ਕਾਪਿਤੀ ਕੋਸਟ ਦੇ ਸਮੁੰਦਰੀ ਤੱਟ ‘ਤੇ ਰਾਤ ਦੌਰਾਨ ਇਕ ਸੜੀ ਹੋਈ ਗੱਡੀ ਵਿੱਚੋਂ ਲਾਸ਼ ਮਿਲਣ ਮਗਰੋਂ ਪੁਲਿਸ ਵੱਲੋਂ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਐਮਰਜੈਂਸੀ ਸੇਵਾਵਾਂ ਨੂੰ ਅੱਜ ਸਵੇਰੇ ਕਰੀਬ 12:45 ਵਜੇ ਪੇਕਾ ਪੇਕਾ ਰੋਡ ਨੇੜੇ ਬੀਚ ‘ਤੇ ਇਕ ਵਾਹਨ ਵਿੱਚ ਅੱਗ ਲੱਗਣ ਦੀ ਸੂਚਨਾ ਮਿਲੀ। ਜਦੋਂ ਟੀਮ ਮੌਕੇ ‘ਤੇ ਪਹੁੰਚੀ, ਤਾਂ ਗੱਡੀ ਦੇ ਅੰਦਰੋਂ ਇਕ ਵਿਅਕਤੀ ਦੀ ਲਾਸ਼ ਮਿਲੀ। ਐਕਟਿੰਗ ਡਿਟੈਕਟਿਵ ਸਰਜੰਟ ਥੋਮਸ ਮਿਨੀ ਨੇ ਕਿਹਾ, “ਮਾਮਲੇ ਦੀ ਪੂਰੀ ਸਥਿਤੀ ਦਾ ਪਤਾ ਲਗਾਉਣ ਲਈ ਜਾਂਚ ਜਾਰੀ ਹੈ।”
ਰਾਤ ਭਰ ਮੌਕੇ ‘ਤੇ ਪੁਲਿਸ ਤੈਨਾਤ ਰਹੀ ਅਤੇ ਅੱਜ ਘਟਨਾ ਸਥਾਨ ਦੀ ਜਾਂਚ ਕੀਤੀ ਜਾਵੇਗੀ। ਪੁਲਿਸ ਦੇ ਮੁਤਾਬਕ ਇਸ ਘਟਨਾ ਨਾਲ ਜਨਤਾ ਲਈ ਕੋਈ ਤੁਰੰਤ ਖਤਰਾ ਨਹੀਂ ਹੈ।ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਜਾਂਚ ਦੌਰਾਨ ਬੀਚ ਤੋਂ ਦੂਰ ਰਹਿਣ। ਇਸ ਦੇ ਨਾਲ ਹੀ ਪੇਕਾ ਪੇਕਾ ਇਲਾਕੇ ਵਿੱਚ ਪੁਲਿਸ ਦੀ ਵੱਧ ਮੌਜੂਦਗੀ ਦੇਖਣ ਨੂੰ ਮਿਲ ਸਕਦੀ ਹੈ ਜਦ ਤੱਕ ਜਾਂਚ ਜਾਰੀ ਰਹੇਗੀ।