ਨਿਊਜ਼ੀਲੈਂਡ: TSB ਬੈਂਕ ਨੇ ਹਜ਼ਾਰਾਂ ਕਾਰੋਬਾਰੀ ਗਾਹਕਾਂ ਤੋਂ ਲਗਭਗ ਛੇ ਸਾਲਾਂ ਤੱਕ ਅਜਿਹੀ ਫੀਸ ਵਸੂਲ ਕੀਤੀ, ਜੋ ਬੈਂਕ ਦੀਆਂ ਆਪਣੀਆਂ ਸ਼ਰਤਾਂ ਮੁਤਾਬਿਕ ਨਹੀਂ ਲੱਗਣੀ ਚਾਹੀਦੀ ਸੀ। ਇਸ ਮਾਮਲੇ ਵਿੱਚ ਬੈਂਕ ਨੇ ਪ੍ਰਭਾਵਿਤ ਗਾਹਕਾਂ ਨੂੰ ਕੁੱਲ $1.73 ਮਿਲੀਅਨ ਵਾਪਿਸ ਕੀਤੇ ਹਨ।
ਫਾਇਨੈਂਸ਼ਲ ਮਾਰਕਿਟਸ ਅਥਾਰਟੀ (FMA) ਨੇ TSB ਖ਼ਿਲਾਫ਼ ਜਨਤਕ ਚਿਤਾਵਨੀ ਜਾਰੀ ਕੀਤੀ ਹੈ। ਬੈਂਕ ਨੇ ਕੁਝ ਬਿਜ਼ਨਸ ਚੈੱਕ ਲੈਣ-ਦੇਣ ‘ਤੇ 25 ਸੈਂਟ ਦੀ ਫੀਸ ਵਸੂਲ ਕੀਤੀ, ਜਦਕਿ ਉਸ ਦੀਆਂ ਆਪਣੀਆਂ ਟਰਮਜ਼ ਐਂਡ ਕੰਡੀਸ਼ਨਜ਼ ਅਨੁਸਾਰ ਇਨ੍ਹਾਂ ਲੈਣ-ਦੇਣ ‘ਤੇ ਕੋਈ ਫੀਸ ਨਹੀਂ ਹੋਣੀ ਚਾਹੀਦੀ ਸੀ।
ਇਹ ਗਲਤ ਵਸੂਲੀ 30 ਨਵੰਬਰ 2017 ਤੋਂ 20 ਨਵੰਬਰ 2023 ਤੱਕ ਜਾਰੀ ਰਹੀ ਅਤੇ ਇਸ ਨਾਲ 7,300 ਤੋਂ ਵੱਧ TSB ਕਾਰੋਬਾਰੀ ਗਾਹਕ ਪ੍ਰਭਾਵਿਤ ਹੋਏ।