ਆਕਲੈਂਡ ਤੋਂ ਇੱਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ ਜਿਸ ਨੇ ਸਭ ਨੂੰ ਹੈਰਾਨ ਕਰਕੇ ਰੱਖ ਦਿੱਤਾ ਹੈ। ਦਰਅਸਲ ਇੱਥੇ ਇੱਕ ਅਧਿਆਪਕਾ ਟੈਮਲਿਨ ਐਸਟੀ ਮੇ ‘ਤੇ 11 ਸਾਲ ਦੇ ਮੁੰਡੇ ਨੂੰ ਯੌਨ ਸ਼ੋਸ਼ਣ ਲਈ ਫਸਾਉਣ (ਗਰੂਮਿੰਗ) ਅਤੇ ਅਸ਼ਲੀਲ ਹਰਕਤ ਕਰਨ ਦੇ ਦੋਸ਼ਾਂ ‘ਚ ਦੋਸ਼ੀ ਕਰਾਰ ਦਿੱਤਾ ਗਿਆ ਹੈ। ਦੱਸ ਦੇਈਏ ਅਦਾਲਤ ‘ਚ ਸੁਣਵਾਈ ਦੌਰਾਨ ਇਹ ਖੁਲਾਸਾ ਹੋਇਆ ਕਿ ਮਾਪਿਆਂ ਨੇ ਆਪਣੇ ਪੁੱਤਰ ਨਾਲ ਹੋ ਰਹੀ ਸ਼ੱਕੀ ਗਤੀਵਿਧੀ ਦਾ ਪਤਾ ਕੀਤਾ ਸੀ ਇਸ ਤੋਂ ਬਾਅਦ ਪੁਲਿਸ ਜਾਂਚ ਵਿੱਚ ਅਧਿਆਪਕਾ ਵੱਲੋਂ ਬੱਚੇ ਨੂੰ ਗਲਤ ਮਕਸਦ ਲਈ ਫਸਾਉਣ ਦੀ ਪੁਸ਼ਟੀ ਹੋਈ। ਹੁਣ ਅਦਾਲਤ ਨੇ ਉਸਨੂੰ 6 ਮਹੀਨੇ ਦੀ ਹੋਮ ਡਿਟੈਂਸ਼ਨ ਦੀ ਸਜ਼ਾ ਸੁਣਾਈ ਹੈ। ਇੱਕ ਰਿਪੋਰਟ ਮੁਤਾਬਿਕ ਦੋਸ਼ੀ ਅਧਿਆਪਕਾ ਦੇ ਆਪਣੇ ਵੀ ਛੋਟੇ ਬੱਚੇ ਹਨ। ਮਾਮਲੇ ਵਿੱਚ ਪਹਿਲਾਂ ਉਸਦਾ ਨਾਮ ਗੁਪਤ ਰੱਖਿਆ ਗਿਆ ਸੀ, ਪਰ ਹੁਣ ਅਦਾਲਤੀ ਹੁਕਮ ਤੋਂ ਬਾਅਦ ਨਾਮ ਜਨਤਕ ਕੀਤਾ ਗਿਆ ਹੈ।
