ਭਾਰਤ ਨੇ ਨੌਂ ਸਾਲਾਂ ਬਾਅਦ ਜੂਨੀਅਰ ਪੁਰਸ਼ ਹਾਕੀ ਵਿਸ਼ਵ ਕੱਪ ਵਿੱਚ ਆਖਰੀ 11 ਮਿੰਟਾਂ ਵਿੱਚ ਚਾਰ ਗੋਲ ਕਰਕੇ ਤਗਮਾ ਜਿੱਤਿਆ ਹੈ, ਬੁੱਧਵਾਰ ਨੂੰ ਭਾਰਤ ਨੇ ਕਾਂਸੀ ਤਗਮੇ ਦੇ ਪਲੇਆਫ ਵਿੱਚ 2021 ਦੇ ਚੈਂਪੀਅਨ ਅਰਜਨਟੀਨਾ ਨੂੰ 4-2 ਨਾਲ ਹਰਾਇਆ ਹੈ। ਦੋ ਵਾਰ ਦੇ ਚੈਂਪੀਅਨ (ਹੋਬਾਰਟ 2001 ਅਤੇ ਲਖਨਊ 2016) ਨੇ ਆਖਰੀ ਵਾਰ ਨੌਂ ਸਾਲ ਪਹਿਲਾਂ ਤਗਮਾ ਜਿੱਤਿਆ ਸੀ। ਇਸ ਤੋਂ ਪਹਿਲਾ ਟੀਮ ਦੋ ਵਾਰ ਕਾਂਸੀ ਤਗਮੇ ਦਾ ਮੈਚ ਹਾਰ ਗਈ ਸੀ, ਚੌਥੇ ਸਥਾਨ ‘ਤੇ ਰਹੀ ਸੀ। ਭਾਰਤ ਲਈ ਅੰਕਿਤ ਪਾਲ (49ਵੇਂ), ਮਨਮੀਤ ਸਿੰਘ (52ਵੇਂ), ਸ਼ਰਦਾਨੰਦ ਤਿਵਾੜੀ (57ਵੇਂ), ਅਤੇ ਅਨਮੋਲ ਏਕਾ (58ਵੇਂ) ਨੇ ਗੋਲ ਕੀਤੇ। ਅਰਜਨਟੀਨਾ ਲਈ ਨਿਕੋਲਸ ਰੌਡਰਿਗਜ਼ (5ਵੇਂ) ਅਤੇ ਸੈਂਟੀਆਗੋ ਫਰਨਾਂਡੇਜ਼ (44ਵੇਂ) ਨੇ ਗੋਲ ਕੀਤੇ। ਤਿੰਨ ਕੁਆਰਟਰਾਂ ਤੱਕ ਦੋ ਗੋਲਾਂ ਨਾਲ ਪਿੱਛੇ ਰਹਿਣ ਤੋਂ ਬਾਅਦ, ਭਾਰਤ ਨੇ ਸ਼ਾਨਦਾਰ ਵਾਪਸੀ ਕੀਤੀ, ਆਖਰੀ ਕੁਆਰਟਰ ਵਿੱਚ ਤੇਜ਼ੀ ਨਾਲ ਲਗਾਤਾਰ ਚਾਰ ਗੋਲ ਕੀਤੇ, ਜਿਸ ਕਾਰਨ ਦਰਸ਼ਕਾਂ ਨਾਲ ਭਰੇ ਮੇਅਰ ਰਾਧਾਕ੍ਰਿਸ਼ਨਨ ਸਟੇਡੀਅਮ ਵਿੱਚ ਜਾਨ ਆ ਗਈ।
