ ਨੇ ਕੀਤਾ ਸੀ । ਉਹਨਾਂ ਨਾਲ ਸਿੱਖ ਮੈਬਰ ਸੁਖਦੀਪ ਸਿੰਘ ਵਾਲੀਆ ਭਾਰਤ ਗਏ ਹਨ ।
ਇਸ ਤੋਂ ਬਾਅਦ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਉਨ੍ਹਾਂ ਦਾ ਵਿਸ਼ੇਸ਼ ਤੌਰ ‘ਤੇ ਸਨਮਾਨ ਕੀਤਾ ਗਿਆ ਹੈ। ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਗ੍ਰੇਗ ਫਲੇਮਿੰਗ ਨੇ ਕਿਹਾ ਕਿ ਦਰਬਾਰ ਸਾਹਿਬ ਪੁੱਜ ਮਨ ਨੂੰ ਮਿਲੀ ਸ਼ਾਂਤੀ ਦੀ ਗਵਾਹੀ ਭਰਦਿਆਂ ਦੱਸਿਆ ਕਿ ਉਨ੍ਹਾਂ ਨੂੰ ਦਰਬਾਰ ਸਾਹਿਬ ਪੁੱਜ ਇੱਕ ਅਲੌਕਿਕ ਸ਼ਾਂਤੀ ਮਿਲੀ ਹੈ ਤੇ ਇਸ ਬਾਰੇ ਉਨ੍ਹਾਂ ਸੁਪਰੀਮ ਸਿੱਖ ਸੁਸਾਇਟੀ ਦੇ ਬੁਲਾਰੇ ਦਲਜੀਤ ਸਿੰਘ ਨੂੰ ਵਿਸ਼ੇਸ਼ ਤੌਰ ‘ਤੇ ਫੋਨ ‘ਤੇ ਗੱਲਬਾਤ ਦੌਰਾਨ ਵੀ ਦੱਸਿਆਗ੍ਰੇਗ ਫਲੇਮਿੰਗ ਜੋ ਪਹਿਲਾਂ ਹੀ ਟਾਕਾਨਿਨੀ ਗੁਰੂਘਰ ਵਿੱਚ ਕਈ ਵਾਰ ਆ ਚੁੱਕੇ ਹਨ, ਉਨ੍ਹਾਂ ਦੱਸਿਆ ਕਿ ਜੋ ਸੰਕਲਪ ਉਨ੍ਹਾਂ ਨੂੰ ਟਾਕਾਨਿਨੀ ਗੁਰੂਘਰ ਵਿਖੇ ਦੇਖਣ ਨੂੰ ਮਿਲਦਾ ਸੀ, ਓਹੀ ਨਜਾਰਾ ਉਨ੍ਹਾਂ ਨੂੰ ਦਰਬਾਰ ਸਾਹਿਬ ਵਿਖੇ ਬਹੁਤ ਵੱਡੇ ਪੱਧਰ ‘ਤੇ ਦੇਖਣ ਨੂੰ ਮਿਿਲਆ।