ਵੀਰਵਾਰ ਦੁਪਹਿਰ 3.30 ਵਜੇ ਤੋਂ ਬਾਅਦ ਆਕਲੈਂਡ ਸਕੂਲ ਬੱਸ ਵਿੱਚੋਂ ਡਿੱਗਣ ਨਾਲ ਇੱਕ 12 ਸਾਲਾ ਲੜਕਾ ਜ਼ਖਮੀ ਹੋ ਗਿਆ। ਇੱਕ ਬਿਆਨ ਵਿੱਚ, ਆਕਲੈਂਡ ਟ੍ਰਾਂਸਪੋਰਟ ਸੇਵਾ ਦੇ ਸੰਚਾਲਨ ਪ੍ਰਬੰਧਕ ਡੰਕਨ ਮੈਕਗ੍ਰੋਰੀ ਨੇ ਪੁਸ਼ਟੀ ਕੀਤੀ ਕਿ ਮੁੰਡਾ ਬੱਸ ਦੇ ਪਿਛਲੇ ਪਾਸੇ ਇੱਕ ਐਮਰਜੈਂਸੀ ਐਗਜ਼ਿਟ ਦਰਵਾਜ਼ੇ ਰਾਹੀਂ ਡਿੱਗ ਗਿਆ ਸੀ। ਮੈਕਗ੍ਰੋਰੀ ਨੇ ਕਿਹਾਕਿ, “ਉਸ ਸਮੇਂ ਬੱਸ ਲੇਇੰਘੋਲਮ ਡਰਾਈਵ ‘ਤੇ ਹੌਲੀ ਚੱਲ ਰਹੀ ਸੀ ਅਤੇ ਘਟਨਾ ਵਾਪਰਨ ਤੋਂ ਬਾਅਦ, ਬੱਸ ਡਰਾਈਵਰ ਨੇ ਬੱਸ ਨੂੰ ਰੋਕਿਆ, ਵਿਦਿਆਰਥੀ ਦੀ ਜਾਂਚ ਕੀਤੀ, ਅਤੇ ਸਹਾਇਤਾ ਲਈ ਬੱਸ ਡਿਪੂ ਨੂੰ ਸੂਚਿਤ ਕੀਤਾ।” ਉਸਨੇ ਕਿਹਾ ਕਿ ਵਿਦਿਆਰਥੀ ਗਲੇਨ ਈਡਨ ਇੰਟਰਮੀਡੀਏਟ ਤੋਂ ਲੇਇੰਘੋਲਮ ਜਾ ਰਿਹਾ ਸੀ।
“ਆਕਲੈਂਡ ਟ੍ਰਾਂਸਪੋਰਟ ਅਤੇ ਸਾਡਾ ਬੱਸ ਠੇਕੇਦਾਰ ਇਸ ਘਟਨਾ ਦੀ ਜਾਂਚ ਕਰ ਰਹੇ ਹਨ ਅਤੇ ਜਲਦੀ ਤੋਂ ਜਲਦੀ ਵਾਪਰੀ ਘਟਨਾ ਦੀ ਤਹਿ ਤੱਕ ਪਹੁੰਚਣ ਲਈ ਕੰਮ ਕਰ ਰਹੇ ਹਨ।” ਇੱਕ ਬਿਆਨ ਵਿੱਚ, ਪੁਲਿਸ ਨੇ ਕਿਹਾ: “ਜਵਾਕ ਨੂੰ ਦਰਮਿਆਨੀ ਸੱਟਾਂ ਲੱਗੀਆਂ ਹਨ ਅਤੇ ਉਸਨੂੰ ਸਥਿਰ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ ਹੈ।” ਘਟਨਾ ਦੇ ਕਾਰਨਾਂ ਬਾਰੇ ਪੁਲਿਸ ਪੁੱਛਗਿੱਛ ਜਾਰੀ ਹੈ।