ਇੱਕ ਬੋਰਡਿੰਗ ਹਾਊਸ ਆਪਰੇਟਰ ਨੂੰ $27,000 ਤੋਂ ਵੱਧ ਦਾ ਭੁਗਤਾਨ ਕਰਨਾ ਪਵੇਗਾ ਕਿਉਂਕਿ ਅਧਿਕਾਰੀਆਂ ਨੇ ਉਸਦੀ ਆਕਲੈਂਡ ਜਾਇਦਾਦ ਨੂੰ ਗੰਦਾ, ਅਸੁਰੱਖਿਅਤ ਅਤੇ ਹੈਲਦੀ ਹੋਮਜ਼ ਸਟੈਂਡਰਡਾਂ ਦੀ ਪਾਲਣਾ ਨਾ ਕਰਨ ਵਾਲਾ ਐਲਾਨਿਆ ਹੈ। ਟੈਨੈਂਸੀ ਟ੍ਰਿਬਿਊਨਲ ਨੇ ਪਾਇਆ ਕਿ ਬਰਨਲੇ ਲਾਜ ਲਿਮਟਿਡ ਨੇ ਰਿਹਾਇਸ਼ੀ ਕਿਰਾਏਦਾਰੀ ਐਕਟ ਦੇ ਤਹਿਤ ਆਪਣੀ ਜ਼ਿੰਮੇਵਾਰੀ ਦੀ ਉਲੰਘਣਾ ਕੀਤੀ ਹੈ। ਵਪਾਰ, ਨਵੀਨਤਾ ਅਤੇ ਰੁਜ਼ਗਾਰ ਮੰਤਰਾਲੇ (MBIE) ਨੇ ਉਨ੍ਹਾਂ ਨੂੰ ਕਿਰਾਏਦਾਰੀ ਸਮਝੌਤਿਆਂ ਬਾਰੇ ਲੋੜੀਂਦੀ ਜਾਣਕਾਰੀ ਪ੍ਰਦਾਨ ਨਾ ਕਰਨ, ਕਿਰਾਏਦਾਰ ਬਾਂਡ ਭੁਗਤਾਨਾਂ ਨੂੰ ਗਲਤ ਢੰਗ ਨਾਲ ਸੰਭਾਲਣ ਅਤੇ ਆਪਣੇ ਮਾਊਂਟ ਈਡਨ ਬੋਰਡਿੰਗ ਹਾਊਸ ਦੇ ਅਹਾਤੇ ਨੂੰ ਬਣਾਈ ਰੱਖਣ ਜਾਂ ਹੈਲਦੀ ਹੋਮਜ਼ ਸਟੈਂਡਰਡਾਂ ਦੀ ਪਾਲਣਾ ਨਾ ਕਰਨ ਦੋਸ਼ੀ ਮੰਨਿਆ ਹੈ।
MBIE ਦੀ ਟੈਨੈਂਸੀ ਕੰਪਲਾਇੰਸ ਐਂਡ ਇਨਵੈਸਟੀਗੇਸ਼ਨ ਟੀਮ (TCIT) ਨੂੰ ਆਕਲੈਂਡ ਕੌਂਸਲ ਦੇ ਰੈਫਰਲ ਤੋਂ ਬਾਅਦ ਸਥਿਤੀ ਪ੍ਰਤੀ ਸੁਚੇਤ ਕੀਤਾ ਗਿਆ ਸੀ। ਫਿਰ ਅਧਿਕਾਰੀਆਂ ਨੇ ਜਾਇਦਾਦ ਦਾ ਦੌਰਾ ਕੀਤਾ ਅਤੇ ਬੋਰਡਿੰਗ ਹਾਊਸ ਵਿੱਚ ਭਾਰੀ ਕਾਲੀ ਉੱਲੀ ਸਮੇਤ ਕਈ ਮੁੱਦੇ ਪਾਏ, ਅਤੇ ਇਹ ਕਿ ਕੁਝ ਬੈੱਡਰੂਮ ਰਿਹਾਇਸ਼ ਲਈ ਮਨਜ਼ੂਰ ਨਹੀਂ ਸਨ। MBIE ਨੇ ਕਿਹਾ ਕਿ, “TCIT ਕੌਂਸਲ ਅਤੇ ਫਾਇਰ ਐਂਡ ਐਮਰਜੈਂਸੀ ਨਿਊਜ਼ੀਲੈਂਡ ਵੱਲੋਂ ਕਈ ਜਾਂਚਾਂ, ਨੋਟਿਸਾਂ ਅਤੇ ਨਿਰੀਖਣਾਂ ਦੇ ਬਾਵਜੂਦ, ਮਕਾਨ ਮਾਲਕ ਗੰਭੀਰ ਸਿਹਤ ਅਤੇ ਸੁਰੱਖਿਆ ਚਿੰਤਾਵਾਂ ਨੂੰ ਹੱਲ ਕਰਨ ਲਈ ਅਰਥਪੂਰਨ ਕਾਰਵਾਈ ਕਰਨ ਵਿੱਚ ਅਸਫਲ ਰਿਹਾ ਸੀ ਅਤੇ TCIT ਨੇ ਟੈਨੈਂਸੀ ਟ੍ਰਿਬਿਊਨਲ ਕੋਲ ਅਰਜ਼ੀ ਦਾਇਰ ਕੀਤੀ ਸੀ।”
ਟੈਨੈਂਸੀ ਟ੍ਰਿਬਿਊਨਲ ਨੇ ਕਿਹਾ ਕਿ ਬਰਨਲੇ ਲਾਜ ਲਿਮਟਿਡ ਨੇ ਜਾਣਬੁੱਝ ਕਿ ਅਜਿਹਾ ਕੀਤਾ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਇਸਦਾ ਗੈਰ-ਪਾਲਣਾ ਅਤੇ ਰੈਗੂਲੇਟਰੀ ਅਧਿਕਾਰੀਆਂ ਨਾਲ ਜੁੜਨ ਵਿੱਚ ਅਸਫਲ ਰਹਿਣ ਦਾ ਇਤਿਹਾਸ ਰਿਹਾ ਹੈ। ਟੈਨੈਂਸੀ ਕੰਪਲਾਇੰਸ ਐਂਡ ਇਨਵੈਸਟੀਗੇਸ਼ਨਜ਼ ਟੀਮ ਦੇ ਰਾਸ਼ਟਰੀ ਮੈਨੇਜਰ, ਬ੍ਰੈਟ ਵਿਲਸਨ ਨੇ ਕਿਹਾ ਕਿ ਮਕਾਨ ਮਾਲਕਾਂ ਲਈ ਪਾਲਣਾ ਇੱਕ ਕਾਨੂੰਨੀ ਲੋੜ ਹੈ, ਕੋਈ ਵਿਕਲਪ ਨਹੀਂ। ਉਨ੍ਹਾਂ ਕਿਹਾ ਕਿ ਟ੍ਰਿਬਿਊਨਲ ਦੇ ਫੈਸਲੇ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਪਾਲਣਾ ਨਾ ਕਰਨ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।