ਆਕਲੈਂਡ ਵਿੱਚ ਦੋ ਕਾਰਾਂ ਅਤੇ ਇੱਕ ਬੱਸ ਦਰਮਿਆਨ ਹੋਏ ਹਾਦਸੇ ਵਿੱਚ ਕਈ ਲੋਕ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਏ ਹਨ। ਇਹ ਹਾਦਸਾ ਸ਼ਾਮ ਕਰੀਬ 4 ਵਜੇ ਤੋਂ ਥੋੜ੍ਹਾ ਪਹਿਲਾਂ ਜੇਰਵੋਇਸ ਰੋਡ, ਪੋਨਸਨਬੀ ਇਲਾਕੇ ਵਿੱਚ ਵਾਪਰਿਆ। ਐਮਰਜੈਂਸੀ ਸੇਵਾਵਾਂ ਨੂੰ ਤੁਰੰਤ ਮੌਕੇ ‘ਤੇ ਭੇਜਿਆ ਗਿਆ ਸੀ। ਐਮਰਜੈਂਸੀ ਸੇਵਾ ਸੰਸਥਾ Hato Hone St John ਨੇ ਤਿੰਨ ਐਂਬੂਲੈਂਸਾਂ ਅਤੇ ਦੋ ਰੈਪਿਡ ਰਿਸਪਾਂਸ ਵਾਹਨ ਮੌਕੇ ‘ਤੇ ਭੇਜੇ। ਮੌਕੇ ‘ਤੇ ਚਾਰ ਲੋਕਾਂ ਦਾ ਇਲਾਜ ਕੀਤਾ ਗਿਆ। ਉਨ੍ਹਾਂ ਵਿੱਚੋਂ ਦੋ ਨੂੰ ਗੰਭੀਰ ਹਾਲਤ ਵਿੱਚ Auckland City Hospital ਦਾਖ਼ਲ ਕਰਵਾਇਆ ਗਿਆ ਹੈ, ਜਦਕਿ ਇੱਕ ਹੋਰ ਦੀ ਹਾਲਤ ਦਰਮਿਆਨੀ ਦੱਸੀ ਜਾ ਰਹੀ ਹੈ। ਪੁਲਿਸ ਅਨੁਸਾਰ ਜ਼ਖ਼ਮੀ ਹੋਏ ਸਾਰੇ ਲੋਕ ਕਾਰਾਂ ਵਿੱਚ ਸਵਾਰ ਸਨ। ਬੱਸ ਖਾਲੀ ਸੀ ਅਤੇ ਸੇਵਾ ਵਿੱਚ ਨਹੀਂ ਸੀ।
ਇਸ ਮਾਮਲੇ ਬਾਰੇ Auckland Transport ਨੇ ਕਿਹਾ ਕਿ ਉਹ ਘਟਨਾ ਤੋਂ ਜਾਣੂ ਹਨ ਪਰ ਇਸ ਸਮੇਂ ਉਨ੍ਹਾਂ ਕੋਲ ਵਧੇਰੇ ਵੇਰਵੇ ਨਹੀਂ ਹਨ। ਬੁੱਧਵਾਰ ਨੂੰ ਵੀ ਗ੍ਰਾਫਟਨ ਇਲਾਕੇ ਵਿੱਚ ਬੱਸ ਅਤੇ ਕਾਰ ਦਰਮਿਆਨ ਇਕ ਹੋਰ ਹਾਦਸਾ ਵਾਪਰਿਆ ਸੀ, ਜਿਸ ਵਿੱਚ ਚਾਰ ਲੋਕਾਂ ਨੂੰ ਹਸਪਤਾਲ ਲਿਜਾਇਆ ਗਿਆ। ਆਕਲੈਂਡ ਟਰਾਂਸਪੋਰਟ ਮੁਤਾਬਕ ਪ੍ਰਾਰੰਭਿਕ ਜਾਣਕਾਰੀ ਅਨੁਸਾਰ ਕਾਰ ਨੇ ਰੈੱਡ ਸਿਗਨਲ ਦੌਰਾਨ ਯੂ ਟਰਨ ਲਿਆ ਸੀ, ਜਿਸ ਕਾਰਨ ਹਾਦਸਾ ਵਾਪਰਿਆ।