Ikea ਦੇ ਵੱਲੋਂ ਨਿਊਜ਼ੀਲੈਂਡ ਦੇ ਆਪਣੇ ਕਰਮਚਾਰੀਆਂ ਨੂੰ ਇੱਕ ਵੱਡੀ ਸੌਗਾਤ ਦਿੱਤੀ ਗਈ ਹੈ। ਦਰਅਸਲ Ikea ਨੇ ਆਪਣੇ ਕਰਮਚਾਰੀਆਂ ਦੀ ਘੱਟੋ-ਘੱਟ ਤਨਖਾਹ $29 ਪ੍ਰਤੀ ਘੰਟਾ ਕਰਨ ਦਾ ਐਲਾਨ ਕੀਤਾ ਹੈ, ਜਿਸ ਤੋਂ ਬਾਅਦ ਯੂਨੀਅਨ ਨੇ ਹੋਰ ਰਿਟੇਲ ਕੰਪਨੀਆਂ ਨੂੰ ਵੀ ਆਪਣੀਆਂ ਤਨਖਾਹਾਂ ਅਤੇ ਸਹੂਲਤਾਂ ਵਧਾਉਣ ਲਈ “ਅੱਗੇ ਆਉਣ” ਦੀ ਅਪੀਲ ਕੀਤੀ ਹੈ। ਇੰਨਾਂ ਹੀ ਨਹੀਂ Ikea ਨੇ ਕਿਹਾ ਕਿ ਉਹ ਲਾਜਿਸਟਿਕਸ ਅਤੇ ਫੂਡ ਸਰਵਿਸਿਜ਼ ਲਈ 85 ਹੋਰ ਕਰਮਚਾਰੀ ਭਰਤੀ ਕਰ ਰਹੀ ਹੈ ਅਤੇ ਸ਼ਾਮ ਦੀਆਂ ਸ਼ਿਫ਼ਟਾਂ ਵੀ ਸ਼ੁਰੂ ਕਰੇਗੀ, ਜਿਸ ਨਾਲ ਨਿਊਜ਼ੀਲੈਂਡ ਵਿੱਚ ਉਸਦੀ ਕੁੱਲ ਵਰਕਫੋਰਸ 561 ਕਰਮਚਾਰੀਆਂ ਤੱਕ ਪਹੁੰਚ ਜਾਵੇਗੀ। ਕੰਪਨੀ ਨੇ ਐਲਾਨ ਕਰਦਿਆਂ ਕਿਹਾ ਕਿ ਨਵੇਂ ਕਰਮਚਾਰੀਆਂ ਨੂੰ ਸ਼ੁਰੂ ਵਿੱਚ $29 ਪ੍ਰਤੀ ਘੰਟਾ ਮਿਲੇਗਾ, ਜੋ ਅਗਲੇ ਪੱਧਰ ’ਤੇ ਵੱਧ ਕੇ $31 ਪ੍ਰਤੀ ਘੰਟਾ ਹੋ ਜਾਵੇਗਾ। ਇਸਦੇ ਨਾਲ ਹੀ ਕਰਮਚਾਰੀਆਂ ਨੂੰ ਯਾਤਰਾ ਖਰਚ ’ਤੇ 75% ਛੂਟ, ਪੰਜ ਹਫ਼ਤੇ ਦੀ ਛੁੱਟੀ, ਸਬਸਿਡੀ ਵਾਲਾ ਖਾਣਾ ਅਤੇ ਸਟਾਫ਼ ਡਿਸਕਾਊਂਟ ਵੀ ਦਿੱਤਾ ਜਾ ਰਿਹਾ ਹੈ।
