ਨਿਊਜ਼ੀਲੈਂਡ ‘ਚ ਹੁੰਦੀਆਂ ਲੁੱਟਾਂ ਖੋਹਾਂ ਨੇ ਆਮ ਲੋਕਾਂ ਅਤੇ ਪੁਲਿਸ ਦੇ ਨੱਕ ‘ਚ ਦਮ ਕਰ ਦਿੱਤਾ ਹੈ। ਤਾਜ਼ਾ ਮਾਮਲਾ ਰੋਟੋਰੂਆ ਤੋਂ ਸਾਹਮਣੇ ਆਇਆ ਹੈ ਜਿੱਥੇ ਇੱਕ ਟੈਕਸੀ ਡਰਾਈਵਰ ਨੂੰ ਲੁੱਟਿਆ ਗਿਆ ਹੈ ਪਰ ਜੋ ਤਰੀਕਾ ਅਪਣਾਇਆ ਗਿਆ ਸੀ ਉਸ ਬਾਰੇ ਜਾਣ ਤੁਸੀਂ ਵੀ ਹੈਰਾਨ ਰਹਿ ਜਾਣਾ ਹੈ। ਦਰਅਸਲ ਬੰਦੂਕ ਦੀ ਨੋਕ ‘ਤੇ ਡਰਾਈਵਰ ਤੋਂ ਉਸਦੇ ATM ਤੋਂ ਪੈਸੇ ਕੱਢਵਾਉਣ ਲਈ ਮਜਬੂਰ ਕੀਤਾ ਗਿਆ ਸੀ, ਜਦੋਂ ਉਸਨੇ ਇੱਕ ਸਵਾਰੀ ਨੂੰ ਚੁੱਕਿਆ ਸੀ। ਪੁਲਿਸ ਦੇ ਅਨੁਸਾਰ ਡਰਾਈਵਰ ਨੇ ਕੱਲ੍ਹ ਸਵੇਰੇ ਸੈਲਵਿਨ ਹਾਈਟਸ ਇਲਾਕੇ ਤੋਂ ਇੱਕ ਆਦਮੀ ਨੂੰ ਲਿਫ਼ਟ ਦਿੱਤੀ। ਪਰ ਜਦੋਂ ਯਾਤਰੀ ਦੀ ਪੈਮੇਂਟ ਰੱਦ ਹੋ ਗਈ, ਉਸਨੇ ਇੱਕ ਪਿਸਤੌਲ ਕੱਢ ਲਈ।
ਡਿਟੈਕਟਿਵ ਸਰਜੰਟ ਜੋਨਾਥਨ ਬ੍ਰੇਡੀ ਨੇ ਦੱਸਿਆ ਕਿ ਡਰਾਈਵਰ ਨੂੰ ਬੰਦੂਕ ਦੀ ਨੋਕ ‘ਤੇ ATM ਤੱਕ ਲੈ ਜਾ ਕੇ ਆਪਣੇ ਪੈਸੇ ਕੱਢਵਾਉਣ ਲਈ ਮਜਬੂਰ ਕੀਤਾ ਫਿਰ ਉਸ ਆਦਮੀ ਨੇ ਕੱਢਵਾਏ ਹੋਏ ਪੈਸੇ ਅਤੇ ਟੈਕਸੀ ਵਿੱਚ ਮੌਜੂਦ ਨਕਦ ਰਕਮ ਦੋਵੇਂ ਲੈ ਲਈਆਂ। ਰੋਟੋਰੂਆ ਪੁਲਿਸ ਦੇ ਡਿਟੈਕਟਿਵ ਸਾਰਜੈਂਟ ਜੋਨਾਥਨ ਬ੍ਰੈਡੀ ਨੇ ਅੱਗੇ ਕਿਹਾ ਕਿਹਾ ਕਿ ਉਨ੍ਹਾਂ ਨੇ ਇਸ ਲੁੱਟ ਦੇ ਦੋਸ਼ ਵਿੱਚ ਇੱਕ 26 ਸਾਲ ਦੇ ਮੁੰਡੇ ਨੂੰ ਗ੍ਰਿਫਤਾਰ ਕੀਤਾ ਹੈ।