ਨਿਊਜ਼ੀਲੈਂਡ ਦੇ ਵਿਵਾਦਤ ਆਗੂ ਅਤੇ ਡੈਸਟਿਨੀ ਚਰਚ ਦੇ ਮੁਖੀ ਬ੍ਰਾਇਨ ਤਾਮਾਕੀ ਨੇ ਫਿਰ ਇੱਕ ਮਾਰਚ ਦਾ ਸੱਦਾ ਦਿੱਤਾ ਹੈ। ਤਾਮਾਕੀ ਨੇ ਕਿਹਾ ਹੈ ਕਿ ਉਸਦੀ ਸੰਸਥਾ 31 ਜਨਵਰੀ ਨੂੰ ਆਕਲੈਂਡ ਦੇ ਹਾਰਬਰ ਬ੍ਰਿਜ਼ ’ਤੇ “Bridge to Better” ਨਾਮ ਦਾ ਰੋਸ ਮਾਰਚ ਜ਼ਰੂਰ ਕਰੇਗੀ, ਭਾਵੇਂ ਅਧਿਕਾਰੀਆਂ ਨੇ ਇਸ ਲਈ ਮਨਜ਼ੂਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਨਿਊਜ਼ੀਲੈਂਡ ਟਰਾਂਸਪੋਰਟ ਏਜੰਸੀ ਵਾਕਾ ਕੋਟਾਹੀ (NZTA) ਨੇ ਸੁਰੱਖਿਆ ਕਾਰਨਾਂ ਕਰਕੇ ਅਰਜ਼ੀ ਰੱਦ ਕਰ ਦਿੱਤੀ ਸੀ। ਅਧਿਕਾਰੀਆਂ ਨੇ ਚਿਤਾਵਨੀ ਦਿੱਤੀ ਸੀ ਕਿ ਇਸ ਮਾਰਚ ਨਾਲ ਪੂਰੇ ਆਕਲੈਂਡ ਦੇ ਟਰਾਂਸਪੋਰਟ ਨੈੱਟਵਰਕ ਵਿੱਚ ਵੱਡੀ ਰੁਕਾਵਟ ਪੈ ਸਕਦੀ ਹੈ।
ਪਰ ਬੀਤੇ ਦਿਨੀ ਮੈਨੂਕਾਊ ਦੇ Due Drop Events Centre ਵਿੱਚ ਆਪਣੇ ਸਮਰਥਕਾਂ ਨੂੰ ਸੰਬੋਧਨ ਕਰਦਿਆਂ ਤਾਮਾਕੀ ਨੇ ਕਿਹਾ ਕਿ ਇਹ ਪ੍ਰਦਰਸ਼ਨ “2026 ਦਾ ਸਭ ਤੋਂ ਵੱਡਾ ਮੋੜ” ਹੈ ਅਤੇ ਨਿਊਜ਼ੀਲੈਂਡ ਦਾ ਭਵਿੱਖ ਡੈਸਟਿਨੀ ’ਤੇ ਨਿਰਭਰ ਕਰਦਾ ਹੈ। ਉਸ ਨੇ ਲੋਕਾਂ ਨੂੰ ਵੱਡੀ ਗਿਣਤੀ ਵਿੱਚ ਪਹੁੰਚਣ ਲਈ ਅਪੀਲ ਕੀਤੀ ਅਤੇ ਦਾਅਵਾ ਕੀਤਾ ਕਿ ਇਸ ਮਾਰਚ ਦੇ ਖ਼ਿਲਾਫ਼ ਤਿੰਨ ਕਾਊਂਟਰ-ਪ੍ਰੋਟੈਸਟ ਵੀ ਹੋਣਗੇ।