Taupō ਤੋਂ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ ਇੱਥੇ ਗੈਸ ਲੀਕ ਹੋਣ ਕਾਰਨ ਕਈ ਘਰ ਖਾਲੀ ਕਰਵਾਏ ਗਏ ਸਨ। ਹਾਲਾਂਕਿ ਹੁਣ ਲੋਕ ਆਪਣੇ ਘਰ ਵਾਪਸ ਆ ਸਕਦੇ ਹਨ। ਪੁਲਿਸ ਨੇ ਕਿਹਾ ਕਿ ਹਾਰਕੇਕੇ ਡਰਾਈਵ, ਵ੍ਹਾਰੇਵਾਕਾ ਰੋਡ ਅਤੇ ਲੇਕ ਟੈਰੇਸ ਦੇ ਵਸਨੀਕਾਂ ਨੂੰ ਇੱਕ ਖੁਦਾਈ ਦੇ ਦੌਰਾਨ ਗੈਸ ਲਾਈਨ ‘ਚੋਂ ਗੈਸ ਲੀਕ ਹੋਣ ਤੋਂ ਬਾਅਦ ਆਪਣੀਆਂ ਜਾਇਦਾਦਾਂ ਛੱਡਣ ਲਈ ਕਿਹਾ ਗਿਆ ਸੀ। ਦੁਪਹਿਰ ਤੋਂ ਥੋੜ੍ਹੀ ਦੇਰ ਬਾਅਦ ਵ੍ਹਾਰੇਵਾਕਾ ਦੇ ਉਪਨਗਰ ਵਿੱਚ ਇਹ ਮਾਮਲਾ ਸਾਹਮਣੇ ਆਇਆ ਸੀ। ਪੁਲਿਸ ਨੇ ਆਮ ਲੋਕਾਂ ਦਾ ਉਨ੍ਹਾਂ ਦੇ ਸਹਿਯੋਗ ਅਤੇ ਸਬਰ ਲਈ ਧੰਨਵਾਦ ਕੀਤਾ ਹੈ।
