ਭਾਰਤੀ ਟੀਮ ਨੇ ਲੀਡਜ਼ ਟੈਸਟ ਦੇ ਪਹਿਲੇ ਦਿਨ 359 ਦੌੜਾਂ ਬਣਾਈਆਂ ਹਨ। ਪਹਿਲੇ ਦਿਨ ਦੀ ਖੇਡ ਖਤਮ ਹੋਣ ਤੱਕ, ਕਪਤਾਨ ਸ਼ੁਭਮਨ ਗਿੱਲ 127 ਦੌੜਾਂ ਬਣਾ ਕੇ ਖੇਡ ਰਿਹਾ ਹੈ। ਇਸ ਦੇ ਨਾਲ ਹੀ, ਉਪ-ਕਪਤਾਨ ਰਿਸ਼ਭ ਪੰਤ 65 ਦੌੜਾਂ ਬਣਾ ਕੇ ਖੇਡ ਰਿਹਾ ਹੈ। ਪੰਤ-ਗਿੱਲ ਨੇ ਚੌਥੀ ਵਿਕਟ ਲਈ 138 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਹੈ। ਕੇਐਲ ਰਾਹੁਲ ਨੇ ਵੀ ਚੰਗੀ ਪਾਰੀ ਖੇਡੀ, ਪਰ ਅਰਧ ਸੈਂਕੜਾ ਬਣਾਉਣ ਤੋਂ ਖੁੰਝ ਗਏ।
ਲੀਡਜ਼ ਦੇ ਹੈਡਿੰਗਲੇ ਕ੍ਰਿਕਟ ਗਰਾਊਂਡ ‘ਤੇ ਖੇਡੇ ਜਾ ਰਹੇ ਇਸ ਮੈਚ ਵਿੱਚ, ਮੇਜ਼ਬਾਨ ਇੰਗਲੈਂਡ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਭਾਰਤੀ ਬੱਲੇਬਾਜ਼ਾਂ ਨੇ ਮਜ਼ਬੂਤ ਸ਼ੁਰੂਆਤ ਕੀਤੀ। ਯਸ਼ਸਵੀ ਜੈਸਵਾਲ ਅਤੇ ਕੇਐਲ ਰਾਹੁਲ ਨੇ 91 ਦੌੜਾਂ ਦੀ ਸ਼ੁਰੂਆਤੀ ਸਾਂਝੇਦਾਰੀ ਕੀਤੀ। ਰਾਹੁਲ ਨੂੰ 42 ਦੌੜਾਂ ਦੇ ਸਕੋਰ ‘ਤੇ ਜੋ ਰੂਟ ਨੇ ਕੈਚ ਕੀਤਾ, ਇਹ ਉਨ੍ਹਾਂ ਦੇ ਟੈਸਟ ਕਰੀਅਰ ਦਾ 209ਵਾਂ ਕੈਚ ਸੀ। ਸਾਈ ਸੁਦਰਸ਼ਨ ਆਪਣਾ ਟੈਸਟ ਡੈਬਿਊ ਕਰ ਰਹੇ ਸਨ, ਪਰ ਆਪਣੇ ਪਹਿਲੇ ਮੈਚ ਵਿੱਚ ਖਾਤਾ ਵੀ ਨਹੀਂ ਖੋਲ੍ਹ ਸਕੇ। ਪਰ ਗਿੱਲ ਦੇ ਨਾਲ ਨਾਲ ਜੈਸਵਾਲ ਨੇ ਵੀ ਸੈਂਕੜਾ ਲਾਇਆ ਹੈ।