ਦੇਸ਼ ਭਰ ਦੇ ਕ੍ਰੈਡਿਟ ਕਾਰਡ ਉਪਭੋਗਤਾ ਸ਼ਨੀਵਾਰ ਸਵੇਰੇ ਉੱਠਣ ਮਗਰੋਂ ਹੈਰਾਨ ਰਹਿ ਗਏ ਜਦੋਂ ਉਨ੍ਹਾਂ ਨੂੰ ਪਤਾ ਲੱਗਿਆ ਕਿ ਬੀਤੀ ਰਾਤ ਕੀਤੇ ਗਏ ਲੈਣ-ਦੇਣ ਲਈ ਕਈ ਵਾਰ ਚਾਰਜ ਲਾਏ ਗਏ ਸੀ। ਇੱਕ ਤੀਜੀ-ਧਿਰ ਪ੍ਰਦਾਤਾ ਨੂੰ ਇੱਕ ਤਕਨੀਕੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ ਜਿਸ ਕਾਰਨ ਨਿਊਜ਼ੀਲੈਂਡ ਬੈਂਕ ਦੇ ਗਾਹਕਾਂ ਦੇ ਖਾਤਿਆਂ ਵਿੱਚੋਂ ਡੁਪਲੀਕੇਟ ਭੁਗਤਾਨ ਕੀਤੇ ਗਏ ਸਨ ਜਿਨ੍ਹਾਂ ਨੇ ਰਾਤ 10pm ਅਤੇ 10.30pm ਵਿਚਕਾਰ ਸਾਮਾਨ ਅਤੇ ਸੇਵਾਵਾਂ ਲਈ ਭੁਗਤਾਨ ਕਰਨ ਲਈ ਆਪਣੇ ਕਾਰਡ ਦੀ ਵਰਤੋਂ ਕੀਤੀ ਸੀ।
ਦ ਰੌਕਸ ਮਾਰਨਿੰਗ ਰੰਬਲ ਦੇ ਮੇਜ਼ਬਾਨ ਬ੍ਰਾਈਸ ਕੇਸੀ ਉਨ੍ਹਾਂ ਲੋਕਾਂ ਵਿੱਚ ਸ਼ਾਮਿਲ ਸਨ ਜੋ ਗਲਤੀ ਨਾਲ ਫਸ ਗਏ ਸਨ। ਉਨ੍ਹਾਂ ਦੇ BNZ ਖਾਤੇ ਨੂੰ $17.25 ਦੀ ਉਬੇਰ ਰਾਈਡ ਲਈ 430 ਤੋਂ ਵੱਧ ਵਾਰ ਚਾਰਜ ਕੀਤਾ ਗਿਆ ਸੀ। ਕਟੌਤੀ ਕੀਤੀ ਰਕਮ ਕੁੱਲ $7528.25 ਹੈ। ਰੇਡੀਓ ਪੇਸ਼ਕਾਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਅੱਜ ਸਵੇਰੇ ਹੀ ਅਹਿਸਾਸ ਹੋਇਆ ਜਦੋਂ ਉਸਦਾ ਕਾਰਡ ਅਸਵੀਕਾਰ ਹੋ ਗਿਆ ਕਿਉਂਕਿ ਉਸਨੇ ਆਪਣੀ ਖਰਚ ਸੀਮਾ ਨੂੰ ਪਾਰ ਕਰ ਲਿਆ ਸੀ। ਉਹ ਹੈਰਾਨ ਸੀ ਕਿ ਉਸ ਨੂੰ ਲਗਾਤਾਰ ਲੈਣ-ਦੇਣ ਬਾਰੇ ਸੂਚਿਤ ਨਹੀਂ ਕੀਤਾ ਗਿਆ ਸੀ ਜੋ ਉਸ ਦੀ ਸੀਮਾ ਤੋਂ ਵੱਧ ਗਿਆ ਸੀ।
ਉਨ੍ਹਾਂ ਕਿਹਾ ਕਿ, “ਜੇਕਰ $5000 – $6000 ਇਸ ਤਰ੍ਹਾਂ ਲਗਾਤਾਰ ਚਾਰਜ ਕੀਤੇ ਜਾ ਰਹੇ ਹਨ ਤਾਂ ਬੈਂਕ ਨੂੰ ਸ਼ਾਇਦ ਕਿਸੇ ਕਿਸਮ ਦਾ ਸੁਨੇਹਾ ਭੇਜਣਾ ਚਾਹੀਦਾ ਸੀ।” ਇਸ ਕਾਰਨ ਲਗਭਗ 6000 BNZ ਗਾਹਕ ਪ੍ਰਭਾਵਿਤ ਹੋਏ ਹਨ। ਕੇਸੀ ਨੇ ਅੱਗੇ ਕਿਹ ਕਿ, “ਉਨ੍ਹਾਂ ਲਈ ਇਹ ਸਜ਼ਾ ਦੇਣ ਵਾਲਾ ਦਿਨ ਸੀ।”