ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਦਿੱਲੀ ਕੈਪੀਟਲਜ਼ ਨੂੰ 8 ਵਿਕਟਾਂ ਨਾਲ ਹਰਾਇਆ ਹੈ। ਇਸ ਨਾਲ ਆਈਪੀਐਲ 2026 ਸੀਜ਼ਨ ਵਿੱਚ ਕੋਲਕਾਤਾ ਦੀ ਲਗਾਤਾਰ ਚੌਥੀ ਜਿੱਤ ਹੋਈ, ਜਿਸ ਨਾਲ ਉਨ੍ਹਾਂ ਦੀਆਂ ਪਲੇਆਫ ਦੀਆਂ ਉਮੀਦਾਂ ਜ਼ਿੰਦਾ ਹਨ। ਇੱਕ Impact ਖਿਡਾਰੀ ਵੱਜੋਂ ਬੱਲੇਬਾਜ਼ੀ ਲਈ ਆਏ ਫਿਨ ਐਲਨ ਨੇ ਮੈਚ ਜੇਤੂ 100 ਦੌੜਾਂ ਨਾਲ ਇਤਿਹਾਸ ਰਚ ਦਿੱਤਾ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਦਿੱਲੀ ਕੈਪੀਟਲਜ਼ ਨੇ 142 ਦੌੜਾਂ ਬਣਾਈਆਂ, ਪਰ ਜਵਾਬ ਵਿੱਚ, ਕੋਲਕਾਤਾ ਨੇ 34 ਗੇਂਦਾਂ ਬਾਕੀ ਰਹਿੰਦਿਆਂ ਟੀਚੇ ਦਾ ਪਿੱਛਾ ਕੀਤਾ।
ਫਿਨ ਐਲਨ ਨੇ ਛੱਕਾ ਮਾਰ ਕੇ ਕੋਲਕਾਤਾ ਨਾਈਟ ਰਾਈਡਰਜ਼ ਨੂੰ ਜਿੱਤ ਦਿਵਾਈ ਹੈ। ਐਲਨ ਨੇ 47 ਗੇਂਦਾਂ ਵਿੱਚ ਆਪਣਾ ਸੈਂਕੜਾ ਪੂਰਾ ਕੀਤਾ, ਜੋ ਕਿ ਆਈਪੀਐਲ ਇਤਿਹਾਸ ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਲਈ ਸਭ ਤੋਂ ਤੇਜ਼ ਸੈਂਕੜਾ ਹੈ। ਫਿਨ ਐਲਨ ਕੇਕੇਆਰ ਲਈ ਸੈਂਕੜਾ ਲਗਾਉਣ ਵਾਲੇ ਸਿਰਫ ਚੌਥੇ ਬੱਲੇਬਾਜ਼ ਹਨ। ਉਨ੍ਹਾਂ ਤੋਂ ਪਹਿਲਾਂ, ਕੋਲਕਾਤਾ ਲਈ ਸਿਰਫ ਬ੍ਰੈਂਡਨ ਮੈਕੁਲਮ, ਵੈਂਕਟੇਸ਼ ਅਈਅਰ ਅਤੇ ਸੁਨੀਲ ਨਾਰਾਈਨ ਨੇ ਸੈਂਕੜੇ ਲਗਾਏ ਹਨ।