ਕ੍ਰਾਈਸਚਰਚ ਤੋਂ ਇੱਕ ਨਵੀਂ ਅੰਤਰਰਾਸ਼ਟਰੀ ਉਡਾਣ ਦੀ ਸ਼ੁਰੂਆਤ ਹੋਣ ਜਾ ਰਹੀ ਹੈ। ਦਰਅਸਲ ਕ੍ਰਾਈਸਚਰਚ ਅਤੇ ਵਾਨੂਆਟੂ ਨੂੰ ਜੋੜਨ ਵਾਲੀਆਂ ਸਿੱਧੀਆਂ ਉਡਾਣਾਂ ਆਉਣ ਵਾਲੇ ਮਹੀਨਿਆਂ ਵਿੱਚ ਸ਼ੁਰੂ ਹੋਣਗੀਆਂ। ਸੋਲੋਮਨ ਏਅਰਲਾਈਨਜ਼ ਨੇ ਪੁਸ਼ਟੀ ਕੀਤੀ ਹੈ ਕਿ ਇੱਕ ਏਅਰਬੱਸ ਏ320-200 1 ਜੁਲਾਈ ਤੋਂ ਹਫ਼ਤੇ ਵਿੱਚ ਦੋ ਵਾਰ ਗਾਰਡਨ ਸਿਟੀ ਅਤੇ ਵਾਨੂਆਟੂ ਦੀ ਰਾਜਧਾਨੀ ਪੋਰਟ ਵਿਲਾ ਵਿਚਕਾਰ ਉਡਾਣ ਭਰੇਗੀ। ਇਹ ਸੇਵਾ ਬੁੱਧਵਾਰ ਅਤੇ ਸ਼ਨੀਵਾਰ ਦੁਪਹਿਰ ਨੂੰ ਪੋਰਟ ਵਿਲਾ ਤੋਂ ਰਵਾਨਾ ਹੋਵੇਗੀ, ਵੀਰਵਾਰ ਅਤੇ ਐਤਵਾਰ ਸਵੇਰੇ ਕ੍ਰਾਈਸਚਰਚ ਤੋਂ ਵਾਪਿਸ ਆਵੇਗੀ। ਨਵਾਂ ਰੂਟ ਪਹਿਲੀ ਵਾਰ ਸ਼ੁਰੂ ਹੋਵੇਗਾ। ਸਿੱਧੀ ਉਡਾਣ ਵਿੱਚ ਲਗਭਗ ਚਾਰ ਘੰਟੇ ਲੱਗਣ ਦੀ ਉਮੀਦ ਹੈ।
