ਨਿਊਜ਼ੀਲੈਂਡ ਵਿੱਚ ਪੈਟਰੋਲ ਦੀਆਂ ਲਗਾਤਾਰ ਵਧ ਰਹੀਆਂ ਕੀਮਤਾਂ ਕਾਰਨ ਹੁਣ ਡਰਾਈਵਰਾਂ ਦਾ ਰੁਝਾਨ ਤੇਜ਼ੀ ਨਾਲ ਇਲੈਕਟ੍ਰਿਕ ਵਾਹਨਾਂ ਵੱਲ ਵੱਧ ਰਿਹਾ ਹੈ। ਮਾਹਿਰਾਂ ਦੇ ਅਨੁਸਾਰ EV ਕਾਰਾਂ ਨਾ ਸਿਰਫ਼ ਪੈਟਰੋਲ ਦੇ ਖਰਚ ਨੂੰ ਘਟਾਉਂਦੀਆਂ ਹਨ, ਸਗੋਂ ਲੰਬੇ ਸਮੇਂ ਵਿੱਚ ਇਹ ਵਧੀਆ ਅਤੇ ਕਿਫਾਇਤੀ ਵਿਕਲਪ ਸਾਬਿਤ ਹੋ ਰਹੀਆਂ ਹਨ। ਪਿਛਲੇ ਕੁਝ ਸਾਲਾਂ ਦੌਰਾਨ EV ਕਾਰਾਂ ਦੀਆਂ ਕੀਮਤਾਂ ਵਿੱਚ ਵੀ ਕਮੀ ਆਈ ਹੈ, ਜਿਸ ਕਰਕੇ ਹੁਣ ਕਈ ਮਾਡਲ ਆਮ ਪੈਟਰੋਲ ਕਾਰਾਂ ਦੇ ਬਰਾਬਰ ਕੀਮਤ ‘ਤੇ ਉਪਲਬਧ ਹਨ। ਇਸ ਨਾਲ ਆਮ ਲੋਕਾਂ ਲਈ ਵੀ ਇਲੈਕਟ੍ਰਿਕ ਕਾਰ ਖਰੀਦਣਾ ਆਸਾਨ ਹੋ ਗਿਆ ਹੈ।
ਨਿਊਜ਼ੀਲੈਂਡ ਵਿੱਚ ਕਿਫਾਇਤੀ EV ਕਾਰਾਂ ਦੇ ਕੁਝ ਪ੍ਰਸਿੱਧ ਮਾਡਲ ਇਹ ਹਨ:
Dongfeng Box – ਲਗਭਗ $26,990
BYD Atto 1 Essential – ਲਗਭਗ $29,990
BYD Atto 1 Premium – ਲਗਭਗ $35,990
Omoda E5 BX – ਲਗਭਗ $36,990
GWM Ora Lux – ਲਗਭਗ $36,990
Fiat 500e – ਲਗਭਗ $37,990
BYD Dolphin Essential – ਲਗਭਗ $39,990
MG4 Excite 51 – ਲਗਭਗ $40,990
ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਕਾਰਾਂ ਇੱਕ ਵਾਰ ਚਾਰਜ ਕਰਨ ‘ਤੇ 300 ਤੋਂ 430 ਕਿਲੋਮੀਟਰ ਤੱਕ ਦੀ ਦੂਰੀ ਤੈਅ ਕਰ ਸਕਦੀਆਂ ਹਨ, ਜੋ ਰੋਜ਼ਾਨਾ ਵਰਤੋਂ ਲਈ ਕਾਫ਼ੀ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਜਿਵੇਂ ਜਿਵੇਂ EV ਟੈਕਨੋਲੋਜੀ ਹੋਰ ਸਸਤੀ ਹੋ ਰਹੀ ਹੈ ਅਤੇ ਚਾਰਜਿੰਗ ਸਟੇਸ਼ਨਾਂ ਦਾ ਜਾਲ ਫੈਲ ਰਿਹਾ ਹੈ, ਨਿਊਜ਼ੀਲੈਂਡ ਵਿੱਚ ਇਲੈਕਟ੍ਰਿਕ ਵਾਹਨਾਂ ਦੀ ਮੰਗ ਆਉਣ ਵਾਲੇ ਸਮੇਂ ਵਿੱਚ ਹੋਰ ਵੀ ਵਧੇਗੀ।