ਭਾਰਤ ਨੇ ਇੰਗਲੈਂਡ ਨੂੰ 270 ਦੌੜਾਂ ਨਾਲ ਹਰਾ ਦਿੱਤਾ ਹੈ। ਇਹ ਲਾਰਡਜ਼ ਦੇ 142 ਸਾਲਾਂ ਦੇ ਇਤਿਹਾਸ ਵਿੱਚ ਪਹਿਲਾ ਮਹਿਲਾ ਟੈਸਟ ਮੈਚ ਸੀ, ਅਤੇ ਭਾਰਤੀ ਮਹਿਲਾ ਟੀਮ ਨੇ ਇਸਨੂੰ ਜਿੱਤ ਕੇ ਇਤਿਹਾਸ ਰਚਿਆ ਹੈ। ਮੇਜ਼ਬਾਨ ਇੰਗਲੈਂਡ ਨੂੰ ਚੌਥੀ ਪਾਰੀ ਵਿੱਚ 457 ਦੌੜਾਂ ਦਾ ਟੀਚਾ ਦਿੱਤਾ ਗਿਆ ਸੀ, ਪਰ ਅੰਗਰੇਜ਼ੀ ਟੀਮ 186 ਦੌੜਾਂ ‘ਤੇ ਆਲ ਆਊਟ ਹੋ ਗਈ।
ਪਹਿਲੀ ਪਾਰੀ ਵਿੱਚ 115 ਦੌੜਾਂ ਦੀ ਵੱਡੀ ਲੀਡ ਸਥਾਪਤ ਕਰਨ ਤੋਂ ਬਾਅਦ, ਟੀਮ ਇੰਡੀਆ ਨੇ ਆਪਣੀ ਦੂਜੀ ਪਾਰੀ 341 ਦੌੜਾਂ ‘ਤੇ ਐਲਾਨ ਦਿੱਤੀ। 457 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ, ਤੀਜੇ ਦਿਨ ਹੀ ਇੰਗਲੈਂਡ ਦੀ ਹਾਰ ਲਗਭਗ ਤੈਅ ਸੀ, ਜਦੋ ਸਿਰਫ਼ 59 ਦੌੜਾਂ ‘ਤੇ ਪੰਜ ਵਿਕਟਾਂ ਗੁਆ ਦਿੱਤੀਆਂ। ਐਮੀ ਜੋਨਸ ਅਤੇ ਸੋਫੀ ਏਕਲਸਟੋਨ ਨੇ ਅਰਧ ਸੈਂਕੜੇ ਲਗਾ ਕੇ ਅੰਗਰੇਜ਼ੀ ਟੀਮ ਦੀ ਜਿੱਤ ਦੀਆਂ ਉਮੀਦਾਂ ਨੂੰ ਜ਼ਿੰਦਾ ਰੱਖਿਆ, ਪਰ ਅੰਤ ਵਿੱਚ, ਟੀਮ ਸਿਰਫ਼ 186 ਦੌੜਾਂ ਹੀ ਬਣਾ ਸਕੀ।
ਟੀਮ ਇੰਡੀਆ ਦੀ ਪਹਿਲੀ ਪਾਰੀ 285 ਦੌੜਾਂ ‘ਤੇ ਸਿਮਟ ਗਈ ਸੀ। ਸਾਰਿਆਂ ਦੀਆਂ ਉਮੀਦਾਂ ਦੇ ਉਲਟ, ਮੇਜ਼ਬਾਨ ਇੰਗਲੈਂਡ ਦੀ ਪਹਿਲੀ ਪਾਰੀ ਸਿਰਫ਼ 170 ਦੌੜਾਂ ‘ਤੇ ਸਿਮਟ ਗਈ। ਟੀਮ ਇੰਡੀਆ ਨੇ ਵੱਡੀ ਲੀਡ ਲੈ ਲਈ ਅਤੇ ਆਪਣੀ ਦੂਜੀ ਪਾਰੀ 341 ਦੌੜਾਂ ‘ਤੇ ਐਲਾਨ ਦਿੱਤੀ। ਭਾਰਤ ਲਈ ਕ੍ਰਾਂਤੀ ਗੌਰ ਨੇ ਸੱਤ ਅਤੇ ਸਨੇਹ ਰਾਣਾ ਨੇ ਛੇ ਵਿਕਟਾਂ ਲਈਆਂ।
ਫਿਲਹਾਲ ਭਾਰਤ ਦੀ ਪੁਰਸ਼ ਟੀਮ ਵੀ ਇੰਗਲੈਂਡ ਦੌਰੇ ‘ਤੇ ਹੈ। ਸ਼੍ਰੇਅਸ ਅਈਅਰ ਦੀ ਕਪਤਾਨੀ ਵਾਲੀ ਟੀਮ ਇੰਡੀਆ ਟੀ-20 ਸੀਰੀਜ਼ ‘ਚ 0-4 ਨਾਲ ਹਾਰ ਗਈ ਸੀ। ਪਰ ਭਾਰਤੀ ਕੁੜੀਆਂ ਨੇ ਲਾਰਡਸ ਦੇ ਮੈਦਾਨ ‘ਤੇ ਖੇਡਿਆ ਗਿਆ ਪਹਿਲਾ ਟੈਸਟ ਮੈਚ 270 ਦੌੜਾਂ ਨਾਲ ਜਿੱਤ ਕੇ ਪੁਰਸ਼ ਟੀਮ ਦੀ ਹਾਰ ਦਾ ਬਦਲਾ ਲੈ ਲਿਆ ਹੈ।