ਨਿਊਜ਼ੀਲੈਂਡ ਵਾਸੀਆਂ ਲਈ ਇੱਕ ਵੱਡੀ ਖ਼ਬਰ ਹੈ ਅੱਜ ਤੋਂ ਰਾਜਧਾਨੀ ਵੈਲਿੰਗਟਨ ‘ਚ ਰੋਡਸਾਈਡ ਡਰੱਗ ਟੈਸਟਿੰਗ ਸ਼ੁਰੂ ਹੋਣ ਜਾ ਰਹੇ ਹਨ। ਨਿਊਜ਼ੀਲੈਂਡ ਵਿੱਚ ਪਹਿਲੀ ਵਾਰ, ਵੈਲਿੰਗਟਨ ਪੁਲਿਸ ਜ਼ਿਲ੍ਹੇ ਵਿੱਚ ਡਰਾਈਵਰਾਂ ਨੂੰ ਸੋਮਵਾਰ ਤੋਂ ਡਰੱਗ ਟੈਸਟ ਕਰਵਾਉਣ ਲਈ ਕਿਹਾ ਜਾ ਸਕਦਾ ਹੈ, ਪੁਲਿਸ ਅਗਲੇ ਸਾਲ ਦੇਸ਼ ਦੇ ਬਾਕੀ ਹਿੱਸਿਆਂ ਵਿੱਚ ਟੈਸਟਾਂ ਨੂੰ ਲਾਗੂ ਕਰਨ ਦੀ ਯੋਜਨਾ ਵੀ ਬਣਾ ਰਹੀ ਹੈ। ਪੁਲਿਸ ਦੇ ਅਨੁਸਾਰ ਜੇ ਡਰਾਈਵਰ ਕੋਲ ਪ੍ਰਿਸਕ੍ਰਿਪਸ਼ਨ ਜਾਂ ਮੈਡੀਕਲ ਨੋਟ ਵੀ ਹੋਇਆ ਤਾਂ ਵੀ ਟੈਸਟ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਇਨਕਾਰ ਕਰਨ ‘ਤੇ ਸਖ਼ਤ ਕਾਰਵਾਈ ਹੋਵੇਗੀ।
ਡਰਾਈਵਰ ਨੂੰ ਆਪਣੀ ਜੀਭ ਨੂੰ ਇੱਕ oral-fluid screening device ‘ਤੇ ਰਗੜਨਾ ਹੋਵੇਗਾ। ਇਸ ਟੈਸਟ ਨਾਲ ਚਾਰ ਨਸ਼ੀਲੇ ਪਦਾਰਥ ਪਤਾ ਲੱਗਣਗੇ: THC (ਕੈਨੇਬਿਸ)
ਮੈਥਐਮਫੇਟਾਮਾਈਨ, MDMA (ਐਕਸਟਸੀ/ਮਾਲੀ) ਅਤੇ ਕੋਕੇਨ। ਦੱਸ ਦੇਈਏ ਪਹਿਲਾ ਟੈਸਟ 10 ਮਿੰਟ ਵਿੱਚ ਨਤੀਜਾ ਦੇਵੇਗਾ। ਜੇ ਨਤੀਜਾ ਸਕਰਾਤਮਕ ਆਇਆ, ਤਾਂ ਹੋਰ ਦੋ ਟੈਸਟ ਕੀਤੇ ਜਾਣਗੇ। ਜੋ ਵੀ ਡਰਾਈਵਰ ਟੈਸਟ ਕਰਨ ਤੋਂ ਇਨਕਾਰ ਕਰੇਗਾ, ਉਸਨੂੰ $400 ਦਾ ਜੁਰਮਾਨਾ ਕੀਤਾ ਜਾਵੇਗਾ, 75 ਲਾਇਸੈਂਸ ਡੀਮੇਰਿਟ ਪਾਈਂਟਸ, 12 ਘੰਟੇ ਲਈ ਡਰਾਈਵਰ ਪਾਬੰਦੀ ਲੱਗੇਗੀ ਮੈਡੀਕਲ ਨੋਟ ਨਾਲ ਵੀ ਛੂਟ ਨਹੀਂ ਮਿਲੇਗੀ। ਜੇ ਡਰਾਈਵਰ ਦਵਾਈ ਲੈਂਦਾ ਹੈ ਅਤੇ ਉਸ ਵਿੱਚ ਕੋਈ ਨਸ਼ੇ ਵਾਲਾ ਤੱਤ ਹੈ, ਤਾਂ ਵੀ ਉਹ ਟੈਸਟ ਤੋਂ ਨਹੀਂ ਬਚ ਸਕਦਾ। ਟੈਸਟ ਸਕਰਾਤਮਕ ਆਉਣ ‘ਤੇ ਡਰਾਈਵਰ ਨੂੰ 12 ਘੰਟੇ ਵਾਹਨ ਚਲਾਉਣ ਤੋਂ ਰੋਕ ਦਿੱਤਾ ਜਾਵੇਗਾ, ਮੈਡੀਕਲ ਡਿਫੈਂਸ ਸਿਰਫ਼ ਲੈਬੋਰਟਰੀ ਰਿਪੋਰਟ ਤੋਂ ਬਾਅਦ ਹੀ ਦਿੱਤੀ ਜਾ ਸਕੇਗੀ।