ਕ੍ਰਾਈਸਚਰਚ ਤੋਂ ਇੱਕ ਹੈਰਾਨੀਜਨਕ ਅਤੇ ਨਿਰਾਸ਼ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਦਰਅਸਲ ਇੱਥੇ ਸਾਬਕਾ ਨਿਊਜ਼ੀਲੈਂਡ ਓਲੰਪਿਕ ਨੌਕਾਏੜ Les O’Connell ਦੇ ਘਰ ਚੋਰੀ ਹੋਈ ਹੈ। ਚੋਰੀ ਹੋਣ ਕਾਰਨ ਉਨ੍ਹਾਂ ਦਾ ਕੀਮਤੀ ਓਲੰਪਿਕ ਸੋਨਾ ਤਗਮਾ ਵੀ ਚੋਰੀ ਹੋ ਗਿਆ ਹੈ। ਇਹ ਤਗਮਾ ਉਨ੍ਹਾਂ ਨੇ 1984 ਲਾਸ ਏਂਜਲਸ ਓਲੰਪਿਕ ਖੇਡਾਂ ਵਿੱਚ ਪੁਰਸ਼ਾਂ ਦੀ ਕਾਕਸਲੈੱਸ ਫੋਰ ਟੀਮ ਨਾਲ ਜਿੱਤਿਆ ਸੀ। ਓ’ਕਾਨੇਲ ਨੇ ਚੋਰਾਂ ਨੂੰ ਅਪੀਲ ਕੀਤੀ ਹੈ ਕਿ ਤਗਮਾ ਨੁਕਸਾਨ ਪਹੁੰਚਾਏ ਬਿਨਾਂ ਵਾਪਸ ਕਰ ਦਿੱਤਾ ਜਾਵੇ। ਉਨ੍ਹਾਂ ਦੱਸਿਆ ਕਿ ਚੋਰ ਘਰ ਵਿੱਚ ਦਾਖ਼ਲ ਹੋ ਕੇ ਕੰਮ ਦੇ ਸਾਜੋ-ਸਾਮਾਨ ਨਾਲ ਭਰੀ ਗੱਡੀ ਸਮੇਤ ਹੋਰ ਸਮਾਨ ਲੈ ਗਏ ਅਤੇ ਘਰ ਦੇ ਦਰਾਜ਼ ਖੰਗਾਲ ਗਏ। ਹਾਲਾਂਕਿ ਘਰ ਵਿੱਚ ਹੋਰ ਤਗਮੇ ਸਜਾਏ ਹੋਏ ਸਨ, ਪਰ ਕੇਵਲ ਓਲੰਪਿਕ ਤਗਮਾ ਹੀ ਚੋਰੀ ਹੋਇਆ, ਜੋ ਉਨ੍ਹਾਂ ਨੇ ਕਿਤਾਬਾਂ ਦੇ ਪਿੱਛੇ ਲੁਕਾ ਕੇ ਰੱਖਿਆ ਹੋਇਆ ਸੀ। ਓ’ਕਾਨੇਲ ਨੇ ਕਿਹਾ ਕਿ ਹੋਰ ਚੀਜ਼ਾਂ ਤਾਂ ਦੁਬਾਰਾ ਖਰੀਦੀਆਂ ਜਾ ਸਕਦੀਆਂ ਹਨ, ਪਰ ਇਹ ਤਗਮਾ ਮੁੜ ਨਹੀਂ ਮਿਲ ਸਕਦਾ ਕਿਉਂਕਿ ਇਸ ਦੇ ਪਿੱਛੇ ਸਾਲਾਂ ਦੀ ਮਿਹਨਤ ਅਤੇ ਕੁਰਬਾਨੀ ਜੁੜੀ ਹੋਈ ਹੈ।
ਉਨ੍ਹਾਂ ਨੂੰ ਚਿੰਤਾ ਹੈ ਕਿ ਚੋਰ ਤਗਮੇ ਦੀ ਅਸਲੀ ਕਦਰ ਨਾ ਸਮਝ ਕੇ ਉਸਨੂੰ ਪਿਘਲਾਉਣ ਜਾਂ ਨੁਕਸਾਨ ਪਹੁੰਚਾ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਇਸ ਤਗਮੇ ਦੀ ਵਿੱਤੀ ਕੀਮਤ ਤੋਂ ਵੱਧ ਇਸ ਦੀ ਇਤਿਹਾਸਕ ਅਤੇ ਜਜ਼ਬਾਤੀ ਮਹੱਤਤਾ ਹੈ। ਉਨ੍ਹਾਂ ਚੋਰਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇ ਸੰਭਵ ਹੋਵੇ ਤਾਂ ਤਗਮਾ ਕਿਸੇ ਥਾਂ ਛੱਡ ਕੇ ਜਾਂ ਕਿਸੇ ਨੂੰ ਜਾਣਕਾਰੀ ਦੇ ਕੇ ਵਾਪਸ ਕਰ ਦਿੱਤਾ ਜਾਵੇ।