ਨਿਊਜ਼ੀਲੈਂਡ ‘ਚ ਨਰਸਿੰਗ ਸਟਾਫ਼ ਦੀ ਕਮੀ ਸਿਹਤ ਸੇਵਾਵਾ ‘ਤੇ ਵੱਡਾ ਅਸਰ ਪਾ ਰਹੀ ਹੈ। ਇਸ ਵਿਚਕਾਰ ਹੁਣ ਐਂਬੂਲੈਂਸ ਸੇਵਾ ਨਾਲ ਜੁੜੀ ਖ਼ਬਰ ਸਾਹਮਣੇ ਆਈ ਹੈ ਕਿ ਐਂਬੂਲੈਂਸ ਨਾ ਆਉਣ ਕਾਰਨ ਇੱਕ ਵਿਅਕਤੀ ਸਮੇਂ ‘ਤੇ ਹਸਪਤਾਲ ਨਹੀਂ ਪਹੁੰਚ ਸਕਿਆ ਜਿਸ ਕਾਰਨ ਉਸ ਨੂੰ ਆਪਣੀ ਜਾਨ ਗਵਾਉਣੀ ਪੈ ਗਈ। ਵਿਅਕਤੀ ਨੂੰ 100 ਮਿੰਟ ਇੰਤਜ਼ਾਰ ਕਰਨਾ ਪਿਆ ਸੀ। ਦਰਅਸਲ ਜੌਨਾਥਨ ਟੈਟੂਮਾ ਨੇ 111 ‘ਤੇ ਫ਼ੋਨ ਕੀਤਾ ਸੀ ਜਦੋ ਉਸ ਨੂੰ ਸਾਹ ਲੈਣ ਵਿੱਚ ਮੁਸ਼ਕਿਲ ਹੋ ਰਹੀ ਸੀ। ਪਰ ਜਦੋਂ ਤੱਕ ਇੱਕ ਐਂਬੂਲੈਂਸ 43 ਸਾਲਾ ਵਿਅਕਤੀ ਕੋਲ ਪਹੁੰਚੀ, ਲਗਭਗ ਇੱਕ ਘੰਟਾ 40 ਮਿੰਟ ਬਾਅਦ ਓਦੋ ਤੱਕ ਉਹ ਮਰ ਚੁੱਕਾ ਸੀ। ਕੋਰੋਨਰ ਅਧਕਾਰੀਆਂ ਨੇ ਇਸ ਨੂੰ ਵੱਡੀ ਲਾਪਰਵਾਹੀ ਦੱਸਿਆ ਹੈ। ਮੈਨੂਰੇਵਾ ਦਾ ਇਹ ਮਾਮਲਾ ਦਸੰਬਰ 2024 ਦਾ ਹੈ।
