ਮੰਗਲਵਾਰ ਸਵੇਰੇ ਸੈਂਟਰਲ ਆਕਲੈਂਡ ਵਿੱਚ ਇੱਕ ਕਾਰ ਦੀ ਘਰ ਨਾਲ ਟੱਕਰ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਹਾਦਸੇ ਤੋਂ ਬਾਅਦ ਮੌਕੇ ਤੋਂ ਭੱਜਣ ਵਾਲੇ ਡ੍ਰਾਈਵਰ ਨੂੰ ਲੱਭਣ ਲਈ ਪੁਲਿਸ ਪੁੱਛਗਿੱਛ ਕਰ ਰਹੀ ਹੈ। ਪੁਲਿਸ ਨੇ ਕਿਹਾ ਕਿ ਸਵੇਰੇ 10 ਵਜੇ ਦੇ ਕਰੀਬ ਹੌਬਸਨ ਸਟਰੀਟ ‘ਤੇ ਵੈਲਸਲੀ ਸਟਰੀਟ ਵੈਸਟ ਚੌਰਾਹੇ ਤੋਂ ਬਾਅਦ ਇੱਕ ਵਾਹਨ ਇੱਕ ਇਮਾਰਤ ਦੇ ਨਾਲ ਟਕਰਾ ਗਿਆ ਸੀ। ਇਸ ਤੋਂ ਬਾਅਦ ਡਰਾਈਵਰ ਮੌਕੇ ਤੋਂ ਭੱਜ ਗਿਆ। ਰਾਹਤ ਵਾਲੀ ਗੱਲ ਹੈ ਕਿ ਭੀੜ ਭਾੜ ਵਾਲੇ ਇਸ ਇਲਾਕੇ ‘ਚ ਇਸ ਘਟਨਾ ਦੌਰਾਨ ਕੋਈ ਜ਼ਖਮੀ ਨਹੀਂ ਹੋਇਆ।
