ਨਿਊਜ਼ੀਲੈਂਡ ਦੇ Invercargill City Council ਦੀ ਮੀਟਿੰਗ ਦੌਰਾਨ ਮੇਅਰ Tom Campbell ਅਤੇ ਛੇ ਵਾਰ ਚੁਣੇ ਜਾ ਚੁੱਕੇ ਕੌਂਸਲਰ Ian Pottinger ਵਿਚਾਲੇ ਤਿੱਖੀ ਤਕਰਾਰ ਹੋ ਗਈ। ਇਹ ਦੋਵਾਂ ਵਿਚਾਲੇ ਇਸ ਤਰ੍ਹਾਂ ਦਾ ਤੀਜਾ ਵਿਵਾਦ ਦੱਸਿਆ ਜਾ ਰਿਹਾ ਹੈ।
ਮਾਮਲਾ ਉਸ ਵੇਲੇ ਗਰਮਾਇਆ ਜਦੋਂ Pottinger ਨੇ amalgamation ਨਾਲ ਜੁੜੇ ਸਵਾਲ ਪੁੱਛੇ। ਮੇਅਰ ਵੱਲੋਂ ਜਵਾਬ ਦੇਣ ’ਤੇ ਕੌਂਸਲਰ ਨੇ ਉਸ ਨੂੰ “soliloquy” ਕਹਿ ਦਿੱਤਾ। ਇਸ ’ਤੇ Campbell ਨਾਰਾਜ਼ ਹੋ ਗਏ ਅਤੇ ਉਨ੍ਹਾਂ ਨੇ Pottinger ਨੂੰ ਮੀਟਿੰਗ ਵਿੱਚ ਢੰਗ ਨਾਲ ਹਿੱਸਾ ਲੈਣ ਅਤੇ ਸਵਾਲ ਨਿਮਰਤਾ ਨਾਲ ਪੁੱਛਣ ਲਈ ਕਿਹਾ।
ਬਾਅਦ ਵਿੱਚ Pottinger ਨੂੰ ਆਪਣਾ ਸਵਾਲ ਪੁੱਛਣ ਦਾ ਮੌਕਾ ਦਿੱਤਾ ਗਿਆ ਅਤੇ council manager Rhiannon Suter ਨੇ ਜਵਾਬ ਦਿੱਤਾ, ਹਾਲਾਂਕਿ ਉਨ੍ਹਾਂ ਨੇ ਮੰਨਿਆ ਕਿ ਉਹ ਸਵਾਲ ਨੂੰ ਪੂਰੀ ਤਰ੍ਹਾਂ ਸਮਝ ਨਹੀਂ ਸਕੇ ।
Pottinger ਨੇ ਬਾਅਦ ਵਿੱਚ ਕਿਹਾ ਕਿ ਉਹ Suter ਤੋਂ ਜਵਾਬ ਲੈਣ ਦੀ ਕੋਸ਼ਿਸ਼ ਕਰ ਰਹੇ ਸਨ ਪਰ ਉਨ੍ਹਾਂ ਨੂੰ ਵਿਚਕਾਰ ਰੋਕ ਦਿੱਤਾ ਗਿਆ। ਉਨ੍ਹਾਂ ਕਿਹਾ ਕਿ ਉਹ ਆਪਣੇ ਕੰਮ ਨੂੰ ਲੈ ਕੇ passionate ਹਨ, ਕਾਫੀ research ਕਰਦੇ ਹਨ ਅਤੇ ਆਸਾਨੀ ਨਾਲ ਪਿੱਛੇ ਹਟਣ ਵਾਲੇ ਨਹੀਂ।
ਇਸ ਤੋਂ ਪਹਿਲਾਂ ਵੀ Pottinger ਦੀ ਹੋਰ ਕੌਂਸਲਰਾਂ ਨਾਲ ਤਕਰਾਰ ਹੋ ਚੁੱਕੀ ਹੈ। ਮੇਅਰ Campbell ਨੇ ਮੰਗਲਵਾਰ ਦੀ ਘਟਨਾ ਨੂੰ ਹਾਲਾਂਕਿ ਮਾਮੂਲੀ ਦੱਸਦਿਆਂ ਕਿਹਾ ਕਿ ਮਾਮਲਾ ਮੌਕੇ ’ਤੇ ਹੀ ਨਿਪਟਾ ਦਿੱਤਾ ਗਿਆ ਸੀ।